Ægir - 01.01.2000, Blaðsíða 26

BJÖRGUNARBÚNAÐUR
SS Stál í Hafnarfirði:
„Höfum ekki undan pöntunum"
- segir Skúli Sigurðsson um smíði á Olsen björgunarbúnaði fyrir skip og báta
„Við gerðum okkur vonir um að smíða, selja og afgreiða frá okkur
um um 150 gálga á þessu ári en það er nú þegar fyrirséð að við
munum framleiða langt umfram það mark,“ segir Skúli Sigurðs-
son, eigandi SS Stáls í Hafnarfirði en fyrirtækið framleiðir sjálf-
virkan sleppibúnað fyrir björgunarbáta. Búnaðurinn ber nafnið
Olsen eftir hönnuðinum Karli Olsen en gerður var samningur milli
hans og SS Stáls um að SS-Stál annist framleiðslu og markaðssetn-
ingu á búnaðinum.
Karl Olsen kom fyrst fram með sjálf-
virka sleppibúnaðinn árið 1983 og er um
að ræða gálga sem björgunarbátahylkin
eru spennt á. Ef bátarnir eru losaðir skjót-
ast þeir frá skipinu og er hægt að losa bát-
ana með sylgju á gálganum sjálfum eða
með handfangi inni í stjórnhúsi báts eða
skips, eða á öðrum stað sem æskilegt er
talið að koma handfanginu fyrir. Búnað-
urinn er einnig hannaður þannig að ef
bátar sökkva án þess að takist að losa
björgunarbáta þá losna bátarnir þegar
skip er komið á yfir tveggja metra dýpi.
Skýring á því hversu mikil eftirspurnin
er hjá SS Stáli er sú að samkvæmt reglu-
gerð ber nú skipum og bátum yfir 15
metrum að lengd að vera með tvo björg-
unarbáta á sjálfvirkum losunargálga.
Búnaðinum skal komið fyrir við hvora
síðu en björgunarbátum fjölgar síðan á
stærri skipum í hlutfalli við fjölda í
áhöfn. Samkvæmt reglugerð þurfa skip að
sýna fram á fullgildingu á þessu nýja
reglugerðarákvæði við skipaskoðun á ár-
inu 2000 og ætti flotinn því að hafa lok-
ið verkefninu þegar kemur að næstu ára-
mótum.
„Eftirspurnin er mikil þessa dagana og
biðtími eftir afgreiðslu og uppsetningu,“
segir Skúli en engu að síður geta skip
fengið skipaskoðun og haffærisskírteini.
„Ef útgerðarmenn hafa staðfest pöntun
frá okkur þá gefum við út yfirlýsingu um
afgreiðslu á búnaðinum og niðursetningu
og þeir pappírar nægja til að skip fari í
gegnum skipaskoðunina. A þennan hátt
hefur það ekki áhrif þó margir þurfi nú
afgreiðslu á skömmum tíma,“ segir Skúli.
Kostnaður
allt að hálfri milljón
Auk framleiðslu á Olsen björgunarbún-
aðinum annast SS Stál niðursetningu á
Skúti Sigurðsson og Karl Olsen við Olsen-björgunarbúnaðinn, sem SS Stál framleiðir. Hér sést hvernig
öftugur gormur kastar gátganum til og þar með björgunarbátnum frá skipinu.
26
Kart Otsen sýnir hvernig björgunarbátur er tosaður á ein-
fatdan hátt með þvi að toga i sytgju á gátganum.
búnaðinum og styðst einnig við net um-
boðs- og þjónustuaðila um allt land.
Búnaðurinn er skoðunarskyldur og munu
sömu umboðsmenn annast skoðun bún-
aðarins í framtíðinni. Skúli segir að ef um
er að ræða búnað sem kasti björgunarbát
frá skipi þá liggi kostnaður um hálfa
milljón króna en kröfur eru ekki eins
strangar hvað varðar minni bátana og
lausnirnar þar af leiðandi kostnaðar-
minni.
„Utgerðarmenn hafa fengið í hendur
upplýsingar um reglugerðina og vita
hvað þeir þurfa að gera. Við höfum líka
orðið varir við að sumir eru þegar með
fleiri báta með losunarbúnaði um borð en
þeir þurfa, samkvæmt reglugerð. Til að
mynda eru bátar aftur á gálga á stærri
frystitogurunum og við vitum til þess að
bátum er oft skotið út ef menn fara í sjó
þegar verið er að taka inn troll. Bátarnir
eru því ekki aðeins öryggisbúnaður held-
ur um leið hjálparbúnaður," segir Skúli.
Olsen búnaður
á erlendan markað
Átta starfsmenn eru nú hjá SS Stáli við
framleiðslu á Oisen björgunarbúnaðin-
um. Skúli segist hafa fulla trú á að mikið
verði að gera á komandi árum þar sem Is-
lendingar séu langt á undan öðrum þjóð-
um í þessum málum og aðeins tímaspurs-
mál hvenær aðrar þjóðir geri svipaðar
kröfur til sinna útgerða. „Sjálfvirkur
sleppibúnaður á rætur að rekja til Islands
og hingað horfa allir sem eitthvað hugsa
um þessi mál. Eg er þess vegna bjartsýnn
á að við séum hér með trausta útflutn-
ingsvöru í höndum," segir Skúli.