Fréttablaðið - 23.03.2010, Blaðsíða 37

ÞRIÐJUDAGUR 23. mars 2010
Á morgun kl. 20.00 fer kammer-
tónleikaröð Félags íslenskra tón-
listarmanna í samvinnu við Nor-
ræna húsið af stað öðru sinni.
Flytjendur á þessum fyrstu tón-
leikum starfsársins verða ítölsku
tónlistarmennirnir Natalia Bene-
detti klarínettuleikari og Sebasti-
ano Brusco píanóleikari. Þau munu
flytja efnisskrá með vinsælum
meistaraverkum fyrir klarínett og
píanó eftir evrópsk og bandarísk
tónskáld: Fantasíur op. 73 eftir
Robert Schumann. Sónötur eftir
Francis Poulenc, Camille Saint-
Saëns og Leonard Bernstein. Þau
fluttu þessa dagskrá í gær norður
á Akureyri við góðar undirtekt-
ir. Sebastiano Brusco og Natal-
ia Benedetti hafa starfað saman
um nokkurt skeið á alþjóðlegum
vettvangi.
Sebastiano Brusco er virtur
píanóleikari í heimalandi sínu og
kemur reglulega fram á tónleikum
víða um heim. Hann hefur unnið til
alþjóðlegra verðlauna, komið fram
sem einleikari með hljómsveitum,
til dæmis Sinfóníuhljómsveitinni í
Mílanó og I Solisti Veneti. Sebasti-
ano hefur frumflutt verk eftir
Milhaud, Gould, Tossati og fleiri.
Hann er meðlimur Bernini-kvart-
ettsins í Róm og vinnur náið með
rússneska fiðluleikaranum Vadim
Brodsky. Sebastiano er listrænn
stjórnandi tónleikaraðarinnar
Concerti nella Sagrestia del Bor-
romini í Róm en þar hafa íslensk-
ir listamenn komið fram nokkrum
sinnum á síðustu misserum.
Natalia Benedetti hefur unnið til
fjölda verðlauna fyrir leik sinn í
heimalandi sínu en hún lauk námi í
klarínettuleik með hæstu einkunn
árið 2005 frá Tónlistarháskólanum
í Perugia. Henni hefur verið boðið
að koma fram á tónlistarhátíðum
svo sem Feneyjatvíæringnum,
Spoleto og Edinborgarhátíðinni.
Á Elliot Carter-hátíðinni í Feneyj-
um 2008 lék hún meðal annars með
Ursulu og Heinz Holliger. Natalia
er listrænn stjórnandi tónlistar-
hátíðarinnar í Bevagna.
Aðgangseyri á tónleikana er
stillt í hóf og er sérstaklega hvatt
til aðsóknar ungs fólks með því
að veita öllum undir 21 árs aldri
ókeypis aðgang að tónleikun-
um. Klassík í Vatnsmýrinni er
tónleikaröð Félags íslenskra tón-
listarmanna í samvinnu við Nor-
ræna húsið með áherslu á norrænt
og alþjóðlegt samstarf. Mark-
miðið með tónleikaröðinni er að
gefa áheyrendum tækifæri til að
hlýða á fyrsta flokks innlenda og
erlenda listamenn með áherslu
á „einleikarann“ annars vegar
og „kammertónlist“ hins vegar.
Til ánægjuauka fjalla flytjend-
ur um efnisskrána á tónleikun-
um. Tónleikarnir eru að jafnaði á
miðvikudagskvöldum.
Starfsárið 2010 býður upp á tón-
leika með erlendum einleikurum
í samvinnu við norræn einleikara-
félög, ítalska tónleikahaldara og
með íslensku listafólki úr röðum
félagsmanna. Í ár er innan vébanda
tónleikaraðarinnar haldin norræn
tónlistarhátíð dagana 10.-12. júní í
tilefni af 70 ára afmæli FÍT.
Góðir ítalskir gestir
TÓNLIST Sebastiano Brusco og Natalia Benedetti. FRÉTTABLAÐIÐ/ANTON
Á fimmtudaginn frumsýnir Áhuga-
leikhús atvinnumanna þriðja
örverk sitt um áráttur, kenndir
og kenjar. Verkið sem ber heit-
ið MARS er 10 mínútna hugleið-
ing um líðandi stund og er sýnt
í beinni útsendingu á www.her-
bergi408.is, frá ÚTGERÐ, Hug-
myndahúsi háskólanna, sem er
nýtt gjörningarými við Granda-
garð 16. Sýningin er hluti af tólf
verka röð sem mynda eina heild og
verða sýnd í einu lagi í lok desem-
ber og verður þá eins konar annáll
ársins 2010.
