Fréttablaðið - 19.01.2010, Blaðsíða 34

22 19. janúar 2010 ÞRIÐJUDAGUR
sport@fretta-
Dagur Sigurðsson, landsliðsþjálfari Austurríkis, hefur undirbúið
sína menn fyrir átökin fyrir Evrópumeistaramótið í handbolta,
sem hefst þar í landi í dag, eins vel og kostur er. Nú er bara
að „láta vaða“ eins og Dagur sagði sjálfur en Austurríki mætir
Danmörku í dag.
„Tilfinningin degi fyrir leik er mjög góð. Ég er búinn að
skoða mótherja okkar og leggja upp okkar leik. Nú
er bara ein æfing eftir og í raun lítið sem ég get
gert úr þessu. Maður kennir mönnum ekki að spila
handbolta á einum degi,“ sagði Dagur við Fréttablaðið í
Linz í gær.
Hann segir að vel hafi gengið að telja leikmönnum
Austurríkis trú um að þeir eigi skilið að spila á stórmóti í
handbolta. „Ég get þó ekki neinu logið að þeim og þeir
verða fyrst og fremst að finna sjálfir fyrir þessu. Ég var
heppinn að við unnum Þjóðverja í æfingaleik fyrir einu
og hálfu ári og síðan þá hafa fylgt nokkrir ágætir leikið í
kjölfarið.“
Dagur hefur fylgst vel með undirbúningi íslenska
liðsins fyrir EM en Ísland mætir Austurríki á fimmtudaginn. „Mér líst
mjög vel á íslenska liðið. Það er gríðarlega sterkt og það var einnig
afar öflugt að fá Óla [Ólaf Stefánsson] aftur inn í liðið. Sjálfstraustið
lekur af þeim og maður sér á þeim að þeir eru að komast í Peking-
gírinn. Þeir eru líklegir til að fara alla leið ef þetta dettur þeirra
megin en það eru mörg sterk lið á mótinu og stutt á milli
hláturs og gráts.“
Helst er að Íslendingar hafi haft áhyggjur af stöðu
vinstri skyttunnar í íslensku sókninni en Dagur gerir
lítið úr því. „Gummi væri ekki að taka Loga [Geirs-
son] með ef hann gæti ekki spilað á mótinu og
þeir geta greinilega hent Ólafi Guðmundssyni
inn á miðað við hans frammistöðu í Frakklandi
um helgina. Aron verður einnig með – annars
væri hann ekki í hópnum og þá hefur Arnór verið
að spila mjög vel. Ég veit að ég væri allavega afar sáttur
ef ég þyrfti að kljást við sömu „vandamál“ í mínu liði og
að mér myndu standa þessir leikmenn til boða. Ég held
því að það sé ekki hægt að kvarta undan þessari stöðu.“
DAGUR SIGURÐSSON: VILDI AÐ ÉG ÆTTI Í SÖMU „VANDRÆÐUM“ Á VINSTRI VÆNGNUM OG ÍSLAND
Íslendingar líklegir til að fara alla leið á EM
HANDBOLTI Í dag hefst keppni á Evr-
ópumeistaramótinu í handbolta og
verður lið Serbíu fyrsti andstæð-
ingur Íslands á mótinu. Leikurinn
fer fram í Linz eins og aðrir leikir
í íslenska riðlinum.
Íslenska landsliðið æfði í keppn-
ishöllinni í gær og sagði Guðmund-
ur Guðmundsson við Fréttablaðið
eftir æfinguna að sínir menn væru
tilbúnir.
„Við erum tilbúnir og þannig á
það líka að vera. Menn eru í topp-
standi og klárir í slaginn,“ segir
Guðmundur sem nýtti æfinguna
í gær til að skerpa á nokkrum
atriðum í sóknarleiknum, fyrst og
fremst.
„Við vorum að skoða hvernig
varnarleik við getum mögulega
fengið á móti okkur. Við viljum
vera undirbúnir fyrir það eins vel
og mögulegt er. Við munum kíkja
á það aftur á myndbandi í kvöld og
ræða það enn frekar. Svo er stutt
æfing á morgun [í dag] þar sem
enn verður farið yfir þetta. Það er
því mikil vinna fólgin í þessu og
við þurfum að passa það að missa
ekki einbeitinguna eitt andartak.“
Serbar eru þekktir fyrir að láta
finna vel fyrir sér og á Guðmund-
ur því von á hörkuleik í kvöld.
„Ég á von á hröðum og mikl-
um baráttuleik. Serbar spila mjög
fastan varnarleik og þeir ætla sér
að taka vel á okkur. Við þurfum
því að nýta okkar hraðaupphlaup
vel enda er það einn okkar helsti
styrkleiki.“
En það er ekki bara nóg að spila
öflugan sóknarleik. Guðmundur
segir að ekkert nema toppleikur
hjá íslenska landsliðinu á öllum
vígstöðvum muni duga til sigurs
í kvöld.
