Fréttablaðið - 23.03.2010, Blaðsíða 6

23. mars 2010 ÞRIÐJUDAGUR6
Eldgos á Fimmvörðuhálsi
FRÉTTASKÝRING
Hvaða áhrif hefur eldgos á Fimm-
vörðuhálsi á eina vinsælustu göngu-
leið landsins? Hvaða áhrif myndi það
hafa á ferðalanga ef gosið dregst á
langinn?
Gönguleiðin um Fimmvörðuháls
hefur verið ein allra vinsælasta
gönguleið landsins undanfarin ár.
Áætla má að um 3.000 manns hafi
gengið Fimmvörðuhálsinn síðasta
sumar, segir Skúli H. Skúlason,
framkvæmdastjóri Útivistar.
Hraunrennsli frá eldgosinu
sem hófst aðfaranótt sunnudags
milli Eyjafjallajökuls og Mýr-
dalsjökuls hefur nú runnið þvert
yfir gönguleiðina um Fimmvörðu-
háls, og ofan í Hrunagil, segir
Broddi Hilmarsson, skálavörður
Ferðafélags Íslands.
„Hraunið er farið að renna ofan
í Hrunagil austan við Morinsheiði,
og yfir gönguleiðina um Fimm-
vörðuháls þar sem farið er niður
Bröttufönn, að Heljarkambi,“
segir Broddi.
Bæði Ferðafélag Íslands og Úti-
vist eiga skála á gönguleiðinni, en
hraunrennsli var í gær ekki talið
ógna þeim.
Viðmælendur Fréttablaðsins
eru sammála um að verði gosið
skammvinnt megi búast við
miklum straumi ferðamanna um
Fimmvörðuháls í sumar.
„Ef þetta verður stutt túrista-
gos verður gönguleiðin bara löguð
að hraunrennslinu og fær meira
aðdráttarafl, gæti ég trúað,“ segir
Broddi.
Hraun rennur yfir vinsæla gönguleið
Gönguleiðin um Fimmvörðuháls
■ Fimmvörðuháls er svæðið milli Eyjafjalla-
jökuls og Mýrdalsjökuls. Gönguleiðin yfir
hálsinn liggur frá Skógum í suðri yfir í Bása í
Þórsmörk í norðri.
■ Leiðin er um 22 kílómetra löng, og hækkunin
um 1.000 metrar. Gangan tekur gjarnan um
eða yfir 10 klukkustundir.
■ Á leiðinni eru tveir skálar. Baldvinsskáli er í
eigu Ferðafélags Íslands og Fimmvörðuskáli í
eigu Útivistar.
■ Meirihluti þeirra sem fara um Fimmvörðu-
háls gengur leiðina á einum degi. Um
þriðjungur gistir í skála Útivistar á leiðinni og
gengur á tveimur dögum.
■ Göngumenn verða að búa sig vel þar sem
allra veðra er von á Fimmvörðuhálsi. Í maí
1970 urðu þrír göngumenn úti á hálsinum
þegar stórhríð og ofsarok brast á.
■ Myndast hefur hefð fyrir því að ganga
Fimmvörðuhálsinn á Jónsmessunótt og hefur
ferðafélagið Útivist staðið fyrir þeim göngum.
Þær hafa verið afar fjölmennar undanfarin og
mörg hundruð manns gengið hálsinn í þeim
ferðum.
HRAUNIÐ RENNUR Í HRUNAGIL Á myndinni sést hvernig hraunið rennur niður í Hrunagil. Horft er til suðvesturs á myndinni, til vinstri er Hrunajökull og hægra megin á mynd-
inni er Brattafönn. Gönguleiðin um Fimmvörðuháls liggur um Bröttufönn, hér um bil þar sem svarta línan er. Miðsker er rétt ofan og vinstra megin við eldgosið.
Skúli tekur undir þetta: „Ef
gosið hættir fljótlega kæmi ekki á
óvart ef það yrði talsverð umferð
af fólki þarna uppi í sumar, enda
mörgum sem finnst spennandi að
skoða nýrunnið hraun.“
Hætti gosið ekki verður hins
vegar annað uppi á teningnum.
Síðasta eldgos á þessu svæði stóð
í tvö ár, frá 1821 til 1823, svo
ómögulegt er að segja til um hvort
hægt verður að ganga í nágrenni
þess í sumar.
„Eins og sprungan liggur
virðist engin góð leið framhjá gos-
svæðinu,“ segir Skúli. Fari svo að
gosið malli áfram án stórkostlegra
átaka megi því frekar búast við
að fólk gangi áleiðis upp á Fimm-
vörðuháls, að eldstöðinni, en snúi
svo við og fari sömu leið til baka.
Haldi eldgosið áfram fram á
sumar má búast við að það geti
haft áhrif á ferðir fólks til Þórs-
merkur. Ferðir hafa raunar
verið bókaðar í skála á svæðinu
um næstu helgi, og eru nú í upp-
námi. Þá fer yfirleitt talsverð-
ur fjöldi ferðamanna í Þórsmörk
um páskana, en eldgosið gæti
sett strik í reikninginn með þau
ferðalög, segir Skúli.
Ekki er víst að áframhaldandi
átakalítið gos komi í veg fyrir
ferðalög í Þórsmörk í sumar, segir
Steinunn Jakobsdóttir, jarðeðlis-
fræðingur á Veðurstofu Íslands.
Það verði þó að koma í ljós þegar
líði á gosið enda erfitt að spá fyrir
um framhaldið. Mögulega verði
lítil hætta á ferðum og því vinsælt
að berja gosið augum. Einnig sé
mögulegt að svæðið verði lokað,
það verði í höndum almanna-
varnanefnda. brjann@frettabladid.is
Baldvinsskáli
Fimmvörðuskáli
Aðalfundur svæðisdeildar höfuðborgarsvæðis
Félags íslenskra hjúkrunarfræðinga
verður haldinn fi mmtudaginn 25.mars kl. 18:30-20:30 í húsnæði félagsins að
Suðurlandsbraut 22.
Dagskrá fundarins:
Léttar veitingar
Venjuleg aðalfundarstörf
Fyrirlestur: Ásdís Olsen kynnir hamingjufræði með áherslu á gjörhygli
Þátttöku þarf að skrá fyrir 23. mars á www.hjukrun.is
Meira í leiðinniN1 STÓRVERSLUN BÍLDSHÖFÐA 9
1118 HS029
Mundo Fredrik
• Stillanleg hæð
• Micro fiber
Tilboðsverð
6.990 kr.
Tilvalin
fermingagjöf
SÍMI 440 1000
WWW.N1.IS
Frábæ
rt
verð!
Takm
arkað

magn
!
Heljarkambur
M
or
in
sh
ei
ði
Hr
un
ag
il
Hrunajökull
Brattafönn
M
ý
r
d
a
ls
jö
k
u
ll
E
y
ja
f
ja
ll
a
jö
k
u
ll
Miðsker
1093
Heiðarhorn
Um 3.000 manns ganga
um Fimmvörðuháls á ári
hverju, en hraunrennsli
frá eldgosinu á hálsinum
hefur nú runnið yfir
gönguleiðina. Verði
gosið skammvinnt er
búist við miklum fjölda
göngufólks til að skoða
gosstöðvarnar í sumar.
BÁSAR
FR
ÉT
TA
B
LA
Ð
IÐ
/V
A
LL
I
F i m m v ö r ð u h á l s