Búnaðarrit - 01.01.1972, Page 126
120
BÚNAÐARRIT
var það hæsta, sem fengizt hefur, enda var mestur hluti
hrossanna taminn. Kaupendur gera æ meiri kröfur til
hrossanna, sem keypt eru, en verðlagið er þó háð viss-
um takmörkunum, enda seljum við liross í samkeppni
við aðra framleiðendur, sem bjóða sín á til muna lægra
verði en við fáum fyrir okkar.
Ég var skipaður formaður nefndar til að endurskoða
reglur um útflutning lirossa og hefur talsverð vinna farið
í þessa endurskoðun. Henni er nú að mestu lokið, og
mun nefndin skila af sér störfum innan skamms.
Ég mætti á aðalfundi F. E. I. F. (Evrópusamband eig-
enda íslenzkra hesta) þ. 14. júní í Zurich. Þar var ákveð-
ið, að næsta Evrópumót skyldi haldið í Sviss sumarið
1972. Nú er endanlega ákveðið, að mótið verði lialdið
dagana 9. og 10. september í St. Moritz. Þarf nú að fara
að undirbúa þátttöku Islendinga í þessu móti. 1 undir-
búningi er ferðalag á íslenzkum liestum eingöngu að
móti loknu frá Sviss til Rómar, og mun sú ferð taka um
einn mánuð. Vegalengdin er um 700 km. Þessi ferð verð-
ur gerð í minningu germanskra forfeðra okkar og reið-
skjóta þeirra allt frá tímum Teftóna og Kimbra, frá
þjóðflutningum Austgota, Vestgota og Vandala og frá
tímum krossferða. Mun þá páfinn sóttur lieim í lok ferð-
ar, og menn ætla það verði allsögulegt sjónarspil, er
200—300 manns af 8—10 þjóðernum í Evrópu ríða fylktu
liði inn á breiðtorg Vatíkansins á íslenzkum reiðskjótum,
sem eru hreinræktuðustu niðjar þeirra hesta. sem áður-
nefndir forfeður vorir þeystu á um sögufrægar slóðir
Evrópu.
Takkt þessi Rómarferð vel, sem nokkurn veginn er
víst að verði farin, hvort sem Islendingar verða þar með
eða ekki, verður það „gígantísk“ auglýsing fyrir hestinn
okkar, sem sjónvarpsstöðvar m. a. eru þegar farnar að
gera um fyrirspurnir. Þessa ferð má einnig hagnýta til
víðtækari landkynningar og auglýsingar á íslenzkum vör-
um, ef í tíma er tekið.