Búnaðarrit - 01.01.1984, Blaðsíða 196

168
BÚNAÐARRIT
innheimta auglýsingar og hanna texta. Einnig sá ég um
dreifingu bæklingsins bæði á innlendan og erlendan mark-
að. Ég byrjaði að undirbúa 2. útgáfu strax í október á
ensku, sem kemur út fyrir mánaðamótin janúar/febrúar. Ég
hef lagt mikla vinnu í að útvega auglýsingar og breyta og
samræma texta. Vonast ég til og veit, að þessi nýja útgáfa
verði töluvert endurbætt og í betra formi sem upplýsinga-
miðill fyrir erlenda ferðamenn.
Ég stóð fyrir því, að ný vegaskilti voru hönnuð fyrir þá
bæi, sem stunda ferðaþjónustu. Ég sat á fundum með
Vegagerð ríkisins og formanni Náttúruverndarráðs, til þess
að fá þessi skilti samþykkt. Vonast ég til, að þessi skilti
virki hvetjandi á betri merkingu á íslenskum sveitabæjum.
Ég fór þrisvar upp að Hvanneyri til að kenna ferðaþjón-
ustu í sveitum, sem er sérstakt fag innan ferðaútvegsins. Til
þess að geta kennt þetta fag, sem ég er þó búin að kynna
mér töluvert, þá varð ég að lesa mér eitthvað til. Ég kem til
með að gefa einkunnir fyrir aðalverkefnið í þessari auka-
grein.
í haust fór ég til Sviss og Austurríkis til að kynna mér
sveitagistingu. Notaði ég hluta af sumarfríinu til að ferðast
um Alpana og gista á sveitabýlum þar. Var það mjög
fræðandi að sjá sveitagistingu í svo fullkomnu formi.
Ætlunin er að bjóða ferðaþjónustubændum upp á kynnis-
ferð þangað, e. t. v. í haust.
Flugfélagið bauð mér til Noregs og Svíþjóðar í haust til
að kynna mér ferðaþjónustu hjá bændum þar. Sú ferð var
einnig mjög áhugaverð í sambandi við mitt starf. Það er
alveg nauðsynlegt að sjá hvernig aðrar þjóðir byggja þetta
upp til þess að geta lært af þeim.
I vor var mjög annasamt hjá mér, þar sem ég hafði
milligöngu um sumardvöl barna á aldrinum 6—10 ára. 16
bæir voru á skrá hjá mér og margir þeirra, sérstaklega þeir,
sem eru nálægt þéttbýliskjörnunum, voru með fullbókaö
júní, júlí og fram í ágúst.