Listamönnum Áhugaleikhúss
atvinnumanna hefur nýverið verið
úthlutað listamannalaunum úr
launasjóði sviðslistamanna vegna
verkefna sinna en nú í vor mun
leikhúsið endurflytja Ódauðlegt
verk um stríð og frið. Verkið er nú
í vinnslu hópsins en Hilmar Örn
Hilmarsson tónskáld hefur lagt
leikhúsinu lið og er í þann mund að
semja tónverk undir leiksýninguna
sem verður sýnd í Hafnarfjarðar-
leikhúsinu í maí en fleiri ódauðleg
verk eru í undirbúningi.
Í tilefni frumsýningar MARS
sem verður í hádeginu kl. 12.30
fimmtudaginn 25. mars, mun
Áhugaleikhús atvinnumanna sýna
fyrsta ársfjórðunginn, JANÚAR,
FEBRÚAR og MARS í samfellu
það sama kvöld kl. 20 og aftur
kl. 21. Leiksýningar Áhugaleik-
húss atvinnumanna flokkast ekki
undir markaðsvöru heldur samtal
og er því ókeypis á alla viðburði
leikhússins.
Örverk um áráttur, kenndir
og kenjar eru öll eftir Steinunni
Knútsdóttur í samvinnu við hópinn
og unnin undir hennar stjórn.
Leikstjóri er Steinunn Knúts-
dóttir. Í JANÚAR leika þær Aðal-
björg Árnadóttir og Ólöf Ingólfs-
dóttir, í FEBRÚAR leika þeir Árni
Pétur Guðjónsson og Hannes Óli
Ágústsson, en í MARS Árni Pétur
Guðjónsson, Kristjana Skúladótt-
ir og Sveinn Ólafur Gunnarsson.
Myndvinnsla og útsendingar er í
höndum Hákonar Más Oddssonar
og nema Borgarholtsskóla. - pbb
Vara eða samtal
LEIKLIST Hannes Óli og Árni Pétur.
MYND ÁA
Jakob Jakobsson gengur með
gestum um sýningu sína,
GENGIÐ AÐ VERKI, á morg-
un kl. 12.10 í Ljósmyndasafni
Reykjavíkur.
Jakob Jakobsson hefur
tekið ljósmyndir í hálfa öld.
Helstu viðfangsefni hans
hafa verið portrettmyndir,
landslagsmyndir og myndir
af fólki við byggingarstörf.
Sýningin Gengið að verki, sem
var opnuð í Ljósmyndasafni
Reykjavíkur í janúar, fjallar
einmitt um það síðastnefnda;
svarthvítar myndir af bygg-
ingarstöðum og er lögð sér-
stök áhersla á myndir teknar
á Íslandi á árunum 1955 til
1970. Ljósmyndirnar hafa
ekki einungis mikið sögulegt
gildi heldur eru teknar með
næmu auga ljósmyndarans
Jakobs sem vegna ævistarfs
síns sem byggingatæknifræð-
ingur hefur tekið þátt í mörg-
um stórum byggingafram-
kvæmdum og eru þar helstar
Búrfellsvirkjun og Findhorn-
brúin í skosku hálöndunum.
Byggingar-
svæði
LJÓSMYNDIR Matseljur fylgjast með
opnun skurðar. Búrfellsvirkjun, 1969.
MYND JAKOB JAKOBSSON/LJÓSMYNDASAFNIÐ
UNESCO og menningararfurinn
MÁLÞING
25. mars 2010 kl. 13–16
Þjóðminjasafn Íslands – fyrirlestrarsalur
Hvað getur UNESCO gert fyrir
íslenskan menningararf?
Ávarp
Katrín Jakobsdóttir, mennta- og menningarmálaráðherra
Hvað gerir UNESCO?
Guðný Helgadóttir, formaður íslensku UNESCO-nefndarinnar
Hugsjónir og elja UNESCO
Vigdís Finnbogadóttir, fyrrverandi forseti Íslands og
velgjörðarsendiherra UNESCO á sviði tungumála
UNESCO og Ísland
Dr. Sveinn Einarsson, leikstjóri og fyrrverandi fulltrúi Íslands
í stjórn UNESCO
Heimsminjaskrá – blessun eða basl?
Ragnheiður H. Þórarinsdóttir, sérfræðingur í mennta- og
menningarmálaráðuneytinu
Glöggt er gestsaugað
Handritasafn Árna Magnússonar á varðveisluskrá UNESCO
Dr. Guðrún Nordal, forstöðumaður Stofnunar Árna Magnússonar
í íslenskum fræðum
Lifandi menningararfur, sáttmálar og skrár
Dr. Valdimar Tryggvi Hafstein, dósent í þjóðfræði við
Háskóla Íslands
Umræður