Fréttablaðið - 19.01.2010, Blaðsíða 10

10 19. janúar 2010 ÞRIÐJUDAGUR
BANDARÍKIN, AP Demókratar á
Bandaríkjaþingi reyna nú að bjarga
heilbrigðisfrumvarpi sínu, sem fengi
varla endanlegt samþykki á þingi ef
repúblikani sigrar í aukakosningum
í dag um þingsæti Edwards Kenne-
dy í öldungadeildinni.
Bæði fulltrúadeild og öldunga-
deild þingsins samþykktu frum-
varpið fyrir jól, en ekki í samhljóða
útgáfu. Síðan hefur staðið yfir vinna
við að samræma útgáfurnar þannig
að báðar deildir geti samþykkt.
Repúblikaninn Scott Brown
gerir sér góðar vonir um sigur í
kosningunum í dag. Fari svo hafa
repúblikanar 41 þingmann af
100, sem nægir þeim til að stöðva
afgreiðslu frumvarpsins úr deild-
inni með málþófi.
Demókratar eiga þá varla ann-
ars úrkosta en að láta fulltrúa-
deildina samþykkja frumvarp-
ið eins og öldungadeildin gekk frá
því fyrir jól. Margir demókratar
í fulltrúadeild eru hins vegar
ósáttir við ýmis ákvæði í útgáfu
öldungadeildarinnar.
Áhrifamenn innan Demókrata-
flokksins, ekki síst Edward Kenn-
edy sem lést síðasta sumar, hafa
áratugum saman reynt að fá þing-
ið til að samþykkja heilbrigðis-
frumvarp sem tryggði öllum, eða
nánast öllum, Bandaríkjamönnum
sjúkratryggingar. - gb
Kosið um þingsæti Kennedys í öldungadeildinni:
Heilbrigðisfrum-
varpið í voða
SCOTT BROWN Frambjóð-
andi repúblikana gerir sér
góðar vonir um að hreppa
sæti Kennedys.

FR
ÉT
TA
B
LA
Ð
IÐ
/A
P
Í GEGNUM ELD Knapi reið á hesti
sínum í gegnum eld í bænum San
Bartolome de Pinares á Spáni þegar
haldið var upp á dag heilags Antoníus-
ar, verndardýrlings dýra. FRÉTTABLAÐIÐ/AP
SKIPULAGSMÁL „Til þess að mæta
kröfum tímans um aukið þjón-
usturými er óskað eftir aukningu
byggingarmagns,“ segir í umsókn
Domus Medica sem vill fá heimild
til að byggja 2.200 fermetra þjón-
ustubyggingu og 3.000 fermetra
bílageymslu við læknamiðstöðina
á Egilsgötu.
Bæði eigandi Heilsuverndar-
stöðvarinnar gömlu og íbúar á
Egilsgötu mótmæla þessum áform-
um. Í dag eru 117 bílastæði við
Domus en þau verða aðeins 114
eftir breytinguna, þar af 88 í nýju
bílastæðahúsi.
Þorsteinn Steingrímsson segir
fyrir hönd Heilsuverndarstöðvar-
innar á Barónsstíg að stæðin við
Domus þyrftu að vera 400 til 425
nú þegar. Þetta kemur fram í bréfi
Þorsteins til skipulagsyfirvalda.
Hann segir borgina geta bakað sér
skaðabótaskyldu og áskilur sér rétt
til að gera slíka kröfu.
„Það er ósk okkar að borgar-
yfirvöld kalli alla eignaraðila á
þessu svæði á fund og freisti þess
að koma góðum lausnum áleið-
is en ekki pukra í sínu horni og
eyðileggja fyrir nágrönnum og
borgarbúum öllum,“ skrifar Þor-
steinn og bendir á að lausn geti
falist í sameiginlegu bílastæða-
húsi á lóðum Heilsuverndar-
stöðvarinnar, Domus Medica og
Droplaugarstaða. Teikning af því
húsi hafi þegar legið mánuðum
saman hjá skipulagsyfirvöldum.
Í bréfi nokkurra íbúa við Egilsgötu
segir að byggðin þar hafi í áratugi
verið kaffærð með stórbyggingum.
„Ekki er boðlegt að borgaryfirvöld
þvingi okkur enn frekar með stækk-
un Domus,“ skrifa íbúarnir.
Aðrir íbúar við Egilsgötu lýsa yfir
áhyggjum af sprengingum á bygg-
ingartímanum og áskilja sér rétt
til skaðabóta verði hús þeirra fyrir
skemmdum.
Enn aðrir íbúar segja í sínu bréfi
að þeir geti ekki hugsað þá hugsun
til enda að bæta eigi 2.200 fermetra
þjónusturými við Domus án þess
að fjölga bílastæðum. „Við höfum
öll liðið fyrir „þunga“ starfsemi
Domus Medica á umliðnum árum og
gríðarlegan bílastæðaskort,“ skrifa
íbúarnir.
Hverfisráð Miðborgar fagnar hins
vegar að fækka eigi bílastæðum við
Egilsgötu og gera önnur neðanjarð-
ar. Einnig því að aðalinngangur eigi
að vera frá Snorrabraut í stað Egils-
götu. Hverfisráðið gerir þó athuga-
semd við að útlit nýbyggingarinn-
ar virðist ekki eiga að taka mið af
húsinu sem fyrir er.
