Fréttablaðið - 06.04.2010, Blaðsíða 2
2 6. apríl 2010 ÞRIÐJUDAGUR
Jón Böðv-
arsson cand.
mag. lést á
sunnudag á
Landspítal-
anum. Jón
fæddist 2.
maí 1930
og hefði því
orðið áttræð-
ur í byrjun næsta mánaðar.
Hann varð stúdent frá MR
árið 1951 og lauk cand.mag.-
prófi frá Háskóla Íslands árið
1964. Jón starfaði sem kenn-
ari lengstan sinn starfsaldur
og varð fyrsti skólameistari
Fjölbrautaskóla Suðurnesja.
Jón var mörgum að góðu kunn-
ur vegna kennslustarfa sinna,
en ekki síður fyrirlestra um
Íslendingasögur sem hann hélt
hjá Endurmenntunarstofnun
Háskóla Íslands við miklar
vinsældir. Jón hlaut heiðurs-
verðlaun Samfélagsverðlauna
Fréttablaðsins í síðasta mán-
uði. Jón lætur eftir sig eigin-
konu, þrjú börn og stjúpson.
Jón Böðvarsson
lést á sunnudag
Jón Þór, var þetta öfugur
útsaumur?
„Ja, hann var að minnsta kosti ekki
á röngunni.“
Jón Þór Þorleifsson er félagi í íþrótta-
félaginu Styrmi sem hélt páskamarkað
á Barböru á laugardag. Þar var meðal
annars seldur útsaumur með áletruninni
Guð lessi Ísland eftir þær Hildi Hafsteins-
dóttur og Írisi Ellenberger. Útsaumurinn
seldist upp.
FJÖLMIÐLAR Skopmyndir Halldórs
Baldurssonar hefja göngu sína í
Fréttablaðinu í dag. Myndir Hall-
dórs munu birtast í blaðinu alla
virka daga, en skopmyndir Gunn-
ars Karlssonar munu áfram birt-
ast í helgarútgáfu blaðsins.
Halldór hefur teiknað skop-
myndir í fjölmiðla frá árinu 1984;
á Viðskiptablaðinu, Blaðinu, 24
stundum og síðast Morgunblaðinu.
- þeb / sjá síðu 12
Skopmyndir í Fréttablaðinu:
Halldór hefur
göngu sína
HALLDÓR BALDURSSON Skopmyndir
Halldórs munu framvegis birtast í Frétta-
blaðinu alla virka daga.
BRETLAND, AP Gordon Brown, for-
sætisráðherra Bretlands, geng-
ur væntanlega á fund Elísabetar
drottningar í
dag til að leysa
upp þingið svo
hægt verði að
boða til kosn-
inga.
Reiknað er
með að kosn-
ingarnar verði
haldnar 6. maí.
Íhaldsflokk-
urinn, undir forystu Davids
Camerons, hafa lengi mælst með
mikið forskot á Verkamannaflokk
Browns í skoðanakönnunum, en
munurinn hefur minnkað hratt
upp á síðkastið og er kominn
niður í tíu prósent. - gb
Brown leysir upp þing í dag:
Íhaldsmenn að
missa forskotið
DAVID CAMERON
DÓMSMÁL Stefnt er að því að ljúka
rannsóknum á fyrstu málum
embættis sérstaks saksóknara í
apríl. Þá verða teknar ákvarðanir
um ákærur í lok mánaðarins.
Ólafur Þ. Hauksson, sérstak-
ur saksóknari, segir rannsókn
mála á borði hans komin misjafn-
lega langt á veg, en segist ekki
geta sagt til um það hvaða mál
séu komin lengst. „Við stefnum að
því að ljúka einhverjum málum
í þessum mánuði en það er með
öllum þeim fyrirvörum sem
mögulegt er í því.“ - þeb
Ólafur Þ. Hauksson:
Ákvörðun um
ákærur í apríl
STJÓRNSÝSLA „Hér með tilkynnist
þér að ráðgert er að áminna þig
fyrir brot á almennum starfskyld-
um ríkisstarfsmanna …“ Þannig
hefst bréf sem Álfheiður Inga-
dóttir heilbrigðisráðherra sendi
Steingrími Ara Arasyni, forstjóra
Sjúkratrygginga Íslands, í síðustu
viku. Ástæðan
er erindi Stein-
gríms til Ríkis-
endurskoðunar,
án vitundar ráð-
herrans.
