Búnaðarrit - 01.01.1972, Page 72
66 BÚNAÐARRIT
ferðalögum mínum. Ennfremur teiknaði ég 3 gróðurhús,
sem eru í smíðum. Á Búfjárræktarráðstefnu Búnaðar-
félags Islands dagana 22.—27. marz annaðist ég störf
fundarritara. Þá sat ég aðalfund Landverndar um miðjan
nóvember, sem einn af fulltrúum Búnaðarfélags Islands.
Eins og undanfarin tvö sumur, fylgdist ég nokkuð með
flokkun gróðurhúsaafurða, sem Sölufélagi garðyrkju-
manna barzt í hendur til dreifingar og sölu. Var ég til
staðar vissa daga í húsakynnum Sölufélagsins, en þar
hefur nú verið komið upp ágætis liúsnæði og aðstöðu
fyrir okkur garðyrkjuráðunauta, sem við getum notað
þegar þörf gerist.
Við Axel Magnússon unnum að frumdrögum reglu-
gerðar um gróðurliúsabyggingar fyrir Byggingarstofnun
landbúnaðarins, en brýnt var orðið að fella þau mál í
fastar skorður. Slíkt Iiafði aldrei verið gert, og byggði
því jafnan liver og einn eftir eigin liugmyndum og
geðþótta, sem í mörgum tilvikum hefur verið dýrkeypt,
bæði fyrir einstaklinga og þjóðarbúið. Er þess að vænta,
að settum reglum um frágang, útbúnað og annað, er
skiptir liöfuðmáli varðandi gróðurhús, verði nú fylgt fast
eftir af því opinbera.
Ásaint ýmsum sérfræðingum og skólastjóra Garðyrkju-
skólans sat ég nokkra fundi til þess að fjalla um mögu-
leikann á því að auka birtumælingar, einkum með tillili
til hagnýtingar fyrir ylræktina. Niðurstaða í því máli
varð sú, að Garðyrkjuskólinn fékk heimild til þess að
festa kaup á síritandi sólgeislunarmæli, sem komið verð-
ur upp við skólann. Mun mál þetta senn í höfn, og
verður vafalaust bæði fróðlegt og mikið gagn af fyrir
þá, sem yrkja jörð, að fá yfirlit yfir þá geislun, sem
fellur á þetta svæði. Ekki sízt tel ég það muni vera mikils
virði fyrir þá, sem stunda ylrækt, en einnig fyrir bónd-
ann gæti það orðið að verulegu liði. Að lokum má geta
þess, að ég annaðist 3 búnaðarþætti um garðyrkjumál í
Ríkisútvarpinu.