Fréttablaðið - 06.04.2010, Blaðsíða 40

20 6. apríl 2010 ÞRIÐJUDAGUR
sport@frettabladid.is
IE-deild karla:
KR-Snæfell 84-102
KR: Finnur Atli Magnússon 20, Morgan Lewis
15, Jón Orri Kristjánsson 13/5 fráköst/3 varin
skot, Brynjar Þór Björnsson 11/5 fráköst/6
stoðsendingar, Pavel Ermolinskij 9/9 fráköst/8
stoðsendingar, Fannar Ólafsson 8/5 fráköst,
Tommy Johnson 8/6 fráköst.
Snæfell: Martins Berkis 21, Sigurður Á. Þorvalds-
son 20, Hlynur Bæringsson 19/14 fráköst, Jón
Ólafur Jónsson 15/7 fráköst, Sean Burton 12/4
fráköst/7 stoðsendingar, Páll Fannar Helgason
5, Pálmi Freyr Sigurgeirsson 4/5 stoðsendingar,
Sveinn Arnar Davíðsson 2, Egill Egilsson 2, Emil
Þór Jóhannsson 2.
Keflavík-Njarðvík 89-78
Keflavík: Draelon Burns 26/5 fráköst, Hörður Axel
Vilhjálmsson 21/7 fráköst/7 stoðsendingar/6
stolnir, Gunnar Einarsson 15, Sigurður Gunnar
Þorsteinsson 11/9 fráköst, Uruele Igbavboa 10/7
fráköst, Þröstur Leó Jóhannsson 2, Jón Nordal
Hafsteinsson 2, Sverrir Þór Sverrisson 2.
Njarðvík: Nick Bradford 27/5 fráköst, Jóhann Árni
Ólafsson 15/8 fráköst, Magnús Þór Gunnarsson
11/7 fráköst, Guðmundur Jónsson 8, Friðrik E.
Stefánsson 5/8 fráköst, Rúnar Ingi Erlingsson
4, Páll Kristinsson 4/6 fráköst, Kristján Rúnar
Sigurðsson 2, Egill Jónasson 2.
N1-deild karla:
Grótta-Fram 22-26
Mörk Gróttu (skot): Anton Rúnarsson 7/3 (14/4),
Hjalti Þór Pálmason 5/1 (11/1), Viggó Kristjáns-
son 3 (6), Jón Karl Björnsson 2/0 (3/1), Atli
Rúnar Steinþórsson 2 (2), Heiðar Þór Aðalsteins-
son 1 (3), Ægir Hrafn Jónsson 1 (1), Matthías Árni
Ingimarsson 1 (2), Arnar Freyr Theodórsson 0 (1)
Varin skot: Gísli Guðmundsson 18
Hraðaupphlaup: 4 (Viggó 2, Anton, Ægir)
Fiskuð víti: 6 (Hjalti 2, Jón Karl, Matthías. Ægir,
Anton)
Utan vallar: 8 mín.
Mörk Fram (skot): Einar Rafn Eiðsson 6/3
(10/3), Andri Berg Haraldsson 6 (10), Haraldur
Þorvarðarson 4 (8), Stefán Stefánsson 3 (4),
Róbert Aron Hostert 3 (6), Guðjón Drengsson 2
(2), Halldór Jóhann Sigfússon 2 (3), Daníel Berg
Gretarsson 0 (2).
Varin skot: Magnús Gunnar Erlendsson 27/1,
Sigurður Örn Arnarson 1/1
Hraðaupphlaup: 3 (Andri, Stefán, Guðjón)
Fiskuð víti: 3 (Einar, Haraldur, Guðjón)
Utan vallar: 14 mín.
Akureyri-HK 22-24
Mörk Akureyrar (skot): Oddur Grétarsson 9/4
(14), Árni Þór Sigtryggsson 5 (16), Guðmundur
H. Helgason 3 (8), Halldór Logi Árnason 2 (2),
Guðlaugur Arnarsson 2 (2), Jónatan Magnússon
1 (4).
Varin skot: Hörður Flóki Ólafsson 17 (44) 41%.
Hraðaupphlaup: 5 (Guðmundur 2, Guðlaugur
2, Oddur).
Fiskuð víti: 4 (Árni, Oddur, Hreinn, Andri).
Utan vallar: 4 mín.
Mörk HK (skot): Atli Ævar Ingólfsson 7 (9), Bjarki
Már Gunnarsson 6 (10), Bjarki Már Elísson 3/2
(4), Valdimar Þórsson 3 (10), Ragnar Hjaltested
2 (4), Sverrir Hermannsson 2 (12), Hákon Her-
mannsson Bridde 1 (1).
