Búnaðarrit - 01.01.1972, Síða 156
150
BÚNAÐARRIT
að aðstoða bændur eftir föngum við áburðardreifingu á
beitilönd, bæði sunnan og norðan f jalla. Því miður liefur
ekki verið unnt að koma fullkomlega til móts við óskir
bænda í þessu efni, vegna þess að sú eina flugvél, sem
við höfðum á sl. ári, hafði meira en nóg að gera á veg-
um Landgræðslunnar. Eins og komið hefur fram í
starfsskýrslum mínum á undanförnum árum, er ógerlegt
að hefta uppblástur og græða upp landið, nema með
grasi, sem verður aðeins framkvæmt með nýjustu tækni,
þ. e. áburðardreifingu úr flugvélum.
Sú reynsla, sem fengin er á að auka og bæta beitar-
þol afréttanna, verður ekki framkvæmd nema á þennan
hátt. Á árinu 1971 var tekin í framkvæmd ný aðferð
til þess að hefta uppblástur, þ. e. áveita úr Eystri-Rangá
á uppblásturssvæði á Rangárvallaafrétti, sem ógnað hef-
ur Rangárvallabyggð. Þessi framkvæmd hefur tekizt vel
og spáir góðu um framlialdið.
Sums staðar, svo sem á Haukadalsheiði, hagar þannig
til, að auðvelt er að veita vatni úr ám í þessu augnamiði.
Ýmsir bændur fengu aðstoð til uppgræðslu, bæði til
aukinnar túnræktar, svo og til beitiræktar. Þessi þróun,
þ. e. aðstoð við einstaka bændur og sveitarfélög hefur
tekizt mjög vel, og hefur gjörbreytt búskaparháttum
margra bænda í heilum sveitum.
Á árinu, sem leið, stóð Landgræðslan undir aðalút-
gjaldalið „Landverndar“ með því að láta í té áburð og
grasfræ að upphæð 2,8 milljónir króna.
Eins og allir vita, eru mannanna verk misjöfn, enda
hefur það verið svo innan samtaka Landverndar, þar
sem nokkrir af þeim aðilum, sem hafa fengið áburð og
grasfræ, hafa ekki komið því í verk að dreifa vörunni.
Á hinn bóginn eru nokkrir dugnaðarmenn, sem bafa
aldrei fengið nógu mikið magn af áburði og grasfræi.
Það eru þessir aðilar, sem ég vil aðstoða, en láta liina
vafasömu, þó ekki sé meira sagt, sitja á hakanum. Þetta
þarfnast endurskoðunar, ef Landgræðslan á að lialda