Búnaðarrit - 01.01.1984, Blaðsíða 314

286
BÚNAÐARRIT
ar. Nýtt fyrirtæki í Reykjavík, sem sérhæft er í dreifingu
matvæla, tók aö sér sölu á silungi á höfuðborgarsvæðinu.
Það leiddi til þess, að verðið hækkaði og allt að því tvöfalt
hærra verð fékkst fyrir silung á árinu en árið áður.
Áætlað er að silungsveiðin í heild hafi numið 270—300
lestum, sem reikna má til verðs á um 17 milljónir króna.
Laxveiðin glæddist nokkuð í heild miðað við árið áður og
varð veiðin í allt um 59 000 laxar á móti 41 þús. árið áður,
en þá varð laxveiði minnst um langt árabil.
Veiðin skiptist þannig, að á stöng veiddust um 31 þús.
laxar eða 52.5%, í net fengust 17 þús. eða 28.8% og í
hafbeitarstöðvar komu 11 000 eða 18.6%. Alls eru þetta
um 200 lestir að verðmæti um 30 millj. króna. Auk þessa
komu um 50 lestir af eldislaxi á markað að verðmæti um 8
millj. króna.
Ædardúnn varð um 2000 kg, svipaður og árið áður, en
verðið var nokkuð betra og var söluverð hans um 16 millj.
kr. á móti 11 millj. árið áður.
Selveiði. Veiddir voru um 4 500 selir, nær eingöngu
vegna verðlauna. Skinnin eru enn verðlaus, en kjötið
kemur til skila og var notað í loðdýrafóður.
Rekaviður er nú nýttur meira en áður, og er áætlað að
nýttir séu um 350 000 staurar að verðmæti um 14 milljónir
króna. Allmörg býli nota nú rekamor til upphitunar og má
meta það til verðs á 60 þús. kr. á hvert hús, sem þannig er
hitað.
Fjárfestingar og framkvœmdir. Nýræktun túna dróst enn
nokkuð saman eða um 4.3% og hefur ekki orðið minni um
mjög langt árabil. Endurvinnsla túna varð um 12.3% minni
en árið áður. Grænfóðurrækt var um 8.3% meiri en árið
áður.
Framræsla varð nokkru minni en árið áður og dróst
skurðgröftur saman um 4.5% og plógræsla var óveruleg.