Varin skot: Sveinbjörn Pétursson 26 (48) 54%
Hraðaupphlaup: 1 (Ragnar).
Fiskuð víti: 2 (Valdimar, Atli).
FH-Valur 20-25
Mörk FH: Bjarni Fritzson 6, Ólafur Guðmundsson
5, Jón Heiðar Gunnarsson 3, Ólafur Gústafsson
2, Sigurgeir Árni Ægisson 1, Örn Ingi Bjarkason 1,
Ásbjörn Friðriksson 1, Benedikt Kristinsson 1.
Mörk Vals: Arnór Þór Gunnarsson 7, Elvar Friðriks-
son 6, Fannar Friðgeirsson 5, Sigurður Eggertsson
3, Baldvin Þorsteinsson 2, Ingvar Árnason 1,
Sigfús Páll Sigfússon 1.
Haukar-Stjarnan 35-23
Mörk Hauka: Sigurbergur Sveinsson 7, Einar
Örn Jónsson 6, Þórður Guðmundsson 6, Freyr
Brynjarsson 5, Björgvin Hólmgeirsson 4, Tjörvi
Þorgeirsson 1, Heimir Óli Heimisson 1, Gísli Jón
Þórisson 1, Guðmundur Árni Ólafsson 1.
Mörk Stjörnunnar: Vilhjálmur Halldórsson
4, Tandri Konráðsson 3, Daníel Einarsson 3,
Guðmundur Guðmundsson 3, Jón Arnar Jónsson
2, Sigurður Torfi Helgason 2, Björn Friðriksson 2,
Daníel Hansson 2, Eyþór Magnússon 1, Sverrir
Eyjólfsson 1.
STAÐAN:
Haukar 20 14 2 4 518-480 30
Valur 20 11 3 6 493-464 25
HK 20 11 2 7 535-513 24
Akureyri 20 10 2 8 533-509 22
FH 20 10 1 9 552-537 21
Grótta 20 7 0 13 503-533 14
Fram 20 6 1 13 529-557 13
Stjarnan 20 5 1 14 475-545 11
> Margrét Lára skoraði í fyrsta leik
Tímabilið í sænsku kvennadeildinni hófst í gær. Margrét
Lára Viðarsdóttir skoraði eitt marka
Kristianstad í 3-2 sigri liðsins á
Sunnanå. Þóra B. Helgadóttir stóð í
marki Malmö sem lagði Hammarby,
1-0. Edda Garðarsdóttir var í liði
Örebro sem vann öruggan sigur
á AIK, 4-1. Ólína G. Viðarsdóttir
gat ekki leikið með Örebro vegna
meiðsla. Guðbjörg Gunnarsdóttir stóð
síðan í marki Djurgarden sem tapaði fyrir
Tyresö, 2-0.
HK tryggði sig inn í úrslitakeppni N1-deildar karla í handbolta í gær
með 22-24 útisigri á Akureyri. Sveinbjörn Pétursson varði 68% skota
sem fóru á markið frá Akureyri í fyrri hálfleik og lagði grunn-
inn að sigrinum. „Það er ekkert skemmtilegra en að koma
hingað aftur og spila – og vinna,“ sagði Sveinbjörn sem er
frá Akureyri. „Ég virðist alltaf finna mig vel hérna.“
Miðað við markvörslu hans, og góða vörn HK, hefði liðið
átt að leiða með meira en fjórum mörkum í hálfleik þegar
staðan var 9-13. Akureyri jafnaði leikinn í 20-20 þegar átta
mínútur voru eftir en þeir náðu aldrei að komast yfir. HK var
skrefinu á undan og eftir æsispennandi lokamínútur
innbyrti það tveggja marka sigur.
Eftir að hafa talað við Akureyringa eftir leikinn er
nokkuð ljóst að sjálfstraustið í liðinu er lítið. Liðið
þarf að vinna Hauka í lokaumferðinni, á útivelli,
að treysta á HK-sigur gegn FH til að komast í
úrslitakeppnina. „Við byrjuðum skelfilega og komumst aldrei inn í
leikinn. Við vorum sjálfum okkur verstir. Við erum ekki líklegir til að
komast áfram eins og staðan er í dag. Það er stutt í næsta leik og
við þurfum að gera eitthvað óvænt til að komast áfram,“ sagði
þjálfarinn Rúnar Sigtryggsson.
