Ægir - 01.02.1996, Qupperneq 10

Utgerðin upp úr öldudalnum
Skipatækni hf:
„Það gætir vaxandi bjartsýni víða í
kjölfar bættrar afkomu og ég tel að við
séum á leið upp úr öldudalnum," sagði
Bárður Hafsteinsson skipaverkfræðingur
og forstjóri Skipatækni hf. í samtali við
Ægi. Skipatækni er rúmlega 20 ára gam-
alt fyrirtæki og á teikniborðunum þar
hefur margt aflaskipið orðið til. Nægir
að nefna Guðbjörgu ÍS, flaggskip ís-
lenska fiskveiðiflotans, sem kom til
landsins haustið 1994. Síðan hefur ekki
verið hönnuð nýsmíði í Skipatækni fyrir
íslenska útgerðarmenn enda þeir að
mestu haldið að sér höndum í þeim efn-
um. En nú rofar til hér á landi og enn er
nýr og glæsilegur rækjutogari á teikni-
borðinu. Það er Togaraútgerð ísafjarðar
hf. sem er að skoða endurnýjun Skutuls
ÍS.
„Þetta verður öfiugt skip sem gert
verður út til rækjuveiða með frystingu
um borð. Það verður rúmlega 63 metra
langt og mun verða með nógu öflugri
vél til þess að geta dregið tvö rækjutroll
en slíkur búnaður hefur reynst mjög vel
um borð í Guðbjörginni," sagði Bárður.
Þetta þýðir milli 4000 og 5000 hestöfl.
Ef allt fer sem horfir verður nýja skipið
tilbúið til veiða á miðju ári 1997.
Annað stórt verkefni sem er í gangi
hjá Skipatækni er breytingar á Bessa ÍS
sem verður breytt úr ísfisktogara í frysti-
togara sem einkum skal veiða og vinna
rækju en einnig hafa möguleika til þess
að vinna úthafskarfa. Einnig er í vinnslu
lenging og ýmsar endurbætur á Cux-
haven fyrir Samherja/DFFU í Þýska-
landi. Annað stórt verk eru miklar breyt-
ingar á ioðnuskipinu Erni KE þar sem
nýtt framskip verður sett á skipið, kæli-
tankar settir um borð og skrokkurinn
breikkaður og lengdur. Svipaðar breyt-
ingar eru í athugun fyrir annað stórt
loðnuskip frá Suðurnesjum og mun
Skipatækni hanna þær.
„Það eru talsvert bjartari horfur hjá ís-
lenskum skipasmíðstöðvum og verk-
stæðum nú en var fyrir tveimur árum.
Mun fleiri verkefni eru í gangi."
Fáránleg stefna í úreldingum
Bárður hefur gagnrýnt mjög þær regi-
ur sem gilda um úreldingu fiskiskipa
sem hann telur meðal annars að standi
nauðsynlegri endurnýjun loðnuflotans
fyrir þrifum. Ekki þarf að kaupa úreld-
Bárður Hafsteiusson skipatœknifrœðingur
er bjartsýnn.
ingu á móti breytingum eins og þeim
sem gerðar verða t.d. á Erninum en öðru
máli gildir ef um nýsmíði er að ræða.
„Þetta er fáránleg stefna. Meðan hver
rúmmetri í úreldingu kostar 75 þúsund
krónur er útilokað að endurnýjun fari
fram. Við getum hvorki svarað kröfum
tímans um betra hráefni né tryggt að
leyfður hámarksafli náist úr stofninum
með núverandi flota. Meðan kvóti er
bundinn við skip er óskiljanlegt að
stjórnvöld hamli gegn eðlilegri endur-
nýjun með þessum hætti."
Bárður bendir á að nú séu íslenskar
útgerðir að kaupa notuð nótaskip frá
Skotlandi fyrir allt of hátt verð og standi
þannig undir endurnýjun kollega sinna
þar í landi sem ekki myndu losna við
skipin að öðrum kosti.
Á árinu 1995 fékkst Skipatækni við
margvísleg verkefni, rúmlega 110 tals-
ins. Megnið af þessum verkefnum var
innanlands en stór viðskiptavinur var
verkfræðistofa McGregors í Danmörku
sem annast ýmsar breytingar á ferjum
og kom Skipatækni mikið að þeim verk-
efnum. Einnig bárust fyrirspurnir frá
skipasmíðastöð í Suður-Ameríku vegna
smíða á farþegaskipi áþekku Herjólfi en
heldur stærra, en ekki er gert ráð fyrir
bílaflutningum. Það verkefni er í vinnslu
og mjög spennandi að sjá hvað úr því
verður að sögn Bárðar en Skipatækni
hefur sinnt verkefnum víða um heim,
allt suður til Nýja-Sjálands, en lítið unn-
ið í Suður-Ameríku utan Chile.
Sinnum útflutningseftirliti
„Annað sem hefur farið í vöxt á síð-
ustu árum er að við tökum að okkur út-
flutningseftirlit eða vottun. Þetta er fólg-
ið í því að votta fyrir erlenda viðskipta-
vini að vömr sem þeir kaupa héðan séu í
samræmi við samninga. Oftast er þetta
einfalt eftirlit sem feist í því að ganga úr
skugga um að meintur farmur sé í rétt-
um gám og rétt magn sé um að ræða.
Þannig litum við á árinu 1995 bæði eftir
vélaútflutningi og skreiðarsölu," segir
Bárður.
Þó íslenskur skipasmíðaiðnaður
standist þeim erlenda ekki snúning í
samkeppni um nýsmíðar standast ís-
lensk iðnfyrirtæki erlendri samkeppni
fyllilega snúning þegar um er að ræða
búnað til veiða og vinnslu og slíkt sér
Bárður vel þegar um er að ræða breyt-
ingar á skipum.
„Þó menn vilji ef til vill kaupa ís-
lenskt og styrkja íslenskan iðnað þá ræð-
ur verðið oft úrslitum. íslensk iðnfyrir-
tæki bjóða búnað sem er jafngóöur því
besta sem aðrir bjóða að mínu viti," seg-
ir Bárður Hafsteinsson sem kveðst sann-
færður um að nokkurra ára samdráttar-
skeið sé nú á enda. □
1 0 ÆGIR