Heilbrigðismál - 01.03.1986, Blaðsíða 7

A Arinu hófust framkvæmdir við svo-
nefnda K-byggingu Landspítalans, en
hún mun kosta fullgerð um 800 millj-
ónir króna.
að hjartaskurðlækningum hér-
lendis. Hluti starfsfólks ráðinn og
samið við háskólasjúkrahúsið í
Uppsölum í Svíþjóð um þjálfun
þess. Landssamtök hjartasjúklinga
efndu til fjársöfnunar til tækja-
kaupa í væntanlega hjartaskurð-
deild.
JÚLÍ
Þrennir þríburar. Á þriggja
mánaða tímabili fæddust þrisvar
sinnum þríburar hér á landi, og
mun það einsdæmi.
ÁGÚST
Heilsugæslan í höfn. Flestir
heilsugæslulæknar landsins höfðu
sagt upp störfum vegna óánægju
með launakjör. Samningar náðust
á síðustu stundu.
Hafnarbúðir falar. Borgar-
stjórn Reykjavíkur samþykkti að
leita samninga við ríkissjóð um
sölu Hafnarbúða. Landakotsspítali
mun nota húsið fyrir langlegusjúkl-
inga. Miklar blaðadeilur höfðu orð-
ið um málið.
SEPTEMBER
Arfgengt æðamein. Haldin var
alþjóðleg ráðstefna í Reykjavík um
arfgengan sjúkdóm vegna mynd-
unar amyloid-efna í miðtaugakerfi.
Blá böð. Landlæknisembættið
hóf rannsókn á lækningamætti
jarðsjávarvatns í Bláa lóninu við
Svartsengi, en talið hafði verið að
böðun í lóninu hefði jákvæð áhrif á
psoriasis.
Berklahæli með breytt verk-
efni. Minnst var 75 ára afmælis Víf-
ilsstaðahælisins, sem áður hýsti
berklasjúklinga en nú einkum
lungnasjúklinga, m.a. af völdum
reykinga.
OKTÓBER
Hefðbundin heilsugæsla.
Hætt við umdeild áform um að
bjóða út rekstur heilsugæslustöðv-
ar í Drápuhlíð í Reykjavík.
NÓVEMBER
Alnæmi sem dánarorsök.
Blaðafregnir hermdu að fyrsti ís-
lenski sjúklingurinn hefði látist af
völdum alnæmis.
DESEMBER
Aukin leit. Hafinn undirbún-
ingar leitar að krabbameini í neðri
hluta meltingarvegar.
Árið sem AIDS
kom til íslands
í lok mars var frá því sagt í dag-
blöðum að mótefni AIDS-veiru
hefðu í fyrsta sinn greinst í blóð-
sýni Islendings. Þar með virtist
staðfest að þessi sjúkdómur, sem
leiðarhöfundur DV sagði að væri
„að ýmsu leyti verri en svarti
dauði", væri kominn til landsins.
Heilbrigðisyfirvöld kynntu að-
gerðir gegn útbreiðslu sjúkdómsins
í maí, og á miðju sumri gaf Land-
læknisembættið út fræðsluritið „Al-
næmi, spurningar og svör", sem
dreift var í 20.000 eintökum. Síðar á
árinu var dreift fræðsluefni fyrir
heilbrigðisstarfsfólk.
Deilur stóðu um það hvar rann-
sóknir á þessum sjúkdómi ættu að
fara fram. Á fjárlögum, sem sam-
þykkt voru í desember, var veitt
heimild til að kaupa hús í þessu
skyni.
I september var komið á fót upp-
lýsingaþjónustu um alnæmi.
Mótefnamælingar á áhættusýn-
um hófust á Borgarspítalanum í
október.
Samkvæmt upplýsingum heil-
brigðisyfirvalda munu 17 Islend-
ingar hafa greinst með alnæmi á
mismunandi stigum árið 1985.
Einn lést á árinu, einn var með
veruleg forstigseinkenni í árslok,
sjö með væg forstigseinkenni og
átta með mótefni veirunnar í blóði.
-jr.
AlDS-veiran, sem nefnd er „Hutnan
T-Lymphotropic Virus 111", lítur svona
út í rafeindasmásjá.
HEILBRIGÐISMÁL 1/1986 7