Kollegi hans hjá HK, Gunnar Magnússon, var stoltur eftir leik-
inn. „Við leystum varnarleikinn okkar vel og við fórum þetta á
klókindunum og smá reynslu. Vörn og markvarsla var frábær og
sóknarleikurinn mjög agaður. Páskarnir voru erfiðir, það var mikið
um veikindi og meiðsli og við gátum varla æft. Það er mik-
ill léttir að vera kominn í úrslitakeppnina. Ég er búinn
að vera fjögur ár hjá HK og að koma þessu liði í
úrslitakeppnina er mikið afrek. Ég er mjög stoltur af
þessu,“ sagði Gunnar sem hljóp í því út á flugvöll
þar sem liðið fagnaði sigri alla leið í Kópavoginn.
- hþh
N1-DEILD KARLA: HK SPILAR Í ÚRSLITAKEPPNINNI EFTIR SIGUR Á AKUREYRI Í GÆR
Mikið afrek að koma þessu liði í úrslitakeppnina
HANDBOLTI „Liðið mætti gríðarlega
vel undirbúið í þennan leik. Þvílík
barátta frá fyrstu mínútu í vörn-
inni,“ sagði Magnús Erlendsson
sem varði 27 skot í marki Fram
þegar liðið vann ansi mikilvægan
sigur á Seltjarnarnesi í gær.
„Við vorum gríðarlega tilbúnir.
Við vorum aðeins ryðgaðir sókn-
arlega en Grótta spilaði bara fant-
avörn. Þetta var frábær leikur,
við vorum bara ákveðnari,“ sagði
Magnús sem hefur leikið sérlega
vel eftir áramót.
„Ég skeit á mig í síðasta leik og
vildi ekki eiga tvo slaka leiki í röð
svo ég kom vel undirbúinn í dag.“
Einar Jónsson, þjálfari Fram,
var að vonum ánægður með sitt
lið. „Ef við værum búnir að spila
svona vörn í allan vetur þyrftum
við ekki að hafa áhyggjur af neinu.
Þeir áttu engin svör við okkur,
sama hvort við vorum fimm eða
sex í vörninni. Þetta var frábært,“
sagði Einar sem hrósaði markverði
sínum að sjálfsögðu í hástert.
Framarar voru betri allan leik-
inn í gær og voru tilbúnari í verk-
efnið. Liðið er nú í næstneðsta sæti
fyrir lokaumferðina með þrettán
stig, einu stigi minna en Grótta en
tveimur stigum á undan Stjörn-
unni. Fram mætir Stjörnunni
á fimmtudagskvöld í algjörum
úrslitaleik.
„Liðið sem vinnur kemst pott-
þétt í umspil og ef það verða hag-
stæð úrslit í leik Gróttu og Vals
tryggir það sér sæti. Þetta er því
allt eða ekkert leikur fyrir bæði
lið,“ sagði Einar.
Geir Sveinsson, þjálfari Gróttu,
segir að nánast allt hafi farið
úrskeiðis hjá sínu liði. „Við vorum
bara mjög lélegir. Framarar spil-
uðu vel en þetta er samt enn í
okkar höndum. Við erum enn í
sjötta sæti og næsta markmið er
að halda því. Við eigum Val á Hlíð-
arenda á fimmtudag og verðum að
ná í stig,“ sagði Geir.
Sóknarleikur Gróttu í gær virk-
aði tilviljanakenndur gegn öflugri
vörn Framliðsins. Safamýrarlið-
ið var mun beittara í öllum sínum
aðgerðum og vann flottan og verð-
skuldaðan sigur. - egm
Magnús Erlendsson átti stórleik í marki Fram þegar liðið vann Gróttu í fallbaráttuslag 26-22 á Nesinu:
Grótta átti engin svör gegn vörn Fram
HARKA Það var ekkert gefið eftir á Nesinu. FRÉTTABLAÐIÐ/DANÍEL
KÖRFUBOLTI Snæfell sýndi allar
sínar bestu hliðar er liðið kom í
heimsókn í Vesturbæinn í gær og
vann sætan útisigur. Snæfell er
þar með komið með 1-0 forystu í
rimmunni en vinna þarf þrjá leiki
til þess að komast í sjálfa úrslita-
rimmuna. Liðsheildin vann leik-
inn fyrir Snæfell. Þeir áttu svör
við öllu sem KR gerði og rúmlega
það.
„Mér fannst við vera betri í
kvöld og það gekk nánast allt upp
sem við ætluðum okkur,“ sagði
sigurreifur Snæfellingur, Hlynur
Bæringsson, eftir leikinn en hann
átti enn einn stórleikinn fyrir Snæ-
fell í gær.
„Það hefur verið orðrómur yfir
landinu að Pavel geti ekki skot-
ið en hann vann okkur um dag-
inn með skotum fyrir utan. Við
ákváðum að setja pressu á hann
og ekki gefa honum eitt né neitt.
