Ægir - 01.12.1930, Blaðsíða 26

278
ÆGIR
Togarinn „Apríl“ horfinn.
Talið er nú víst, að togarinn »April(í,
eign fiskveiðafélggsins Island, hafi farist
á rúmsjó í ofsaveðrinu 1. des. s. 1. á
heimleið frá Englandi.
Margir togarar auk varðskipanna »Óð-
ins« og »Ægis«, leituðu að skipinu, á-
rangurslaust, dagana 3.—10. desember.
Þessir 15 menn voru á skipinu:
Jón Sigurðsson, skipstjóri.
Jón Ó. Jónsson, 2. vélstjóri, Njálsg.23.
Kiartan Pétursson, háseti, Ásvallar-
götu 13.
Helgi Guðmundsson, stýrim., Berg-
staðastræti 26.
Pétur Ásbjörnsson, háseti, Ólafsvik.
Magnús Brynjólfsson, háseti, óðinsg. 6.
Einar Guðmundsson, háseti, Framnes-
vegi 1.
Kristján Jónsson, kyndari, Bergstaða-
stræti 1.
Pall Krisljánsson, háseti, Frakkast. 24
Sigurgísli Jónsson, háseti, Laugavegi 73.
Theodór Ólafsson, loftskeytam., Mar-
argötu 7.
Einar Eiríksson, 1. vélstjóri, Bragag. 21.
Magnús Andrésson, háseti, Mararg. 3.
Eggert Ketilbjarnarson, kyndari, Kára-
stíg 8.
Þórður Guðjónsson, matsveinn, Loka-
stíg 28 A.
Auk þess voru tveir farþegar, bæjar-
fulltrúi Pétur Hafstein cand. juris, og
Ragnar J. Kpistjánsson, sem orðið hafði
eftir af »Gullioppi« í Englandi.
Nánari frásögn í næsta blaði.
Ofviðrið á Eyrarbakka. í ofviðrinu 1.
desember síðastl. urðu nokkrar skemdir
á Eyrarbakka. Nýtt íbúðar- og fjárhús,
er Þorleifur Andrésson pipugerðamaður
hafði reyst að Borg í Hraunshverfi,
eyðilagðist næstum alveg. Gamla, stóra
hlaðan á Stóru-Háeyri fauk upp á mýr-
ar. Rúður fuku úr mörgum húsum.
Allt járn og pappi fauk af íbúðarhúsinu
Deild, rúður brotnuðu og austurgaflinn
á húsinu eyðilagðist. Regn og sandur
gerði íbúunum, konu og tveimur dætrum
hennar, óvært inni, og flýðu þær í annað
hús undir morgun. — Elztu menn á
Eyrarbakka muna varla eftir verra veðri
en þessu. — Sjór var kyr um þetta leyti,
en hann hefur þó oftgert mikinn óskunda
í ofviðrum þarna eystra.
Víða urðu nokkrar skemmdir af of-
viðri þessu, þótt lítið sé til þeirra frétt.
„Þór“ strandvarna- og
björgunarskip.
Skip þetta kom hinn 2. desember til
Reykjavíkur og hafði hreppt ofviðrið
er hér geysaði 1. des. Sakaði skipið ekki.
Framkvæmdarstjóri Pálmi Loftsson
keypti skipið í Þýzkalandi fyrir 180 þús.
kr. og sigldi því beim.
f*að hét áður »Senator Scháfer«, smíðað
í Stettin 1922, er 121 br. smál. (ton).
Lengd 128’i, breidd 24’2, dýpt 9’0.
Elding brennir hús. Það gerðist aust-
ur í Flögu í Skaptártungu í stórviðrinu að-
faranótt 1. þ. m., að eldingu laust niður
í íbúðarhúsið og brann það til grunna.
Manntjón varð ekki, en innanhúsmunum
varð engum bjargað. Símastöð var í húsinu
og sló eldingunni þar niður. Tjónið er
rnikið. Á Flögu búa Vigfús Gunnarsson
og Sigríður Sveinsdóttir, systir Gísla sýslu-
manns í Vík.