Heilbrigðismál - 01.04.1969, Blaðsíða 16

Hvernig fást
stórreykingmenn
til að hœtta?
Islington er borgarhluti í London. Þar er stofn-
un, sem kennir fólki og hjálpar því til að hætta
reykingum. Auk daglegra leiðbeininga og uppörv-
unar eru haldin þar námskeið, sem gengið er ríkt
eftir að fólkið sæki. Þó ekki heppnist að venja
fólkið alveg af reykingum, en ef tekst að koma
því niður í 5 sigarettur á dag, telur forstöðumaður
stofnunarinnar að því sé nokkurnveginn borgið.
í byrjun, þegar starfsemi stofnunarinnar var ný-
lega hafin, voru læknar almennt mjög áhugasamir
fyrir henni, að sögn forstöðumannsins, Howard
Williams læknis, en síðan gleymdu þeir henni. -
Þess vegna sendir hún dreifibréf árlega, sem hvet-
ur þá til að færa sér starfsemi hennar í nyt. Bæði
er hún þjónusta við sjúklinga þeirra, léttir þeim
sjálfum störfin og er uppörvun fyrir okkur, segir
læknirinn. Þegar sjúkiingur leitar okkar, skýrum
við lækni hans frá því og látum hann fylgjast með
framförunum. Við sendum einnig áróðursspjöld
til læknanna, sem þeir geta hengt upp á biðstofum
sínum.
blvers vegna er erfitt að hœtta?
Williams læknir viðurkennir, að bezti árangur-
inn sé hvorki dreifibréfum né áróðursspjöldum að
þakka, heldur greinum, sem stöðugt eru birtar í
dagblaði Islington-hverfisins.
Hvers vegna óskar fólk að hcetta reykingum?
Þessi spurning var lögð fyrir 20 manns í Isling-
ton á mismunandi aldri. „Ég er barnshafandi",
sagði ung kona, „og ég veit, að tóbaksreykingar
eru hættulegar fyrir fóstrið".
„Ég gæti vel þegið að vera frískari", sagði mið-
aldra maður, sem reykti 20 sigarettur á dag. Einn
sagði, að það væri siðferðileg niðurlæging að geta
ekki lagt reykingar á hilluna og annar sýndi bréf
frá einum lækninum við Maudsley-spítalann.
„Þér ættuð að reyna einu sinni enn að hætta
af eigin rammleik", stóð í bréfinu. „Takist það
ekki, ættuð þér að leita til hjálparstöðvarinnar í
Islington".
Námskeið fyrir tóbaksþrœlana.
Stöðin var opnuð í nóvember 1962 og framan
af var hún fjölsótt, en smátt og smátt minnkaði
aðsóknin. Þá var stofnað til námskeiða, sem jafnan
eru vel sótt og þykja gefa betri árangur en einka-
kennslan. Ollum hugsanlegum ráðum var beitt til
að halda fólkinu að námskeiðunum og rúmlega
80% sjúklinga komu 4 sinnum í viku á því 6 vikna
tímabili, sem námskeiðið stendur yfir.
Fyrsta viðfangsefnið er að skýra staðreyndir fyr-
ir fólkinu. Fjöldinn allur virðist hafa mjög óljósar
frh. á bls. 21
16
FRÉTTABRÉF UM HEILBRIGÐISMÁL