Erindið sneri
að reglugerð
um þátttöku
sjúkratrygginga
í nauðsynlegum
tannlækninga-
og tannréttinda-
kostnaði vegna
alvarlegra fæð-
ingargalla, sjúk-
dóma eða slysa.
Á fundi fjárlaga-
nefndar Alþing-
is kom fram að
forstjórinn hafði
leitað til Ríkis-
endurskoðunar.
Þar spurði hann
eftir því hvort ríkisendurskoðandi
væri sammála því að útfæra þyrfti
nánar fjárhagsleg skilyrði sem
uppfylla þyrfti, áður en til endur-
greiðslu kæmi.
Steingrímur Ari segir tilkynn-
inguna hafa komið sér mjög á
óvart. Hann hafi verið að vinna að
útfærslu reglugerðarinnar og í því
skyni leitað til Ríkisendurskoðunar
til að vanda til verka. „Ég var ekki
að gagnrýna reglugerðina, heldur
að kalla eftir leiðbeiningum um
hvernig á að útfæra hana.“
Hann segir reglugerð-
ina vera fordæmalausa
og því vandasamt verk að
útfæra hana. „Almenna
reglan er sú, eins og þeir
vita sem hafa kynnt sér
lögin um sjúkratrygg-
ingar, að annaðhvort eru
til staðar samningar við
þjónustuveitendur þeirrar
þjónustu sem fellur undir
sjúkratryggingarnar, eða,
í undantekningartilvikum
ef það er ekki samning-
ur, þá skuli tryggja end-
urgreiðslur á gjaldskrá
sem stofnunin hefur gefið
út. Hvorugt er til staðar í
þessu tilviki.“
Álfheiður vildi ekki tjá sig um
málið þegar eftir því var leitað. „Ég
ætla ekki að reka málið í
fjölmiðlum og það er í
stjórnsýslulegri meðferð.
Andmælaréttur er til 13.
apríl og í framhaldi af því
verður tekin ákvörðun
um hvað gert verður.“
Fyrir áramót var sett
reglugerð um endur-
greiðslu vegna tann-
lækninga almennt. Tann-
réttingafræðingar hafa
verið ósáttir við hana og
hún ekki komið til fram-
kvæmda. Reglugerðin í
mars skerpti á alvarleg-
um tilvikum. Steingrím-
ur Ari segir að ekki hafi
verið greitt vegna neinna
nýrra tilvika frá því fyrir áramót.
kolbeinn@frettabladid.is
Segir reglugerðina
vera fordæmalausa
Heilbrigðisráðherra tilkynnti forstjóra Sjúkratrygginga Íslands um fyrirhugaða
áminningu. Forstjórinn ráðfærði sig við Ríkisendurskoðun um útfærslu reglu-
gerðar. Segir það ekki snúa að innihaldi heldur útfærslu sem sé fordæmalaus.
ÁLFHEIÐUR
INGADÓTTIR
STEINGRÍMUR
ARI ARASON
TANNLÆKNIR Ekki hefur verið endurgreitt vegna nýrra tilvika frá því fyrir áramót.
Reglugerðin frá því í mars átti að skerpa á alvarlegum tilfellum, vegna fæðingargalla,
sjúkdóma eða slysa. FRÉTTABLAÐIÐ/VILHELM
Ég var ekki
að gagnrýna
reglugerðina,
heldur að
kalla eftir leið-
beiningum.
STEINGRÍMUR
ARI ARASON
FORSTJÓRI
SJÚKRATRYGGINGA
ÍSLANDS
SAMGÖNGUR Nefnd fjögurra stjórnmálaflokka
hefur velt upp þeim möguleika að setja vegtolla
á þrjár stofnleiðir inn í höfuðborgina. Engar
ákvarðanir hafa verið teknar.
