Búnaðarrit - 01.01.1972, Page 76
70
BÚNAÐARRIT
eru vel úr garSi gerð og mörg útbúin sjálfvirkum stjórn-
tækjum á hita og loft og nokkur að auki útbúin sjálf-
virkum vökvunarútbúnaði. Mjög verulegur bluti liinna
nýju gróðurhúsa var tekinn til notkunar fyrir matjurta-
rækt og þá einkum tómata og agúrkur, þannig að fer-
metrafjöldi undir gleri með téðri ræktun jókst mjög
mikið. Hafði þetta í för með sér mjög verulega umfram-
framleiðslu á tímabilinu maí til ágúst á gúrkum og
júlí til september á tómötum. Urðu afföll þessara
vörutegunda með mesta móti, framleiðendum til mikils
tjóns. Hjálpaðist þar og að, live birtuskilyrði voru slæm
í gróðurhúsum á tímabilinu frá janúar til apríl, og af
þeim sökum komu afurðir mun seinna á markað en t. d.
árið 1970. Orsakaði þetta verulega styttingu á aðalupp-
skerutíma, sem þýddi að mjög mikið magn barst á mark-
að á viðkvæmasta tíma, ýtti og mjög mikið sólfar aðal-
uppskerumánaða, maí til ágúst, enn frekar undir þessa
þróun.
Nokkur aukning var einnig í blómaframleiðslu, og var
þar bryddað á nokkrum nýjungum, svo sem ræktun
Alstromeriu, Gloriosu og Strelitziu til afskurðar, en
ræktun þessara tegunda hefur aukizt verulega í nálæg-
um löndum að undanförnu. Einnig er verulega aukin
ræktun brönugrasa í uppsiglingu í einni garðyrkjustöð.
Sala blóma gekk nokkuð vel, en erfitt er að fá samhljóða
álit þeirra aðila, sem annast dreifingu. Rétt er að geta
þess, að veruleg afföll urðu á sölu chrysanthemum (presta-
fífla) í októbermánuði. Nokkuð magn blóma var flutt
inn á árinu, en ekki mun alltaf hafa verið tekið nægilegt
tillit til innlendrar framleiðslu og markaðsmöguleika.
Lítið eitt af tómötum og gúrkum var flutt inn yfir
háveturinn, einkum frá Kanaríeyjum, en þessi innflutn-
ingur snertir á engan hátt innlenda framleiðslu, enda
var verð miklu hærra. Hvað gæði snertir, þurfa íslenzkir
garðyrkjubændur ekki að vera óánægðir með samanburð,