Tímarit lögfræðinga - 01.11.1976, Blaðsíða 20

Hrafn Bragason borgardómari:
NÝ LÖG UM FJÖLBÝLISHÚS
i.
Ný lög um fjölbýlishús gengu í gildi 11. júní s.l. Lög þessi, nr.
59/1976, komu í stað laga nr. 19/1959 um sameigin fjölbýlishúsa. Af
þeim lögum var töluverð reynsla fengin. Hún var að mörgu leyti góð,
en þó þótti nokkuð á skorta, að farið væri eftir sumurn ákvæðum lag-
anna, t.d. um gerð og þiriglýsingu sameignarsamninga. Voru ákvæðin
um þá samninga þó mikilvæg. Þá var aldrei sett reglugerð samkvæmt
lögunum frá 1959, þar sem nánar væri kveðið á um sambýlishætti í
fjölbýlishúsum. 1 nýju lögunum eru lögin frá 1959 höfð til fyrirmynd-
ar um margt og mörg ákvæði þeirra tekin upp lítið breytt. Erlend lög-
gjöf hefur einnig verið höfð til hliðsjónar, en það var ekki gert, þegar
lögin frá 1959 voru undirbúin, að því er í greinargerð þeirra segir.
Aðallega var nú leitað fanga í danskri álitsgerð: Betænkning angáende
ejerlejligheder nr. 395 1965. Var hún tekin saman, þegar lög um „ejer-
lejligheder" eða íbúðir í einkaeign voru í undirbúningi. Árið 1966 voru
sett lög um slíkar íbúðir í Danmörku, og voru þau nýmæli.
Eignaraðild að fjölbýlishúsum er háttað með ýmsu móti. Húsið get-
ur allt verið eign sama manns, það getur verið háð lagaákvæðum um
verkamannabústaði (4. kafli 1. nr. 30/1970 um Húsnæðismálastofn-
un ríkisins), lagaákvæðum um byggingasamvinnufélög (1. nr. 36/1952
og nr. 59/1973) og um önnur samvinnufélög (1. nr. 46/1937), og hver
íbúð húss getur verið í einkaeign, óháð eignaraðild að hinum íbúðun-
um. Er hið síðasttalda mjög algengt, sérstaklega í Reykjavík, og fjalla
hin nýju lög einkum um það. — Hér á eftir verður leitast við að gera
grein fyrir lögum nr. 59/1976 og hver nýmæli þau hafi að griyma.
II.
Lögum nr. 59/1976 er eins og lögunum frá 1959 skipt í 5 kafla. 1
I. kafla er fjallað um gildissvið laganna; II. kafli ber yfirskriftina
114