Búnaðarrit - 01.01.1972, Síða 115
SKÝRSLUR STARFSMANNA 109
mjög bagalegt en vonandi er að leyfi fáist á næsta ári
til að endurtaka þessa tilraun.
1 samráði við Egil Jónsson, ráðunaut, var gerð tilraun
með fengieldi hjá Benedikt Stefánssyni, bónda, Hvalnesi,
Austur-Skaftafellssýslu, þar sem prófaðir voru grasköggl-
ar sem fengifóður. Það liefur áður verið prófað á Hesti
í Borgarfirði og gefið allgóða raun. Ætlunin var að koma
þessari athugun á víðar, en þegar þetta er ritað, er ekki
vitað, hvort það hefur tekizt. Er nauðsynlegt að fræðast
um reynslu þeirra, sem þetta liafa reynt, ef farið verður
að framleiða grasköggla hér í stórum stíl.
Ilér að framan var þess getið, að ætlunin var að flytja
hrútasæði úr Laugardælum í Öræfin, en í þá sveit hefur
ekki komið nýtt blóð í um 30 ár. Það er því þýðingar-
mikið, að þangað fari aðeins úrvalsblóð. Þetta leiðir aft-
ur liugann að því, að við, sem stöndum fyrir að velja
liriita á sæðingarstöðvar, verðum að gera okkur ljóst,
að það getur skipt miklu máli að vel takist til. Það verð-
ur að teljast réttlætismál, að þeir, sem nota sæðingarn-
ar, viti hvað þeir fá. Þess vegna verður í framtíðinni að
gera þær kröfur, að ekki séu teknir á sæðingarstöð aðrir
hrútar en þeir, sem liafa hlotið góðan dóm við afkvæma-
prófun, liafa gefið væn og vel gerð lömb, frjósamar og af-
urðasamar dætur og ullargóð afkvæmi. Þó nægir þetta
ekki ef svo er sett á hvert kvikindi undan sæðingarhrút-
um. Það þarf að velja það bezta þar eins og annars stað-
ar. Er það hin mesta furða, hve oft menn gleyma orðum
Salomons konungs, er hann sagði fyrir mörgum öldum,
en eru þó í fullu gildi enn: „Haf nákvæmar gætur á út-
liti sauða þinna, og veit hjörðum athygli þína, því að
auður varir ekki eilíflega, né kóróna frá kyni til kyns“.
Stjórn Búnaðarfélags Islands, búnaðarmálastjóra og
öðru samstarfsfólki þakka ég ánægjuleg samskipti á ár-
inu.
Ritað í janúar 1972.
Sveinn Hallgrímsson.