Tímarit lögfræðinga - 01.11.1973, Page 35

Frá
Bandalagi
liáskólaiiianiia
STÖRFAÐ KJARAMÁLUM
Hinn 25. maí s.l. veitti fjármálaráðherra Bandalagi háskólamanna formlega
viðurkenningu sem ,,heildarsamtökum“ og mun BHM því, í samræmi við 1.
mgr. 3. gr. I. 46/1973 um kjarasamninga opinberra starfsmanna, fara með
fyrirsvar ríkisstarfsmanna innan sinna vébanda við gerð aðalkjarasamnings.
Launamálaráð BHM mun fara með umboð bandalagsins til samningagerðar.
I því á sæti einn fultrúi frá hverju aðildarfélagi bandalagsins, en þau eru nú
15. Formaður launamálaráðs er dr. Jónas Bjarnason efnafræðingur.
Þótt formleg viðurkenning á samningsrétti BHM fengist ekki fyrr en í maí,
hófst undirbúningur samninga mun fyrr. Hafa verið haldnir reglulegir fundir
hálfsmánaðarlega í launamálaráði síðan í desember 1972, og frá því í júní s.l.
hafa verið vikulegir fundir auk fjölmargra undirnefndafunda.
í launamálaráði var m. a. fjallað um starfsmatskerfi það, sem stuðst var við
í síðustu samningum, og leitað eftir athugasemdum frá hinum aðildarfélög-
unum. Þær athugasemdir, sem bárust, fjölluðu aðallega um mat á einstökum
störfum, en ekki uppbyggingu sjálfs starfsmatskerfisins. Launamálaráð komst
að þeirri niðurstöðu, að ekki væri ráðlegt að hrófla við uppbyggingu kerfis-
ins, enda væri það of mikil vinna til þess að henni gæti verið lokið fyrir
næstu samninga.
Skipuð var undirnefnd til að gera úttekt á þróun launamála á undanförnum
árum. Komst hún að þeirri niðurstöðu, að þróunin frá síðustu samningum
væri mjög lík þeirri, sem átti sér stað eftir 1963, en sú þróun leiddi til mjög
mikils misræmis milli kjara opinberra starfsmanna og launþega á frjálsum
vinnumarkaði. Síðustu kiarasamningar opinberra starfsmanna (frá 19. des.
1970) miðuðu að því að leiðrétta þetta misræmi. Þeir samningar hafi ekki
staðið við sín fyrirheit. Þannig hafði starfsmaður í 24. launaflokki þann 1. 12.
72, 7,4% lægri laun en kjarasamningarnir áttu að tryggja honum samkvæmt
vísitölu framfærslukostnaðar. Þetta byggðist á ýmsum ráðstöfunum, sem
höfðu áhrif á kaupgreiðsluvísitölu. Ef miðað er við vísitölu vöru og þjón-
ustu, hafði sami starfsmaður 14% lægri laun, en það er nálægt þeirri kjara-
rýrnun sem flestir BHM menn hafa orðið fyrir. Á sama tíma uxu þjóðartekjur
á mann um ca. 12%. Þá fjallaði nefndin einnig um kauphækkanir á frjálsum
vinnumarkaði frá 1971, og komst hún að þeirri niðurstöðu, að þær væru
verulegar. Gerð var úttekt á launum háskólamanna á frjálsum vinnumarkaði,
og kom í Ijós, að allverulegur munur var á launum þeirra og háskólamanna,
sem starfa hjá ríkinu.
I kröfum BHM er gert ráð fyrir, að starfsmatskerfi BSRB og ríkisins verði
lagt til grundvallar við ákvörðun á stigagjöf einstakra starfa. Þetta felur þó
33