Dýraverndarinn - 01.02.1974, Blaðsíða 8
hefur hrakið þá niður að byggðinni
við sjóinn, en þetta er óvenjumikill
fjöldi. Síðan koma svo stokkönd og
hvítmáfur, eða um 2.900 af hvoru.
Aðrar tegundir, sem yfir 1.000 fugl-
ar sáust af, eru sendlingur, 1.800, og
hettumáfur, 1.100.
Af mörgum tegundum sáust
nokkur hundruð, þ. á. m. af all-
mörgum öndum, sem hér verpa.
Aðrar voru þó færri, t. d. voru aust-
ur á Sogi aðeins þrjár húsendur, en
aftur á móti 8 hvinendur. Þarna er
vani að rekast á mun fleiri endur,
en þessu valda auð vötn í nágrenn-
inu.
Aðeins sást einn hrossagaukur í
Grindavík og þar sást einnig ein
blesgæs, en þær eru sjaldgæfar hér
nema haust og vor. Aðrar gæsir eru
og alls ekki á veturna hér á landi,
ef frá eru taldar tjarnargæsir Reyk-
víkinga. í Keflavík sást einn æðar-
kóngur, og ein vepja í Garðinum.
Fjórða korpöndin, sem sést hér á
landi sást í Ósum í Höfnum, en
þar er vogur, sem þar sker landið,
og virðist mikið gózenland fugla á
vetrum. Þar eru t. d. einu dugg-
endurnar, sem hér sjást á vetrum.
Allar svartfuglstegundir sáust ut-
an lundi, en hann heldur sig dýpra.
Fjöldi svartfuglanna fer öðru frem-
ur eftir sjólagi og veðurfari í hvert
sinn, en meðal þeirra, sem nú sáust
voru tveir haftirðlar.
Þá má að lokum minnast á 30
álftir, 350 straumendur og 300 há-
vellur, en einnig sáust urtönd og
rauðhöfði. Hann virðist vera eina
andategundin, sem ekki hefur náð
sér upp eftir köldu árin, og veldur
þar vafalaust mestu eyðilegging
bezta staðar hans, en það er Elliða-
vogur. Þar hélt hann sig í stórhóp-
um áður fyrr, og segir þetta sína
sögu um nauðsyn þess að kjörlend-
ið haldist.
Af tegundum sem ekki eru hér
sumargestir, en fastir vetrargestir
má nefna 22 fjöruspóa, 3 lappa-
jaðrakana og 12 rauðbrystinga. Þá
voru gráþrestir einnig óvenju
margir.
Að lokum sagði Arnþór, að sér
virtist sem þetta ár væri heldur
gott, hvað stofnana varðaði. Þeir
virtust vera að ná sér upp eftir
búsifjarnar á köldu árunum og
væru í góðu meðallagi.
Þeir, sem fuglatalningu önnuð-
ust á Akureyri að þessu sinni voru:
Jón Sigurjónsson, Árni Björn Árna-
son og Þorsteinn Þorsteinsson.
Svæðið, sem talið var á, var frá
flugvelli að Skjaldarvík, fjörur,
húsagarðar, lönd og lendur bæjar-
ins. Snjór var nokkur en Pollurinn
íslaus þann daginn.
Til fróðleiks má geta þess, að ár-
ið 1972 töldust 54 fuglategundir á
landinu öllu, samkvæmt talningu
fyrir rúmu ári.
Tuttugu tegundir fugla sáust og
er það venju fremur mikið. Fara
tegundir og fjöldi einstaklinga hér
á eftir:
Stokkendur .................. 232
Húsönd ........................ 1
Hávellur...................... 54
Æðarfuglar................... 503
Gulendur ...................... 6
Toppendur ..................... 6
Fálki.......................... 1
Smyrill ....................... 1
Sendlingar .................... 6
Silfurmávar .................. 53
Svartbakar .................. 172
Hvítmávar...................... 8
Bjartmávar.................... 17
Hettumávar .................... 5
Teistur ...................... 23
Hrafnar ..................... 157
Gráþröstur .................... 1
Skógarþrestir ................ 67
Auðnutittlingar .............. 18
Snjótittlingar............... 820
8
DÝRAVERN DAIiI NN