Árni Þór Sigurðsson, þingmaður Vinstri
grænna, situr í nefndinni. Hann segir vel koma til
greina að breyta tekjuöflun í samgöngumálum og
notendagjöld komi að einhverju leyti í stað bens-
ín- og olíugjalda. Þeir vegtollar rynnu í samgöng-
ur á höfuðborgarsvæðinu, mannvirki og almenn-
ingssamgöngur.
Höskuldur Þórhallsson, þingmaður Framsókn-
arflokksins, sagði í samtali við Vísi í gær að um
landsbyggðarskatt yrði að ræða. Þessu er Árni
Þór algjörlega ósammála. „Auðvitað fara Reyk-
víkingar líka út fyrir borgarmörkin og þetta er
ekki sérstakur landsbyggðarskattur.
Árni segir að í framtíðinni gæti kerfið orðið
þannig að bensín- og olíugjöld hyrfu alveg.
Umferð bíla yrði mæld með gps-kubbum og rukk-
að mismunandi eftir álagstímum og þungum
gatnamótum, þannig myndi umferðin dreifast.
„Þetta gæti því frekar lagst þyngra á þéttbýlis-
búa, þar sem umferðin er meiri, en dreifbýlis-
búa.“
Starfshópurinn sem um ræðir er óformlegur,
en var skipaður af samgönguráðherra, Kristjáni
Möller, í febrúar. Hans er að fara yfir hugmyndir
að veggjöldum. - kóp
Engar ákvarðanir verið teknar með álagningu vegtolla við höfuðborgina:
Vegtollar lækki bensíngjald
MORGUNUMFERÐ Árni Þór vonast til að í framtíðinni muni
mismunandi veggjald eftir álagstímum minnka umferðartepp-
ur. FRÉTTABLAÐIÐ/GVA
STJÓRNMÁL Ekki hefur verið
ákveðið hvenær frekari stjórn-
arráðsbreytingar munu eiga sér
stað eða hve lengi utanþingsráð-
herrar verði í ríkisstjórninni, að
sögn Steingríms J. Sigfússonar
fjármálaráðherra.
„Hins vegar hefur alltaf legið
í loftinu að það er verið að vinna
að þessum stjórnarráðsbreyting-
um, án þess að einstakir áfangar
hafi verið ákveðnir eða tímasett-
ir,“ segir Steingrímur.
Utanþingsráðherrarnir Ragna
Árnadóttir og Gylfi Magnússon
mældust vinsælust í nýjum þjóð-
arpúlsi Gallup, sem greint var
frá í gær. - þeb
Breytingar á ráðherraskipan:
Tímasetning
ekki ákveðin
HEILBRIGÐISMÁL Samkomulag hefur
náðst í deilu á milli almennra lækna
á Landspítalanum og spítalans. Þeir
65 unglæknar sem lögðu niður störf
1. apríl síðastliðinn sneru því aftur
til vinnu í gærkvöldi og í morgun.
Læknarnir voru ósáttir við nýtt
vaktaskipulag sem tók gildi um
síðustu mánaðamót. Þeir sögðu
það fela í sér aukið vinnuálag án
þess að kjör þeirra bættust. Alls
65 læknar lögðu því niður störf um
mánaðamótin og hafa sérfræðingar
og læknar á bakvakt sinnt störfum
þeirra yfir helgina, á meðan bráða-
þjónustu var aðeins sinnt.
Samkomulagið sem skrifað var
undir í gær milli læknanna og
stjórnar spítalans felur í sér að
reynt verði að finna sameiginlega
lausn á deilunni. Breytingum á
vaktakerfinu hefur nú verið frestað
og skipaður verður starfshópur
sem mun vinna að nýju vaktakerfi.
Þeirri vinnu á að ljúka í síðasta lagi
1. september. - þeb
Samkomulag náðist í deilu unglækna og Landspítalans:
Læknar snúa aftur til starfa
LANDSPÍTALINN Í FOSSVOGI Sátt náðist í
deilu unglækna og spítalans í gærkvöldi.
Stefnt er að því að gera nýtt vaktakerfi
fyrir haustið.
FRÉTTABLAÐIÐ/GVA
SPURNING DAGSINS