Ægir - 01.01.2000, Page 30

SJÁVARÚTVEGSDEILD HA 10 ÁRA
Hvað segja fyrrverandi
og núverandi nemendur?
„Ég efast um að ég hefði farið til náms
í sjávarútvegsfræðum væri ég ekki úr
sjávarþorpi," segir Ashildur Jóna Böðv-
arsdóttir frá Hólmavík, sem er nemi á
fyrsta ári við sjávarútvegsdeild Háskól-
ans á Akureyri. Hún segist hafa unnið
við ýmis störf í gegnum tíðina, en hafi
verið afar óákveðin með framhaldsnám
Álitlegur kostur
- segir Áshildur Jóna Böðvarsdóttir, nemandi á 1. ári
þegar kom að því að velja það. „Ég hafði
hugsað mér að fara í rekstrarfræðinám
að Samvinnuháskólann á Bifröst eða í
iðnhönnun. Mér var örugglega búið að
detta í hug að læra allt nema garðyrkju.
Að lokum rakst ég á sjávarútvegsdeild-
ina hér á Akureyri, í fyrstu hélt ég að
þetta væri eitthvað svipað og Fisk-
vinnsluskólinn, en annað kom á daginn
- og því fannst mér þetta nám mjög álit-
legur kostur. I framhaldinu ákvað ég að
sækja um skólavist."
Skýringu á dræmri aðsókn að deild-
inni telur Ashildur tvíþættar, þ.e. að
bæði sé mörgum ókunnugt um starf
deildarinnar og einnig geti komið til
ákveðnir fordómar. Það þyki ófínt að
vinna í fiski. „Fólk segir sem svo að
þjóðin sé búin að starfa við sjávarútveg í
gegnum tíðina og spyr sig hvað það sé í
raun sem þurfi að kenna og læra. Það er
einmitt mjög margt sem er hægt að
nema nýtt í þessum fræðum. Nám í
sjávarútvegsfræði býður upp á margra
atvinnumöguleika að því loknu og opn-
ar fólki ýmsar dyr í mörgum öðrum
greinum en sjávarútvegi. Því er hér ekki
verið að fara í fjögurra ára háskólanám
til þess eins að geta unnið í frystihúsi.
Annað sem þarf að hugsa um er að
tengja saman ferðaþjónustu og sjávarút-
veg. Það er margra ára verk og ég efast
um að ég muni standa í því, en frændur
okkar í Noregi eru komnir langt fram
úr okkur í };>eim efnum. I þessu sam-
bandi koma mér meðal annars í hug
gömlu síldarverksmiðjunar í heima-
byggð minni á Ströndum, sem ég efa
ekki að mörgum þætti gaman að
skoða,” segir Ashildur.
Þverfaglegt nám er kostur
- segir Óttar Már Ingvason, nemandi á þriðja ári
„Það er áhyggjuefni fyrir deildina
hversu aðsóknin er slök og trúlega ligg-
ja margar skýringar þar að baki. Ein
ástæðan gæti þó verið að neikvæð um-
ræða um fiskveiðistjórnunarkerfi hefur
neikvæð áhrif á ímynd sjávarútvegsins í
heild. Því tel ég að bæta þurfi ímyndina
og kynna sjávarútveginn sem háþróaða
og kröfuharða matvælaframleiðslu-
grein,“ segir Óttar Már Ingvason frá
Hornafirði, sem er á þriðja ári við sjáv-
arútvegsdeild Háskólans á Akureyri.
Hann er menntaður vélstjóri og er að
ljúka 4. stigi samhliða sjávarútvegs-
fræðinni en Óttar byrjaði sextán ára til
sjós - og gerir í dag út þrjá smábáta.
„Upphaflega stefndi ég á að læra
verkfræði eða véltæknifræði. En eftir að
hafa kynnt mér starfsmöguleika að
loknu sjávarútvegsnámi sá ég að þeir
voru góðir og að námið lá vel innan
míns áhugasviðs. Þar með var mennta-
brautin ákveðin. Einnig tel ég að námið
gefi mér möguleika á að nýta þá tækni-
menntun sem ég hef nú þegar aflað mér.
Nú þremur árum seinna er ég enn á
sömu skoðun.
Helstu kostir námsins eru að það er
þverfaglegt og tekur á tækni, vísindum
og rekstri sem veitir góða innsýn í flest
viðfangsefni fyrirtækja. Og vegna fjöl-
breytninnar gefur það góða möguleika á
margvíslegum störfum, bæði í sjárút-
vegi og annars staðar," segir Óttar.
„Mér finnst námið skila sínu í aðalat-
riðum en auðvitað er misjafnt hvar
mönnum finnst að áherslurnar ættu að
liggja og það fer allt eftir hvaða starfs-
svið vekur mestan áhuga hjá hverjum
og einum. I heild ætti námið að gefa
víðtækan skilning á þeim fjölmörgu
þáttum sem varða sjávarútveginn sem
heild og geta hjálpað mönnum við
ákvarðanatöku í starfi," segir Óttar.