Árbók Háskóla Íslands - 31.12.2008, Blaðsíða 178

Stærðfræðistofa
Stærðfræðistofa er vettvangur rannsókna í stærðfræði og stærðfræðilegri
eðlisfræði. Þar störfuðu á árinu 2008 níu fastir kennarar í Raunvísindadeild og sex
sérfræðingar. Tveir hinna síðarnefndu sitja í nýdoktorastöðum á vegum Lárusar
Thorlacius og Þórðar Jónssonar og eru kostaðar af rannsóknastyrkjum. Við
stofuna voru jafnframt sjö stúdentar í rannsóknatengdu námi. Af þeim eru fimm í
doktorsnámi og þrír þeirra hlutu styrk úr Háskólasjóði Eimskipafélags íslands.
Viðfangsefni stofunnar spanna margar sérgreinar stærðfræði og stærðfræði-
legrar eðlisfræði. Þau helstu eru á sviði algebru og algebrulegrar rúmfræði.
tvinnfallagreiningar og fágaðrar rúmfræði, skammtasviðsfræði, strengjafræði.
óvíxlinnar rúmfræði. diffurrúmfræði, fellagreiningar. ólínulegra hlutafleiðujafna.
kvíslunarfræði og netafræði.
Starfsmenn stofunnar birta niðurstöður rannsókna sinna í skýrslum
Raunvísindastofnunar sem og í innlendum og alþjóðlegum fagtímaritum.
Starfsmenn stofunnar eiga öflugt samstarf á fræðasviðum stofunnar við fólk víða
um heim og algengt er að samstarfsmenn erlendis frá dvelji við stofuna til að
vinna að sameiginlegum rannsóknaverkefnum. Þess má geta að tveir af starfs-
mönnum stofunnar, Þórður Jónsson og Lárus Thorlacius. eru þátttakendur í
samstarfsnetunum ENRAGE og Forces Universe á vegum Evrópusambandsins.
Jafnframt má geta þess að Jón Ingólfur Magnússon og Ragnar Sigurðsson
annars vegar og Lárus Thorlacius. Rögnvaldur Möller og Þórður Jónsson hins
vegar hlutu styrk úr Jules Verne samstarfsverkefni Frakklands og íslands á sviði
vísinda og tæknirannsókna.
Frekari upplýsingar um starfsfólk stofunnar og rannsóknaverkefni má finna á
vefsíðunni www.raunvis.hi.is/Staerdfr/Staerdfr.html.
Málstofa í stærðfræði hefur verið starfrækt á vegum stofunnar frá árinu 1975. í
málstofunni kynna starfsmenn stofunnar, vísindamenn á skyldum fræðasviðum
og erlendir samstarfsmenn rannsóknir sínar eða aðrar nýjungar í stærðfræði og
stærðfræðilegri eðlisfræði. Rögnvaldur G. Möller hefur umsjón með málstofunni
og birtir tilkynningar varðandi hana í dagbók Háskólans.
Jarðvísindastofnun
Jarðvísindastofnun Háskólans er miðstöð rannsókna í jarðvísindum við Háskóla
íslands. Hún er önnur tveggja sjálfstæðra stofnana Raunvísindastofnunar Há-
skólans og ertit húsa í Öskju. náttúrufræðahúsi Háskólans. Markmið Jarð-
vísindastofnunar er að vera metnaðarfull. atþjóðleg rannsóknastofnun á sviði
jarðvísinda. sem endurspegli einstaka jarðfræði íslands og þá þekkingu í jarð-
vísindum sem byggst hefur upp á (slandi. Norræna etdfjatlasetrið starfar innan
stofnunarinnar að rannsóknum í eldfjallafræði og eftingu rannsóknasamvinnu við
Norðurlöndin. Jafnframt er unnið að eflingu annarra alþjóðlegra tengsla. Mikil-
vægasti liðurinn í norrænni starfsemi eru fimm stöður fyrir unga. norræna
vísindamenn sem veittar eru til eins til tveggja ára í senn. I stjórn stofnunarinnar
sitja Árný Erla Sveinbjörnsdóttir (Jarðvísindastofnun), Geoffrey Boulton (Edin-
borgarháskóta). Ragnar Tornroos (Háskólanum í Hetsinki) og Sveinbjörn Björns-
son (Orkustofnun). Formaður stjórnar er Stefán Arnórsson (Jarðvísindastofnun).
í árslok 2008 var heildarfjöldi starfsfólks, kennara og virkra framhatdsnema yfir
90. Þar af voru reglutegir starfsmenn 45. kennarar með rannsóknaraðstöðu 10 og
framhaldsnemar rúmlega 40. Sérfræðingar sem stunda sjálfstæðar rannsóknir
við stofnunina voru 18. þar af tveir norrænir sérfræðingar. 15 nýdoktorar og
verkefnaráðnir sérfræðingar, 7 tækni- og skrifstofustarfsmenn og 5 norrænir
styrkþegar. Doktorsnemar með starfsaðstöðu voru 20 og meistaranemar rúmtega
20. Á árinu útskrifuðust 9 nemendur með MS-próf og 3 með doktorspróf. Ólafur
Guðmundsson. fyrrverandi forstöðumaður. hætti störfum við stofnunina 1. ágúst
og Erik Sturkelt hætti sem norrænn sérfræðingur í árslok. Nýr norrænn
sérfræðingur. Morten Riishuus. hóf störf 1. ágúst. Þá tók Rikke Pedersen við starfi
umsjónarmanns Norræna eldfjatlasetursins þann 1. nóvember af Freysteini
Sigmundssyni.
Þær breytingar urðu á stjórnun stofnunarinnar 1. júlí. að nýkjörinn deitdarforseti
Jarðvísindadeildar. Magnús Tumi Guðmundsson tók jafnframt við starfi
forstöðumanns frá sama tíma. Frá og með septembermánuði vann deildarráð
Jarðvísindadeildar með forstöðumanni að stjórn stofnunarinnar. Þessar
176