„Eins og ég hef margoft sagt þá
eru Serbarnir með afar gott lið.
Þeir unnu Frakka í Frakklandi í
æfingaleik í síðustu viku og það
eru aðeins mjög sterk lið sem ná
að vinna slíka sigra,“ segir hann.
Landsliðshópurinn kom til Linz
aðfaranótt mánudags eftir að hafa
tekið þátt í æfingamóti í Frakk-
landi um helgina. Ísland vann þar
góðan sigur á Spánverjum fyrri
daginn en tapaði svo fyrir heima-
mönnum þann síðari.
„Þetta var mjög góð helgi og
hún fór alveg eins og við ætluð-
um okkur. Við vorum líka að spila
betur en við höfum gert. Varnar-
leikurinn var til dæmis mun betri
en hann hefur verið og má því
segja að við höfum verið að leið-
rétta okkar leik hægt og rólega.
Það er svo vonandi að það skili sér
inn í keppnina nú.“
Landsliðsfyrirliðinn Ólafur Stef-
ánsson var einbeittur á æfingunni í
gær og sagði stemninguna á meðal
leikmanna vera góða.
„Hún er kannski aðeins rólegri
í dag eftir að hafa tekið vel á því
um helgina. Svo keyrum við þetta
upp á morgun. Ég er mjög ánægð-
ur með stöðuna á liðinu og er einn-
ig sjálfur bara nokkuð góður. Þetta
lítur allt þokkalega út og ég get því
ekki kvartað.“
Serbarnir vilja taka vel á okkur
Guðmundur Guðmundsson landsliðsþjálfari segir sína menn tilbúna fyrir átökin á Evrópumeistaramótinu
í handbolta sem hefst í Austurríki í dag. Strákarnir okkar mæta liði Serbíu í fyrstu umferð í Linz í kvöld.
HNÉÐ Í SKOÐUN Aron Pálmarsson sýnir hér Elísi Þór Rafnssyni sjúkraþjálfara vinstra
hnéð sitt sem hefur verið til vandræða síðustu daga eftir að hann fékk högg á það á
æfingu fyrir hraðmótið í Frakklandi. FRÉTTABLAÐIÐ/E.STEFÁN
HANDBOLTI Það er spurning hvort
Ólafur Stefánsson á að spila í sér-
staklega vörðum búningi á móti
Serbum í kvöld. Í það minnsta ætti
hann að fara varlega í þessum leik.
Ólafur hefur nefnilega meiðst í
fyrsta leik á undanförnum tveim-
ur Evrópumótum og missti vegna
þeirra af næstu tveimur leikjum
á bæði EM í Sviss 2006 og EM í
Noregi 2008.
Ólafur fékk slæmt og að því
virtist viljandi högg á móti
Serbum í fyrsta leik EM fyrir fjór-
um árum en meiddist síðan aftan
í læri í fyrsta leik á móti Svíum á
EM fyrir tveimur árum.
- óój
Reynsla fyrsta leiks á EM:
Óli, passaðu
þig í kvöld
ÓHEPPINN Ólafur Stefánsson meiddist á
EM 2006 og EM 2008. MYND/AFP
HANDBOLTI Fyrsti leikurinn á
Evrópumótinu er og hefur verið
íslenska landsliðinu afar mikil-
vægur ef marka má fyrstu fimm
Evrópumót strákanna okkar.
Íslenska landsliðið hefur ekki
náð ofar en í 11. sæti á EM nema
liðið hafi náð einhverju út úr opn-
unarleiknum sínum. Íslenska
liðið gerði 24-24 jafntefli við
Spán í fyrsta leik sínum á EM
2002 (4. sæti) og vann 36-31 sigur
á Serbíu og Svartfjallalandi í
fyrsta leik sínum á EM 2006 (7.
sæti). - óój
BYRJUN ÍSLANDS Á EM:
Stig úr fyrsta leik
EM 2002 4. sæti
Jafntefli við Spán, 24-24
EM 2006 7. sæti
Sigur á Serbíu og Svartfjallal. 36-31
Tap í fyrsta leik
EM 2000 11. sæti
Tap fyrir Svíþjóð, 23-31
EM 2004 13. sæti
Tap fyrir Slóveníu, 28-34
EM 2008 11. sæti
Tap fyrir Svíþjóð, 19-24
Fyrsti leikurinn á EM:
Ræður miklu
um framhaldið
UNNUM SERBA 2006 Íslenska landsliðið
fagnar sigri á EM í Sviss. MYND/AFP
HANDBOLTI Einar Þorvarðarson,
framkvæmdastjóri HSÍ, gerði
sér lítið fyrir og keyrði alla leið
frá París í Frakklandi til Linz í
Austurríki í fyrrinótt.
Þetta gerði hann til að létta á
farangrinum sem liðið þurfti að
fljúga með til Austurríkis eftir
æfingamótið í Frakklandi um
helgina. Einar sagði við Frétta-
blaðið að yfirvigtin hefði kostað
HSÍ meira en sex þúsund evrur
í flugi en hann fór alls með hálft
tonn af farangri til Linz.
