Búnaðarrit - 01.01.1972, Page 94
88
BÚNAÐARRIT
kennd verða frá ársbyrjun 1972, hljóta einkennisnúmer
eftir hinu nýja kerfi eingöngu.
1 hverju númeri verða 5 tölustafir. Hinir fyrstu tveir
merkja árið, sem nautið er fætt á, og hinir tveir síðustu
röðina eftir ákveðnum reglum á þeim nautum, sem fædd
eru það ár og viðurkennd liafa verið. Miðstafurinn er
0 nema í eftirfarandi tilvikum: (1) ef nautið er holda-
naut, kemur talan 5 í stað 0; (2) ef nautið er lieimanaut
og ekki viðurkennt, kemur talan 8 í stað 0; (3) ef fleiri
en 99 naut, fædd á sama ári, eru viðurkennd, kemur
hundraðstalan í stað 0.
Dæmi: Mjaldur 69008 merkir, að hann sé fæddur árið
1969, sé viðurkennt naut af íslenzkum stofni og hið 8.
eftir aldri, sem fætt er það ár og notað er til sæðinga.
Ný nautgriparœktarfélög. Á Snæfellsnesi voru mörg
nautgriparæktarfélög stofnuð eða endurvakin á árunum
1957 (Nf. Kolbeinsstaðahrepps, Nf. Miklalioltshrepps,
Nf. Eyrarsveitar) og 1958 (Nf. Helgafellssveitar, Nf. Fróð-
árhrepps) og til viðbótar árið 1961 Nf. Eyjahrepps, en
starfandi félag var á þessum tíma í Staðarsveit. Félög
þessi hafa sum starfað lengur eða skemur með tilskilinni
lágmarkstölu félagsmanna, en önnur ekki. Undirbún-
ingur að því að stofna til heildarfélagsskapar nautgripa-
ræktar á búnaðarsambandssvæðinu hefur farið fram á
undanförnum árum, og varð úr að stofna sérstakt naut-
griparæktarfélag fyrir allt búnaðarsambandssvæðið, en
hafa áfram sérstaka búfjárræktarsamþykkt fyrir búnað-
arsamhandið. Var stofnfundur haldinn 14. janúar 1971,
og heitir félagið Nautgriparœktarfélag Snœfellinga. Er
starfssvæði þess Snæfellsnes- og Hnappadalssýslur. Hinn
8. febrúar staðfesti svo stjóm Búnaðarfélags Islands lög
félagsins.
Stækkun og jafnframt fækkun nautgriparæktarfélaga
hélt áfram á Vestfjörðum í beinu framhaldi af því, að
nautgripasæðingar hafa verið teknar upp á stórum hluta
sambandssvæðisins. Hinn 15. september staðfesti stjórn