Tillaga Domus Medica er nú til
skoðunar hjá formanni skipulagsráðs
Reykjavíkur. Ekki mun vera ætlun-
in að ráðast í þessar framkvæmdir í
núverandi efnahagsástandi.
gar@frettabladid.is
DOMUS MEDICA Eigendur hússins segja þörf á að bæta þjónustuna með auknu
rými en nágrannarnir óttast bílastæðaöngþveiti þar sem ekki sé gert ráð fyrir fjölgun
bílastæða. FRÉTTABLAÐIÐ/GVA
Mótmæla að Domus stækki
án þess að bílastæðum fjölgi
Stækka á Domus Medica með viðbyggingum og bílageymslu. Íbúar á Egilsgötu segjast hafa liðið nóg þótt
ekki bætist við umferðarþunga. Eigandi Heilsuverndarstöðvarinnar varar við miklum bílastæðavanda.
DÓMSMÁL Hæstiréttur hefur vísað
frá dómi kæru fréttastjóra Stöðv-
ar 2, Óskars Hrafns Þorvaldsson-
ar, sem fór fram á það að fallið
yrði frá þeirri ákvörðun að þing-
hald í svokölluðu mansalsmáli
sem upp kom á Suðurnesjum í
haust yrði lokað.
Segir í dómnum að skilyrði
fyrir því að hægt sé að kæra
úrskurð héraðsdóms sé að sá
sem kærir hafi í héraði átt aðild
að málinu. Óskars sé hins vegar
hvergi getið í gögnum um málið,
hann hafi ekki freistað þess að
gera grein fyrir því hvernig
hann tengist því sakarefninu sem
úrskurðað var um og því er mál-
inu vísað frá. - sh
Mansalsmálið verður lokað:
Fréttastjóri ekki
aðili að málinu
LÖGREGLUMÁL Maður var handtek-
inn eftir innbrot í veitingahúsið
Kaffi Krús á Selfossi aðfaranótt
sunnudagsins.
Lögreglumenn fengu tilkynn-
ingu um að þjófavarnakerfi hefði
farið í gang á veitingastaðnum og
fóru þeir strax á staðinn. Þegar
að var komið sást maður á hlaup-
um frá staðnum. Ekki dugði
honum forskotið og náðist hann
fljótlega. Hann var handtekinn
og færður í fangageymslu.
Við yfirheyrslur á Selfossi
viðurkenndi maðurinn aðild að
mörgum innbrotum á Selfossi,
Hvolsvelli og víðar, þjófnaði á
dísilolíu, sölu og dreifingu fíkni-
efna, framleiðslu og sölu á landa
og tvær líkamsárásir.
Þessi sami maður var handtek-
inn fyrir skömmu vegna innbrots
í fyrirtæki á Selfossi.
Vegna síbrota mannsins gerði
lögreglustjórinn á Selfossi kröfu
um að hann yrði úrskurðaður
í gæsluvarðhald í fjórar vikur.
Dómari varð við því. Tíminn
verður vel nýttur til að ljúka
rannsókn, að sögn lögreglu, og
er áætlað að ákærur liggi fyrir í
þessari viku. Þar sem maðurinn
er af erlendu bergi brotinn mun
verða farið fram á að Útlendinga-
stofa vísi honum úr landi.
- jss
SELFOSSI Lögreglustjórinn á Selfossi vill
síbrotamann burt af landinu.
Lögreglan hljóp innbrotsþjóf uppi á Selfossi:
Vill brottvísun síbrotamanns
Stal þremur vodkapelum
Karlmaður á fimmtugsaldri hefur
verið ákærður fyrir að stela þremur
vodkapelum. Pelunum þrem stal
hann í jafnmörgum heimsóknum í
vínbúðir á höfuðborgarsvæðinu.
DÓMSTÓLAR
Árni Björn í framboð
Árni Björn Ómarsson verkefnisstjóri
hefur tilkynnt um framboð sitt í 1.
til 4. sæti á lista Samfylkingarinnar
í Hafnarfirði í prófkjöri sem haldið
verður 30. janúar næstkomandi.
PRÓFKJÖR
CHILE, AP Sebastian Pinera, hægri-
sinnaður auðkýfingur, vann sigur
í forsetakosningum í Chile á
föstudag.
Hann fékk 52 prósent atkvæða
en fráfarandi forseti, Eduardo
Frei, hlaut 48 prósent og lætur
því af völdum. Pinera hvatti
Chilebúa til að taka nú höndum
saman til að bæta landið. Hann
sagðist ætla að gera Chile að
„besta landi í heimi“. Í kosninga-
baráttunni hafði hann gagnrýnt
vinstrimenn sem komist hafa til
valda í Suður- og Mið-Ameríku,
sagði meðal annars að ekkert lýð-
ræði væri í Venesúela þar sem
Hugo Chavez er við völd. - gb
Forsetakosningar í Chile:
Auðjöfur vann
nauman sigur
BREYTING Á ÁÆTLUN HERJÓLFS
Básaskersbryggju | 900 Vestmannaeyjar | Sími 481 2800 | Fax 481 2991 | www.eimskip.is | www.herjolfur.is
Að ósk Vegagerðarinnar verður áður auglýstri áætlun um fækkun ferða á tímabilinu
janúar til apríl 2010 breytt. Auglýst var brottför kl. 08.15 frá Vestmannaeyjum og
kl. 12.00 frá Þorlákshöfn á laugardögum. Eftir breytingu verður farið frá Vestmannaeyjum
kl. 14.00 og frá Þorlákshöfn kl. 18.00. Áætlun á miðvikudögum er óbreytt.
Breyting þessi tekur gildi laugardaginn 23. janúar.
Nánari upplýsingar um áætlunarferðir Herjólfs eru á vefnum, herjolfur.is.