Einar var um tíu klukkustundir
á leiðinni og lenti í ýmsum ævin-
týrum – til að mynda var hann
næstum búinn að keyra á hóp
villisvína á leiðinni. - esá
Einar Þorvarðarson:
Með hálft tonn
af farangri
ÞUNGUR BÍLL Einar Þorvarðarson keyrði
frá París til Linz. FRÉTTABLAÐIÐ/PJETUR
> Arnór byrjar líklega í dag
Líklegt er að Arnór Atlason byrji í stöðu vinstri skyttu
þegar Ísland mætir Serbíu í fyrstu umferð riðlakeppn-
innar á EM í handbolta sem hefst í dag. Á æfingu
landsliðsins stillti Guðmundur Guð-
mundsson landsliðsþjálfari upp liði sem
líklegt er að byrji á morgun. Samkvæmt
því verða Alexander og Guðjón Valur í
hornunum, Ólafur Stefáns-
son og Arnór í skyttu-
stöðunum, Snorri Steinn
verður leikstjórnandi,
Róbert á línunni og
Björgvin Páll í markinu.
KÖRFUBOLTI Fyrsta heimsókn Sig-
urðar Ingimundarsonar með
Njarðvíkurliðið til sinna gömlu
lærisveina í Keflavík fór ekki vel
því meistaraefnin úr Njarðvík
steinlágu á móti frábæru Kefla-
víkurliði í átta liða úrslitum Sub-
way-bikars karla í gærkvöldi.
Keflavík vann leikinn á end-
anum með 20 stiga mun,
93-73, eftir að hafa verið
með yfirburðaforustu nær
allan leikinn. Keflvík-
ingar verða því í pottinum
ásamt Grindavík, ÍR og Snæ-
felli þegar dregið verður á
miðvikudaginn.
Sláturhús Keflvíkinga
stendur undir nafni þessa
dagana eftir annan stórsigur
liðsins í röð á móti tveimur af
efstu liðum Iceland Express-
deildarinnar. Keflavíkur-
liðið vann 35 stiga sigur
á Stjörnunni í Toyota-höllinni á
föstudagskvöldið og fylgdi því
eftir með því að rasskella nágrann-
ana sína úr Njarðvík á sama stað
þremur dögum síðar.
Keflavíkurliðið hélt Njarðvík-
ingum í 13 stigum og 19 prósenta
skotnýtingu (3 af 16) í fyrsta leik-
hluta og var komið með 21 stigs
forskot í hálfeik, 51-30, eftir
að hafa unnið annan leikhlut-
ann 30-17. Keflavík náði mest
25 stiga forskoti í
öðrum leikhlutan-
um og sóknarleik-
ur Njarðvíkur
var skelfilegur
– hitti úr 7 af 30
skotum og töp-
uðu 13 boltum
að auki.
Kefla-
víkurlið-
ið skoraði
síðan fimm
fyrstu stig
seinni
hálf-
leiks og
komst
26 stigum yfir, 56-30, og Njarðvík-
ingar áttu áfram fá svör við góðum
leik nágranna sinna úr Keflavík.
Njarðvík náði þó að minnka mun-
inn í 18 stig, 72-54, fyrir lokaleik-
hlutann og munurinn varð minnst-
ur 14 stig í fjórða leikhluta áður en
Keflvíkingar kláruðu leikinn.
Miklu munaði um það að Kefla-
víkurvörnin hélt lykilmönnum
Njarðvíkur, Magnúsi Þór Gunn-
arssyni og Jóhanni Árna Ólafs-
syni, í samtals 6 stigum fyrstu
þrjá leikhlutana en þeir félag-
ar hittu aðeins úr 2 af fyrstu 18
skotum sínum í leiknum. Magn-
ús Þór skoraði síðan 5 stig í
lokaleikhlutanum og bjargaði
aðeins andlitinu.
Draelon Burns var atkvæða-
mestur í Keflavík með 29 stig, 9
fráköst og 5 stoðsendingar, Gunn-
ar Einarsson skoraði 23 stig og
Hörður Axel Vilhjálmsson var með
18 stig, 8 fráköst og 6 stolna bolta.
Nick Bradford var með 16 stig, 14
fráköst og 5 villur hjá Njarðvík,
Hjörtur Hrafn Einarsson skor-
aði 11 stig og Páll Kristinsson var
með 10 stig. - óój
Keflvíkingar rassskelltu nágranna sína úr Njarðvík í Subway-bikarnum í gær:
Sláturtíð á Sunnubrautinni
FRÁBÆR Gunnar Einarsson
skoraði 23 stig og var
með fleiri þrista en allt
Njarðvíkurliðið.
FRÉTTABLAÐIÐ/STEFÁN
EM Í AUSTURRÍKI
EIRÍKUR STEFÁN ÁSGEIRSSON
skrifar frá Linz
eirikur@frettabladid.is