Búnaðarrit - 01.01.1972, Page 65
SKTRSLUK STARFSMANNA
59
unni. 1 marz mánuði, sem er fyrsti framboðsmánuðurinn,
barzt S. F. G. aðeins 4810 stk., en á sama tíma árið áður
19.360 stk. 1 apríl var magnið 67.626 stk., en 96.170 stk.
árið áður. 1 maí var magnið 103.290 stk. eða rösklega
29.000 stk. meira en árið áður, og í júní bárust 130.170
stk. eða 56.700 stk. umfram magnið í júní 1970. 1 júlí var
framboðið einnig mun meira en á sama tíma árið
áður. Hvað gúrkur snertir var einnig um dálitla flatar-
málsaukningu að ræða frá árinu áður eða 660 m2. Voru
gúrkur samtals í 11.860 m2.
Fyrir þá, sem stunduðu blómaræktun, var fjárhagsleg
afkoma ársins mun liagstæðari, því að yfirleitt urðu
mjög lítil afföll á framleiðslunni, sem að auki var ekki
nálægt því eins sveiflukennd og framleiðslan á gúrkum
og tómötum.
Veruleg aukning var í flatarmáli gróðurhúsa á árinu,
og mun láta nærri, að á komandi ræktunarári muni a. m.
k. 3500 m2 í nýjum gróðurhúsum bætast við, auk margra
húsa, sem hafa verið endurbyggð.
Ferðalög og fundarhöld
Eins og að venju fór verulegur tími í ferðalög vegna
leiðbeininga og fundarhalda. Þegar í lok janúar dvaldi ég
5 daga lijá ylræktarbændum í Borgarfirði, en þar var
brugðið á námskeiði um ýmsa þætti varðandi ræktun í
gróðurhúsum. Flutti ég þar nokkur erindi, en auk mín
fluttu þeir Axel Magnússon, ylræktarráðunautur, Daði
Ágústsson, framkvæmdastjóri Ljóstæknifélags Islands, og
Bjarni Arason, ráðunautur, erindi. Námskeið þetta var
nijög vel sótt af borgfirzkum garðyrkjubændum og J>ótti
takast vel. Rétt á eftir skrapp ég norður í Eyjafjörð,
vegna tilmæla eins garðyrkjubónda þar, er þurfti nauð-
synlega á skjótri fyrirgreiðslu að halda, en viðkomandi
bar kostnað af því ferðalagi.