Búnaðarrit - 01.01.1972, Page 66
60
BÚNAÐARRIT
Fyrst í Marz fór ég austur í Biskupstungur áþekkra
erindagerða. Síðast í marz sat ég ásamt Axel Magnús-
syni fund á Selfossi með ráðunautum Búnaðarsambands
Suðurlands og konum úr stjóm Sambands sunnlenzkra
kvenna, vegna hugsanlegrar leiðbeiningaþjónustu í garð-
yrkju á vegum Búnaðarsambands Suðurlands. Vom liin
ýmsu viðhorf gagnvart því máli rædd ítarlega og settar
fram nokkrar tillögur til athugunar.
1 byrjun apríl sótti ég fjölmennan fund bændasam-
taka Hrunamanna að Flúðum og hélt þar erindi ásamt
Marteini Bjömssyni, byggingarfulltrúa. Seint í apríl brá
ég mér á ný í Borgarfjörð og heimsótti ylræktarstöðvar,
en ræktun var þá komin vel á veg.
Fyrst í maí ferðaðist ég í nokkra daga um Mýrdal,
Meðalland, Landbrot og Síðu, að beiðni Einars Þorsteins-
sonar. Var þá vel farið að vora á þessum slóðum, og gætti
mikillar bjartsýni hjá fólki hvarvetna, þar sem ég kom
og veitti leiðbeiningar. Hinn 8. maí fór ég ásamt Bimi
Bjarnarsyni, jarðræktarráðunaut, vestur í Reykhólasveit,
og héldum við fund með bændum í Króksfjarðamesi og
á Reykhólum. Fundarsókn var því miður mjög dræm,
samtals rösklega 40 manns á báðum fundum. Himi 10.
maí hélt ég erindi á fundi í Reykjavík og daginn eftir á
fundi hjá Skógræktarfélagi Kópavogs. Hinn 12. maí tók
ég að ferðast um og leiðbeina í Borgarfirði, að beiðni
Sambands borgfirzkra kvenna, en um slíkt hafði verið
samið á áliðnum vetri. Ferðaðist ég um þveran og endi-
langan Borgarfjörð, og kom víða við á heimilum. Auk
þess hélt ég 4 fundi á svæðinu. Meðan á þessu ferðalagi
stóð skauzt ég vestur á Snæfellsnes og hélt þar 2 fundi,
annan í Laugagerðisskóla og hinn á Lýsuhóli. Lauk þess-
ari yfirferð minni 29. maí.
Snemma í júní heimsótti ég nokkrar gróðrarstöðvar í
Biskupstungum, einnig ferðaðist ég þar um í þrjá daga
upp úr 20. júní. Strax á eftir ferðaðist ég á milli gróðrar-
stöðva í Borgarfirði og kom heim 27. júní.