Dýraverndarinn - 01.02.1974, Blaðsíða 18
Gelding katta
Ef kötturinn manns er verðmætur
hreinræktaður fress, lætur maður að
sjálfsögðu ekki gelda hann, því
hann mun alltaf vera mikilsvirði til
undaneldis. Nokkrir kattaeigendur
láta samt sem áður gelda slíkan kött
vegna þeirra óþæginda, sem fylgja
því að hafa ógeltan fresskött á
heimilinu.
Er kötturinn verður kynþroska,
koma tímabil, sem kötturinn „lykt-
ar", þetta er alveg eðlilegt, því flest
karldýr „merkja" sitt svæði, svo
væntanlegir meðbiðlar skilji, að hér
er ekki annað að gera en að forða
sér.
Auðvitað er ekki mikið um með-
biðla, ef kötturinn er heimiliskött-
ur, sem fer kannski ekki einu sinni
út, en engu að síður mun kötturinn
skoða heimilið sem sitt yfirráða-
svæði, og mun samkvæmt sínu
náttúrulögmáli sýna hver er hús-
bóndi á heimilinu.
Sumt fólk er á móti því að láta
gelda ketti, því það heldur að gelt-
ur köttur verði bæði latur, feitur og
leiðinlegur. Þetta er alrangt.
Sé kötturinn geltur, fær eigand-
inn ekki latan kött og leiðinlegan,
sem aðeins hringar sig í sófanum,
heldur þvert á móti heldur köttur-
inn allri sinni leikgleði og kátínu.
Það er næstum hægt að segja að
hann haldi áfram að vera „ketrling-
ur" fram á fullorðins ár. Einnig
gefur hann stg miklu meira að eig-
anda sínum, sem hann lítur á sem
„jafningja" sinn, og eigandinn losn-
ar við hinn sterka. vonda óþef á
heimilinu. Einn kostur er enn ótal-
inn, en hann er sá, að geltur fress-
köttur fylgir ekki „kalli náttúrunn-
ar", og leggst út við hvert tæki-
færi. bó svo að læða í breimastandi
sé í nágrenninu.
Hafa ekki allir heyrt í fress-
köttum, sem sitja á nóttunni og
væla ámátlega. Það er þessi katta-
konsert, sem orsakar að dagfars-
prúðustu menn fleygja skónum sín-
um út um gluggann til að reyna að
fá svefnfrið, og lýsa því svo yfir
seint og snemma, hvað allir kettir
séu ómögulegir. Geltur köttur tek-
ur ekki þátt í slíkum næturkonsert-
um, svo af þeirri ástæðu einni sam-
an borgar sig að láta gelda köttinn.
Að gelda kött er mjög lítil að-
gerð. Eigandinn pantar tíma hjá
dýralækni, sem svo geldir köttinn,
en verkið sjálft tekur aðeins nokkr-
ar mínútur. Kötturinn sjálfur finn-
ur ekkert til því hann er svæfður.
Hæfilegt er að gelda köttinn,
þegar hann er fimm til sex mánaða
gamall, en má einnig gera seinna.
(Lauslega þýtt úr bókinni:
„Min ven katterí',
eftir Flemming Holbek).
18
DÝRAVERNDARINN