Skinfaxi - 01.08.2009, Síða 24

24 SKINFAXI – tímarit Ungmennafélags Íslands
Fulltrúar ungmennaáætlunar í Brüssel
komu til Íslands til skrafs og ráðagerða
með Evrópu unga fólksins dagana 17.–18.
september sl. Ungmennafélag Íslands
tók að sér í byrjun árs 2007 að sjá um
framkvæmd á verkefninu Evrópa unga
fólksins en verkefnið er á ábyrgð mennta-
málaráðuneytisins. Evrópa unga fólks-
ins er íslenska heitið á Youth in Action,
ungmennaáætlun Evrópusambandsins,
sem tók í gildi 1. janúar 2007.
„Við fórum yfir starfshætti og starfs-
reglur og aðra þætti verkefninu tengdu,
en á þriggja ára fresti eru allar lands-
skrifstofur í Evrópu heimsóttar. Það er
mikill stuðningur fyrir okkur að fá
þessa fulltrúa í heimsókn,“ sagði Anna
R. Möller, forstöðumaður landsskrif-
stofu Evrópu unga fólksins, í spjalli við
Skinfaxa.
Anna sagði að verkefnið í heild sinni
gengi mjög vel og að fjöldi umsókna á
milli ára hefði aukist töluvert. Að vísu
væri ekki samasemmerki á milli fjölda
umsókna og úthlutunar vegna þess að
umsóknirnar sumar hverjar væru ekki
nægilega vel unnar. „Úthlutunarreglur
eru mjög strangar og sumar umsóknir
hafa ekki uppfyllt skilyrðin að öllu leyti
en engu að síður erum við búin að
úthluta núna svipað og allt árið í fyrra.
Framhaldið er mjög gott og spennandi.
Við finnum fyrir töluverðri aukningu í
óskum um kynningar á verkefninu og
Stuðningur fyrir okkur að fá
fulltrúa frá Brüssel í heimsókn
Evrópa unga fólksins:
það er af hinu góða. Við getum því ekki
annað sagt en að það sé bjart fram
undan,“ sagði Anna R. Möller.
Evrópa unga fólksins hefur það að
markmiði að styrkja fjölbreytt verkefni
er varða ungt fólk. EUF gefur ungu fólki
á aldrinum 13–30 ára og samtökum,
sem vinna fyrir ungt fólk, möguleika á
þátttöku í ýmsum samevrópskum verk-
efnum. Þá leggur EUF áherslu á að
styrkja þau ungmenni sem á einhvern
hátt búa við skerta möguleika.
Einnig má nefna ungmennaskipti þar
sem hópar frá tveimur eða fleiri löndum
hittast og vinna saman að fyrirfram
ákveðnum verkefnum og unga fólkið
lærir um samfélag hvers annars.
Fulltrúar ung-
mennaáætlunar
í Brüssel komu
til Íslands til
skrafs og ráða-
gerða með
Evrópu unga
fólksins. Hópur-
inn er hér á
vinnufundi.
Lindi ehf.
TRADE
MARK
Ketilsbraut 13
640 Húsavík