Fréttablaðið - 19.01.2010, Blaðsíða 22
19. JANÚAR 2010 ÞRIÐJUDAGUR6 ● fréttablaðið ● þorrinn
Flatkökur
4 bollar hveiti
4 bollar haframjöl
1 bolli rúgmjöl
1 tsk. salt
1 msk. sykur
½ tsk. matarsódi
1 ketill af sjóðandi vatni
Vatnið er soðið og hellt yfir þurrefnin.
Deigið er hnoðað á meðan það er
heitt og er því ágætt að nota hreina
gúmmíhanska. Deigið er hnoðað og
flatt út í þunnar kökur. Pönnuköku-
pannan er hituð og kökurnar bak-
aðar við góðan hita þar til komnir
eru svartir flekkir neðan á þær. Þá er
þeim snúið við og bakaðar á hinni
hliðinni. Gott er að setja þær heitar í
plastpoka eða vefja í rakt viskastykki,
til að koma í veg fyrir að þær harðni.
Flatkökur geymast ágætlega í frysti.
Flatkökur eru oft bornar
fram með þorramatnum.
Hér er einföld uppskrift að
flatkökum sem eru bakaðar
á pönnukökupönnu.
Íslenskt bakkelsi
Flatkökur er tilvalið að bera fram
með þorramatnum en þær er einfalt
að gera.
UPPSKRIFT
Þorramaturinn íslenski á sér hliðstæðu víða um heim. Flestir
kannast við skerpukjötið, hvalspikið og ræstkjöt í Færeyjum en
súr, þurrkaður og annar furðulegur matur er borðaður víða um
heim og er yfirleitt hluti af þjóðararfi viðkomandi landa. Réttirnir
eiga það flestir sameiginlegt að smakkast illa í fyrstu. - sg
Heimild: weird-food.com og wikipedia.org.
Furðulegt góðgæti
Kim Chee er sýrt kál upprunnið frá Kóreu. Kálið er látið standa í bala fullum af vatni,
salti og rauðum pipar. Venjulega er það látið standa í nokkrar vikur áður en það
er borið fram en einnig er það stundum geymt mánuðum saman í leirpottum sem
grafnir eru í jörðu. Við sýringuna myndast bragð sem minnir á edik.
Steiktir grænir tómatar urðu frægir í
mynd og bók með sama heiti. Þessir
óþroskuðu ávextir þykja ljúfmeti víða í
suðurhluta Bandaríkjanna.
Surströmming kallast sænskur réttur
sem samanstendur af súrri síld í dós.
Síldin er látin súrna í tunnum í einn til
tvo mánuði. Síðan er hún sett í dósir.
Dósirnar blása oft út en yfirleitt er slík
síld borðuð utandyra þar sem lyktin
sem gýs upp þegar dósin er opnuð er
yfirþyrmandi.
Fugu er allsérstæður japanskur réttur. Ígulfiskurinn inniheldur eitur sem getur
banað manni. Aðeins sérþjálfaðir kokkar mega matreiða fiskinn sem sagt er að
smakkist guðdómlega enda kostar hann sitt. Talið er að þessi eitraði fiskur bani um
300 manns á ári í Japan.
Skerpukjöt er vindþurrkað kjöt sem
borðað er í Færeyjum. Flestir heima-
menn verka sitt kjöt sjálfir. Ferðamenn
eru flestir látnir smakka kjötið sem er
þó alls ekki allra. Annar þjóðarréttur
Færeyinga er ræstkjöt en það er sigið
lambakjöt.
Petai-baunir
lykta eftir
því sem
næst
verður
komist
eins og
metangas.
Fæstum
þykja baun-
irnar góðar við
fyrsta smakk en þær
eru vinsælar í Laos,
suðurhluta Taílands, Búrma, Malasíu,
Indónesíu og víðar.
Fufu er vinsælt víða í Afríku. Réttur-
inn er búinn til úr stöppuðum
sætuhnúðum og borðaður í litlum
slímugum boltum án þess að tyggja,
venjulega með kryddaðri jarðhnetu-
sósu.
Xinchin
er sýrð
fiskisósa sem
búin er til úr sítr-
ónusafa
og chili-
pipar.
Sumir líkja bragðinu
við skemmt tún-
fisksalat. Þessi sósa
er nokkuð notuð
í sumum hlutum
Mexíkó.
P‘tcha er
klassískur
réttur meðal
gyðinga í
Austur-
Evrópu.
Hann er
unninn úr
kálfafótum og
verður nokkurs konar
hlaup. Stundum eru
einnig notaðir kjúklinga-
fætur eða -bein. Rétturinn
er stundum kallaður galla
eða gallaretta, fisnogen eða
cholodyetz. Kannski má helst
líkja þessum rétti við sviðasultu
Íslendinga. Marga klukkutíma tekur
að útbúa réttinn.
Tempeh er réttur sem upprunninn er í
Indónesíu. Tempeh lítur út eins og þykk
kexkaka en er búið til úr sýrðum og
mygluðum sojabaunum sem pressaðar
eru í harða kubba. Tempeh er sérstak-
lega vinsælt á eyjunni Java.
Blótaðu eins
og fagmaður
Þorrablótssiðir að fornu og nýju
í skemmtilegri bók eftir Árna
Björnsson þjóðháttafræðing.
Bókinni fylgir viðamikill bálkur
þorrakvæða með nótnaskrift.
Allar stærðir
í boði. Getum einnig
smíðað eftir þínum
hugmyndum. Uppl. S:
660-1050 – 660-1055
Sérsmíðum þorrabakka