Leyfa honum að fá lítinn tíma og
frið með boltann í höndunum enda
er hann sterkastur þar. Er hávax-
inn og sér yfir allt. Það gekk mjög
vel upp.“
Það var rétt í fyrsta leikhluta
sem KR hafði eitthvað í Snæ-
fell að gera. Eftir það áttu gest-
irnir leikinn. „Mér fannst við ná
að sprengja þá vel upp. Þeir eru
með mikla athygli á Sean og halda
honum niðri. Það er samt fórnar-
kostnaður í því og aðrir nýttu sér
það vel. Svo fengum við frábær-
ar mínútur frá strákum sem hafa
verið að spila minna í vetur,“ sagði
Hlynur og hafði lög að mæla.
Fjöldi leikmanna Snæfells lagði
lóð sín á vogarskálarnar í gær á
báðum endum vallarins. Frábær
liðsheild og samvinna hjá Snæfelli.
Þeir héldu öllum leikmönnum KR
nema Finni Atla og Jóni Orra niðri
og Pavel lenti ítrekað í vandræðum
og tapaði boltanum æði oft.
„Við erum ekkert að missa okkur
þó svo við höfum unnið fyrsta leik-
inn. Við höfum áður komist yfir á
móti KR en tapað. Við gleymum
því ekki. Þetta var samt það sem
þurfti.“
Páll Kolbeinsson, þjálfari KR,
var að vonum ekki sáttur eftir
leikinn.
„Við hentum þessu frá okkur í
þriðja leikhluta er við lendum 15
stigum undir. Varnarleikurinn í
seinni hálfleik var alveg ömurleg-
ur,“ sagði Páll en hann fékk lítið
framlag frá Brynjari sem hefur
ekkert getað í úrslitakeppninni.
Hann er þó ekki búinn að vera eins
slakur og Tommy Johnson sem átti
enn og aftur ömurlegan leik. Hitti
ekkert, tók vond skot og er skelfi-
legur liðsmaður sem gefur ekki
boltann og virðist á stundum halda
að hann sé einn í liði.
„Hann var búinn að lofa mér því
að standa sig vel í úrslitakeppninni
en er engan veginn að gera það.
Hann stóð ekki við stóru orðin sín
og ég þarf að hugsa betur hvernig
ég nota hann í næsta leik.“
henry@frettabladid.is
Vopnin slegin úr höndum
Íslandsmeistaranna
Snæfell vann magnaðan og sannfærandi útisigur á KR, 84-102, í fyrsta leik
liðanna í undanúrslitum Iceland Express-deildar karla. Snæfell sterkari á öllum
sviðum og sló öll vopn úr höndum KR-inga sem áttu engin svör við leik þeirra.
LITLI OG STÓRI Það er mikill stærðarmunur á leikstjórnendum KR og Snæfells
– Pavel Ermolinskij og Sean Burton – en Burton hafði betur í gær. FRÉTTABLAÐIÐ/DANÍEL
KÖRFUBOLTI Keflavík er komið í
1-0 í rimmunni við Njarðvík í
undanúrslitum Iceland Express-
deildar karla eftir sigur, 89-78, í
kaflaskiptum leik í Keflavík.
Áhugaverður leikur fyrir
margra sakir og ekki síst að
þarna var mættur fyrrum þjálf-
ari Keflavíkur til margra ára,
Sigurður Ingimundarson, ásamt
fleiri liðsmönnum þeirra blá-
klæddu.
Liðin héldust í hendur í fyrri
hálfleik og aðeins munaði tveim-
ur stigum á liðunum í leikhléi.
Njarðvík var síðan sterkara
í þriðja leikhluta og leiddi með
fjórum stigum eftir hann.
Heimamenn voru síðan miklu
betri í lokaleikhlutanum sem þeir
unnu með yfirburðum, 28-13. Þá
áttu Njarðvíkingar engin svör við
þeirra leik.
Draelon Burns og Hörður Axel
Vilhjálmsson fóru mikinn í liði
Keflavíkur og Gunnar Einarsson
var einnig sterkur.
Nick Bradford, fyrrum leik-
maður Keflavíkur, var sterkastur
í liði Njarðvíkur á sínum gamla
heimavelli en Magnús Þór Gunn-
arsson fann sig ekki eins vel á
parketinu í Keflavík.
Liðin mætast að nýju í Njarð-
vík á fimmtudaginn. - hbg
Iceland Express-deild karla:
Keflavík lagði
granna sína
MAGNAÐUR Burns var sterkur í liði
Keflavíkur í gær. FRÉTTABLAÐIÐ/VILHELM