Árbók Háskóla Íslands - 01.01.1988, Qupperneq 93
Annáll
91
Umhverfismál í verkfræöideild
Námskeið var haldið í umhverfismálum í
verkfræðideild 21. september til 23. nóvember
1987. Voru flutt tíu erindi á jafnmörgum vik-
um, og fluttu þau Unnsteinn Stefánsson, Ingvi
Þorsteinsson, Þorleifur Einarsson, Agnar Ing-
ólfsson, Amþór Garðarsson, Ólafur K. Páls-
son, Jakob Bjömsson, Eyþór Einarsson, Vil-
hjálmur Lúðvíksson og EinarB. Pálsson. Nám-
skeiðið var haldið fyrir nemendur deildarinnar
og áhugafólk, og var forstöðumaður þess Einar
B. Pálsson prófessor.
Kynningarátak Rannsóknaþjónustu H.f.
Á haustdögum 1987 efndi Rannsóknaþjón-
usta H.f. til fundar til þess að kynna fslensk-
um fyrirtækjum þá þjónustu sem Háskólinn
er reiðubúinn að veita atvinnulífinu. í ræðu
sinni hvatti rektor fyrirtæki til þess að nýta
sér þá þjónustu sem í boði er og gat um ný-
byggt rannsóknahús verkfræðideildar, væntan-
legt líftæknihús á Keldnaholti og byggingu
Tæknigarðs á Melunum, sem hófst það haust,
en þar er komið á fót þróunarmiðstöð á sviði
tölvu-, upplýsinga- og raftækniiðnaðar; og
einnig hefði háskólaráð samþykkt að taka þátt
í að koma á fót rannsóknastöð á sviði fiskeldis.
Dr. Valdimar K. Jónsson er formaður stjómar
Rannsóknaþjónustunnar, en framkvæmdastjóri
er Hellen M. Gunnarsdóttir. Fram kom á fund-
inum að ýmis fyrirtæki hafa nýtt sér rannsóknir
við Háskólann sér og framleiðslu sinni til hags-
bóta, svo sem Sjávarafurðadeild SÍS, fyrirtæk-
ið Marel og Lýsi hf.
Ný námsbraut og nýtt nafn viöskipta-
delldar
Nýskipan náms í viðskiptafræðum og hag-
fræði var komið á fót haustið 1988, og var
nafni deildarinnar jafnframt breytt. Frá og með
8. júní 1988 hét hún viðskipta- og hagfræði-
deild. Ný námsbraut, í hagfræði, hóf þá störf.
Við innritun í deildina velja stúdentar milli við-
skiptaskorar, sem útskrifar viðskiptafræðinga á
fjórum árum eins og áður, og hagfræðiskorar,
sem mun útskrifa hagfræðinga á þremur árum.
Auk þess hefur deildin í hyggju að gefa kost á
framhaldsnámi til meistaraprófs í hagfræði frá
og með haustinu 1991. Hið nýja nám í hag-
fræði leiðir til B.S.(econ.)-prófs. Á fyrsta ári
er farið yfir grundvallaratriði rekstrarhagfræði
og þjóðhagfræði, auk tölfræði, stærðfræði og
reikningshalds. Á öðru ári er námi fram haldið
í sömu höfuðgreinum auk hagrannsókna, fjár-
mála fyrirtækja, hagkerfis og upplýsingatækni.
Á þriðja ári velja nemendur milli 2ja kjör-
sviða, hagstjómarsviðs og upplýsingasviðs, og
eru námsgreinar allmargar á báðum sviðum.
Með námi þessu er ætlunin að búa nemendur
undir margvfsleg störf í þágu félaga, fyrirtækja
og stofnana, auk framhaldsnáms og rannsókn-
arstarfa í hagfræði.
Fastir kennarar hagfræðiskorar eru prófess-
oramir dr. Guðmundur Magnússon, dr. Þor-
valdur Gylfason og dr. Þráinn Eggertsson og
dósentamir dr. Ragnar Ámason og dr. Tór Ein-
arsson.
Nýir starfskraftar í stjórnsýslu
Ráðinn hefur verið fjármálastjóri að skrif-
stofu Háskólans. Gunnlaugur H. Jónsson, B.Sc.
phys. (Hons.), MBA, hefur tekið við nýju starfi,
sem léttir á starfsskyldum háskólaritara og bæt-
ir stórlega þá þjónustu og eftirlit sem með þarf
við sívaxandi umsvif Háskólans. (Sjá „Kafla úr
gerðabókum háskólaráðs“.)
Þá hefur verið ráðinn aðstoðarmaður rekt-
ors, Stefán Baldursson, M.Ed., sem hefur með
höndum margvísleg þjónustu- og stjómsýslu-
störf sem áður lögðust á herðar rektors. Er
hann m.a. framkvæmdastjóri Vísindanefndar
háskólaráðs og Þróunamefndar. (Sjá skýrslu
rektors í lok Annáls.)
Þá hafa alþjóðasamskipti Háskólans kom-
ist í æ fastara form að fmmkvæði rektors
og alþjóðasamskiptanefndar undir forystu Þór-
ólfs Þórlindssonar prófessors. Áður höfðu
Þóru Magnúsdóttur, B.A., verið falin störf er
að þessu lúta, en nú hefur hún verið ráðin
framkvæmdastjóri nefndarinnar. (Sjá skýrslu
rektors um þessi umfangsmiklu mál og áætlan-
ir hér á eftir.)