Ægir - 01.05.1994, Síða 40

EA53 EYBORG
EYBDRG
HRÍSEY
Frá tæknideild.
Nýtt tveggja þilfara skuttogveiðiskip bœttist við flota
Hríseyinga 24. apríl sl., en þann dag kom Eyborg EA 59 til
heimahafnar sinnar, Hríseyjar. Skipið, sem er hannað af
Ráðgarði Skiparáðgjöf hf., er smíðað hjá skipasmíðastöðinni
Estaleiros Sao Jacinto, Aveiro í Portúgal, smíðanúmer 188.
Skipið er síðasta í röð fjögurra systurskipa, sem smíðuð voru í
Portúgal. Hið fyrsta var Haukafell SF (9. tbl. Ægis 1990), þá
Þinganes SF (2. tbi. Ægis 1991) og því nœst Æskan SF (6.
tbl. Ægis 1991). Ákveðnar breytingar hafa verið gerðar á fyr-
irkomulagi og búnaði frá fyrri skipunum, m.a. er Eyborgin
með búnað til rœkjufrystingar og er eingöngu búin til tog-
veiða. Þá er aðalvélin mun aflmeiri og togvindur þrjár,
þannig að unnt verður að draga tvö troll.
Eigandi Eyborgar EA er Borg hf., Hrísey. Skipstjóri á skip-
inu er Gunnar Jakobsson og yfirvélstjóri Sigurður Skúlason.
Framkvœmdastjóri útgerðar er Birgir Sigurjónsson.
Almenn lýsing
Almennt: Skipið er smíðað úr stáli samkvæmt reglum og
undir eftirliti Det Norske Veritas í flokki * 1A1, Stern
Trawler, Ice C, * MV. Skipið er með tvö þilför stafna á milli,
perustefni, gafllaga skut, skutrennu upp á efra þilfar og brú
á reisn framan við miðju á efra þilfari.
Rými undir neðra þilfari: Undir neðra þilfari er skipinu
skipt með sex þverskipsþilum (fjögur vatnsþétt) í eftirtalin
Mesta lengd..................................... 25.99 m
Lengd milli lóðlína (HVL)....................... 23.40 m
Lengd milli lóðlína (perukverk)................. 21.65 m
Breidd (mótuð)................................... 7.90 m
Dýpt að efra þilfari............................. 6.20 m
Dýpt að neðra þilfari............................ 3.80 m
Eigin þyngd....................................... 411 t
Særými (djúprista 3.80 m)......................... 514 t
Burðargeta (djúprista 3.80 m)..................... 103 t
Lestarrými ....................................... 125 m3
Brennsluolíugeymar............................... 48.9 m3
Ferskvatnsgeymar.................................. 15.0 m3
Stafnhyiki (ferskvatn)............................ 6.6 m3
Brúttótonnatala................................... 268 BT
Rúmlestatala...................................... 165 Brl
Ganghraði (reynslusigling)........................ 11.4 hn
Skipaskrárnúmer.................................. 2190
40 ÆGIR MAÍ 1994