Ægir - 15.01.1974, Qupperneq 11

Hagnýting fiskaflans var með svipuðu sniði
og s. 1. ár, eins og meðfylgjandi tafla ber með
sér, nema hvað allmikil aukning varð á loðnu-
frystingu. Tölurnar fyrir árið 1973 eru að
sjálfsögðu bráðabirgðatölur.
Verðlag sjávarafurða var yfirleitt mjög
hagstætt. Má segja, að verð flestra mikilvægra
vöruflokka hafi hækkað milli 50 og 100%. Sem
dæmi má nefna, að fiskblokk á Bandaríkja-
markaði hækkaði úr 48 centum pundið í 82
sent. Áþekkar hækkanir urðu á skreið og salt-
fiski.
Afkoma vinnslustöðva var í ýmsum grein-
um all góð, einkum þar sem hráefnisframboð
var gott og stöðugt, enda þótt hækkanir á
kaupgjaldi og öðru verðlagi væru miklar á
árinu. Þá ollu sveiflur á gengi helztu gjald-
miðla allmiklum erfiðeikum í viðskiptum.
Astand fiskstofna.
íslenzku síldarstofnarnir virðast nú vera í
vexti, þótt hægur sé. Að ráði Jakobs Jakobs-
sonar sameinuðust samtök sjávarútvegsins
um, að bann við veiðum í herpinót skyldi
framlengt til 1. sept. 1974.
Ýmsar takmarkanir á sókn í humarstofn-
inn tóku gildi á árinu, og orkuðu sumar tví-
mælis vegna óhagstæðra áhrifa á rekstur báta-
flotans. Hámarkskvóti var ákveðinn 3000 lest-
ir, sem ekki var fylltur, auk þess svæða- og
tímatakmarkanir.
Sem fyrr segir, voru settar takmarkanir á
veiði hörpudisks.
Svipaðar reglur giltu áfram á árinu um
rækju- og loðnuveiðar, svo og um veiðar með
dragnót og þorsk- og ufsanót. Þá giltu sömu
meginreglur og áður um veiðisvæði fyrir línu-,
net og botnvörpu.
Viðkomandi reglugerða hefur jafnóðum ver-
ið getið í Ægi og þarf ekki að rekja nánar.
Flestir stofnar botnlægra fiska eru ýmist
ofnýttir eða fullnýttir. Voru sett ýmis ákvæði
um lokun svæða sem þann tilgang hafa að
vernda uppeldis- og hrygningarstöðvar. Fljót-
lega komu þó í Ijós annmarkar þess að fast-
ákveða slíka svæðaskipan fyrirfram til langs
tíma í senn. Hafði stjórn Fiskifélagsins og
Fiskiþing varað við þeirri stefnu. Taldi stjórn
félagsins og telur, að meiri sveigju verði að
gæta í ákvörðunum um lokun veiðisvæða í
þessu skyni, ef árangur eigi að nást.
Merkasti áfanginn, sem náðist á árinu um
takmörkun sóknar í umrædda fiskstofna, var
samkomulag við Breta um verulega minnkun
sóknar þeirra á íslandsmið. Hefur efni þess
samkomulags þegar við getið í Ægi. Enda þótt
sá er þetta ritar hefði fremur kosið fastákveð-
inn hámarksafla Breta á samningstímabilinu
en fækkun veiðiskipanna, en þó helzt hvort-
tveggja, er þó ekki nokkur vafi á því að
ákvæði samkomulagsins muni leiða til minni
sóknar Breta á samningstímabilinu. Þegar
þetta er ritað hefur enn ekki náðst samkomu-
lag við V.-Þjóðverja um að þeir dragi úr sókn
sinni og afla hér við land og hlýti íslenzkri
lögsögu við veiðamar. Því miður virðast samn-
ingar við þá eiga langt í land. — Hér gildir hið
sama og sagt er að framan, höfuðáherzlu ber
að leggja á hámarksafla og veiðisvæði.
Tafla II.
HEILDARAFLINN 1973 og 197 2.
Bráðabirgðatölur um hagnýtingu 1973.
Til frystingar Til söltunar Til herzlu ísfiskur Annað Samtals
1973 1972 1973 1972 1973 1972 1973 1972 1973 1972 1973 1972
1. Þorskafli 227.3 243.3 104.8 108.0 12.7 3.3 18.5 19.6 17.8 11.5 381.1 385.7
2. Síldarafli — 2.1 — 0.6 — 3.3 45.0 38.3 — 0.5 45.0 41.5
3. Loðnuafli 22.0 7.0 — — — — — — 414.8 270.0 436.8 277.0
4. Rækja 7.0 5.3 7.0 5.3
5. Hörpudiskur 3.5 7.3 3.5 7.3
6. Humarafli 2.9 4.3 2.9 4.3
7. Hrognkclsi — — — — — — — — 4.5 3.3 4.5 3.3
8. Annar afli — — — — — — — — 13.2 1.4 13.2 1.4
SAMTALS 262.7 269.3 104.8 108.6 12.7 3.3 63.5 57.9 450.3 286.7 894.0 ÆGIR 725.8 — 3