Búnaðarrit - 01.01.1972, Page 97
SKÝRSLUR STARFSMANNA
91
ferðaðist um búnaðarsambandssvæðið og leiðbeindi um
meðferð og hirðingu mjaltavéla. Ferðaðist ég um Vest-
firði dagana 13.—23. september og kom á flesta bæi,
þar sem mjaltavélar eru notaðar, og framkvæmdi mæl-
ingar á sogstyrkleik kerfanna, gang sogskipta, atliugaði
hirðingu mjaltavéla og leiðbeindi, eftir því sem kostur
var, um ýmislegt varðandi þau mál.
Hinn 1. og 2. nóvember var efnt til funda af liálfu
Búnaðarsambands Suður-Þingeyinga um nautgriparækt.
Mættum við Sigurjón Steinsson, ráðunautur Sambands
Nautgriparæktarfélaga í Eyjafirði, á fundunum, sem
baldnir voru á Breiðamýri og í Ljósvetningabúð, og
fluttum framsöguerindi, sem fjölluðu um fóðrun mjólk-
urkúa og kjarnfóðurnotkun.
Ég mætti á aðalfundi Nsb. Árnessýslu 14. desember
ásamt Ólafi E. Stefánssyni og flutti erindi um fóðrun
og mælingar á mjaltaeiginleikum.
Ilinn 21. og 22. október ferðaðist ég um Borgarfjörð
með G. Suggett bændaskólastjóra frá Englandi. Nokkrar
ferðir fór ég að venju til afkvæmarannsóknarstöðvanna í
Laugardælum og á Lundi til rannsókna á mjaltaeigin-
leikum.
Á sl. sumri dvaldist ég rúmar 3 vikur erlendis. Dagana
29. júní til 4. júlí sótti ég ráðstefnu Félags norrænna
búvísindamanna, sem lialdin var í Uppsölum í Svíþjóð.
Að lokinni ráðstefnunni fór ég kynnisför um Svíþjóð
og Noreg. Tilgangurinn með þeirri för var að kynna
mér tækni við mælingar á mjaltaeiginleikum og á livern
liátt mælingar á júgri og spenum eru framkvæmdar, svo
að hægt sé að leggja mat á arfgengi þeirra eiginleika
í byggingu og lagi, sem máli skipta við góða mjalta-
eiginleika. Var heimsókn mín vel skipulögð af forstöðu-
mönnum þeirra stofnana, sem vinna meðal annars að
rannsóknum á þessu sviði, en það voru þeir Arne Ross,
forstjóri við Sænska búfjárræktarsambandið, Andres
ödegaard, forstjóri Norska nautgriparæktarsambandsins