Ægir - 01.10.2000, Qupperneq 27

FRÉTTAVIÐTAL
„Já, en útfærsla er eftir og hún mun fara fram í end-
urskoðunarnefndinni sem ég skipaði skömmu eftir
kosningar," segir sjávarútvegsráðherra. Hann var
einnig spurður um hvort ekki þyrfti með miklu skýr-
ari hætti en gert er í tillögunum að taka á reglum um
framsal veiðiheimilda. Svaraði ráðherra því til að það
væri frekar hlutverk endurskoðunarnefndarinnar að
útfæra margt af því sem fjallað er um í skýrslu auð-
lindanefndar og kvaðst hann búast við að nefndin
fjallaði meðal annars um framsal veiðiheimilda, auk
margs annars.
„Þær ásakanir sem komið hafa fram um að á bak við
tjöldin hafi verið samið við LIU um veiðileyfagjald
eiga sér ekki stoð. Yfirleitt eru samsæriskenningar
fleiri en samsærin og ég er ekki frá því að þau sann-
indi eigi við í þessu tilfelli."
Kvótaþak setur hagræðingu skorður
A fundi í Háskólanum á Bifröst í Borgarfirði á dög-
unum opnaði utanríkisráðherra á umræðu um fjár-
festingar erlendra aðila í greininni, Auðlindanefnd
kynnti sína skýrslu næsta dag og fáum dögum síðar
tjáði sjávarútvegsráðherra sig sjálfur um að ástæða
væri til að endurskoða þak á kvótaeign fýrirtækja.
Ráðherra var spurður hvort það væri tilviljun að þetta
kæmi allt fram á sama tfma eða hvort nauðsynlegt
væri að breyta þessu öllu í einu; það er reglum um
eignaraðild, taka upp auðlindagjald og breyta reglum
um kvótaþak?
„Þetta er tilviljun. Eg hef rætt það í tengslum við
útrásina svokölluðu hvort breytingar í þessa veru auð-
veldi hana. Nú er það svo að erlendir aðilar geta átt
allt að 49,9% í íslensku fyrirtæki, með óbeinni eign-
araðild. í umræðunni hefur komið fram að þeir
möguleikar sem opnir eru hér á landi hafa ekki verið
nýttir og jafnvel lítið verið reynt að nýta þá. Þá vit-
um við að sama gildir í ríkjum sem eiga mikið und-
ir sjávarútvegi og um aðra mikilvæga þætti atvinnu-
lífisins í fleiri löndum. Þannig eru takmarkanir á eig-
inarhaldi í sjávarútvegi á Nýja Sjálandi, í Chile og
Mexíkó svo dæmi séu nefnd. Frakkar vernda sína vín-
rækt og Bandaríkjamenn fjölmiðlana með samsvar-
andi hætti. Almennt sé ég ekki ástæðu til að breyta
reglum um fjárfestingar erlendra aðila í sjávarútvegi
nú vegna útrásarinnar. Eftir umræður og skoðun síð-
ustu vikna sýnist mér ástæða til að það reyni betur á
hvort þeir möguleikar sem fyrir hendi eru geti ekki
nýst þeim sem hafa raunverulegan áhuga á að taka
þátt í fjárfestingum íslenskra fyrirtækja erlendis."
En er ekki með þvx að breyta reglum um kvótaþak
verið að þjóna kröfum hlutabréfamarkarðarins sem
ekki telur sig sjá núna frekari hagræðingarmöguleika
í sjávarútvegi. „Afkoma í sjávarútvegi hefur ekki
staðið undir væntingum eins og sex mánaða uppgjör
sjávarútvegsfyrirtækja sýna. Hlutabréfamarkaðurinn
endurspeglar það,“ segir ráðherra. „Ef það er svo að
hlutabréfamarkaðurinn sjái ekki frekari hagræðingar-
möguleika í greininni núna þykir mér hann þurfa að
skoða málin betur því heimildir eru fjarri því að vera
fullnýttar. Hins vegar er ljóst að kvótaþakið setur
hagræðingu skorður en ég hef bent á það að löggjaf-
inn gerði sér fulla grein fyrir því þegar lögin voru sett
á sínum tíma.“
Endurskoðunarnefnd á næsta leik
„Hvað varðar sjávarútvegsmálin þá á endurskoðunar-
nefndin næsta leik og ég á von á tillögum frá henni í
kringum áramót,“ sagði Arni að síðustu við þeirri
spurningu Ægis um hvernig tekið verði á og unnið úr
tillögum Auðlindanefndar - það er hvorr úr þeim
verði smíðuð lagafrumvörp sem tekin yrðu til af-
greiðslu á haustþingi eða hvort tillögurnar verði að-
eins fóður fyrir menn til að rífast um á næstu mánuð-
um.
„Þær ásakanir sem
komið hafa fram um
að á bak við tjöldin
hafi verið samið við
LÍU um veiðileyfa-
gjald eiga sér ekki
stoð. Yfirleitt eru
samsæriskenningar
fleiri en samsærin
og ég er ekki frá
þvi að þau sannindi
eigi við í þessu
tilfelli," segir
Árni M. Mathiesen,
sjávarútvegsráðherra.