Fréttablaðið - 20.05.2010, Side 20

20 20. maí 2010 FIMMTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Miklar vonir eru nú bundnar við ferðaþjónustu sem vaxtargrein
í íslensku atvinnulífi. Óhætt er að
fullyrða að orkufyrirtækin leggi þar
sitt af mörkum. Í tengslum við land-
kynningu er þannig gjarnan leitað til
íslenskra orkufyrirtækja og þau fengin
til að setja þar nýtingu endurnýjan-
legrar orku í forgrunn. Dæmi um þetta
er íslenski skálinn á heimssýningunni
í Sjanghæ.
Á síðasta ári heimsóttu yfir 140
þúsund manns íslenskar virkjanir og
upplýsingamiðstöðvar orku- og veitu-
fyrirtækja. Munar þar mest um Hellis-
heiðarvirkjun sem rúmlega 103 manns
heimsóttu, mest erlendir ferðamenn,
en virkjunin er orðinn fastur liður í
reglulegum ferðum nokkurra ferða-
þjónustufyrirtækja að Gullfossi og
Geysi. Orkuveita Reykjavíkur tók einn-
ig á móti um tíu þúsund manns á Nesja-
völlum, sjö þúsund gestir heimsóttu
virkjanir HS Orku á Reykjanesi og um
20 þúsund manns heimsóttu virkjan-
ir og upplýsingamiðstöðvar Lands-
virkjunar víða um land. Græna orkan
trekkir. Önnur orku- og veitufyrirtæki
víðs vegar um land taka einnig á móti
gestum og sum fyrirtækin hafa lagt
verulega fjármuni í gerð göngustíga,
uppgræðslu og kortagerð af svæðum í
nágrenni sinna virkjana, að ógleymdri
aðstöðu sem beinlínis er reist til að
taka á móti gestum. Loks taka þessi
fyrirtæki á móti fjölda gesta í sínum
höfuðstöðvum. Oft er þar ekki um að
ræða ferðamenn í hefðbundnum skiln-
ingi, heldur erlenda gesti úr heimum
vísinda, viðskipta og stjórnmála.
Bláa lónið er hluti af Auðlindagarð-
inum í Svartsengi, afsprengi virkjunar,
en lónið sóttu 420 þúsund manns árið
2009. Perlan er byggð á heitavatns-
tönkum. 600 þúsund manns komu í
Perluna árið 2009. Helstu leiðir ferða-
manna inn á hálendi Íslands eru eftir
vegum sem upphaflega tengjast fram-
kvæmdum við virkjanir og línulagnir.
Þannig mætti áfram telja. Eins og öll
önnur fyrirtæki nýta loks orku- og
veitufyrirtæki þjónustu bílaleigna,
rútubíla, flugfélaga, veitingaaðila
o.s.frv., ekki síst á tímum virkjana-
framkvæmda. Hagsmunir greinanna
fara því vel saman.
Orkan og ferðaþjónustan
Orkumál
Gústaf Adolf
Skúlason
aðstoðarfram-
kvæmdastjóri
Samorku
Dúsa
Það byrjar ekki vel hjá Ólafi F. Rétt
búinn að skila inn framboði þegar
konan í öðru sæti, Bryndís Torfadótt-
ir, vill draga nafn sitt af listanum. Og
gott betur því hún vildi nafn dóttur
sinnar í tíunda sætinu líka af lista.
Lögin gera það hins vegar að verkum
að þær þurfa að dúsa á honum. Þær
eru sem sagt í framboði án þess að
vilja það. Skýringarnar hjá mæðg-
unum eru glórulausar. Þær áttuðu
sig víst allt í einu á að þær hefðu
ekki tíma til að vera í framboði.
Bera við önnum í vinnu og skóla.
Rétt er að geta þess að kosn-
ingabaráttan í borginni hefur
aldrei verið jafn róleg og nú.
Í nafni heiðarleika
Bryndís vitnaði í kjörorð H-listans
um heiðarleika þegar hún upplýsti
kjósendur hans (svo!) um að hvorki
hún né dóttirin munu starfa með
listanum. Í samræmi við
það sama kjörorð hefði
hún betur upplýst
kjósendurna
(svo!) um sann-
leikann í málinu
frekar en að
bjóða upp
á eitthvert
rugl.
Hvað verður um Ólaf?
Gengi Ólafs F. er annars einn af
spennufaktorum kosninganna í
Reykjavík. Nær hann inn eða ekki?
Pólitískum dauða hans hefur verið
spáð oftar en einu sinni og oftar en
tvisvar. Ólafur hefur verið kjörinn í
borgarstjórn fyrir bæði Sjálfstæðis-
flokkinn og Frjálslynda og óháða.
Nú er hann einn og óháður og í
framboði í fjórða sinn. Kannanir
benda ekki til að hann haldi sæti
sínu en hann hefur áður séð
það svart. Sjálfsagt kæmi það
Ólafi meira á óvart að ná ekki
kjöri en að vera kosinn í
borgarstjórn enn á ný.
bjorn@frettabladid.is
Ólafur og Kolbrún
leiða H-lista – framboð
um heiðarleika
Á
fanga var náð í endurreisn íslensks efnahagslífs með
samkomulagi því sem Már Guðmundsson seðlabanka-
sjóri og Yves Mersch, seðlabankastjóri í Lúxemborg,
undirrituðu snemma í gærmorgun. Fram til þessa hefur
Seðlabankinn í Lúxemborg verið stærsti einstaki erlendi
eigandi krónueigna. Samkomulagið léttir þrýstingi af gengi krón-
unnar og eykur líkur á að hér verði hægt að lækka stýrivexti enn
frekar og taka fleiri skref í þá átt að draga úr gjaldeyrishöftum.
Í viðtali við Fréttablaðið í dag
segir Már samninginn marka
mikilvægan áfanga í því að
Seðlabankinn sé á ný tekinn að
þróa alvörusambönd við erlenda
seðlabanka. Bankinn sé að „kom-
ast í klúbbinn“ aftur. Þannig
aukist almennt traust á landinu.
Þá segir hann að Seðlabanki
Lúxemborgar hafi sýnt okkur ákveðinn velvilja. Enda er verið að
lána okkur fyrir kaupunum á viðlíka kjörum og hafa verið á lánum
Norðulandanna til Íslands eftir hrun.
„Hið vinsamlega og uppbyggilega viðmót sem Mersch seðla-
bankastjóri hefur sýnt í þessu ferli kemur að góðu haldi við að leysa
sum þeirra vandamála sem skapast hafa vegna falls banka á Íslandi
í fjármálakreppunni og leggur traustan grunn að áframhaldandi
góðu samstarfi á milli Seðlabanka Lúxemborgar og Seðlabanka
Íslands,“ er eftir Má haft í tilkynningu Seðlabankans í gær.
Seðlabankinn í Lúxemborg er hluti af fjármálakerfi evrunnar
og stofnaður á sama tíma og Seðlabanki Evrópu (ECB). Bankinn
gefur út evrur líkt og Seðlabanki Evrópu. Sú staðreynd að bankinn
skuli koma til móts við Íslendinga með þessum hætti endurspeglar
í raun velvild í garð þjóðar sem er í þrengingum eftir að hafa farið
illilega út af sporinu í stjórnsýslu og eftirliti með fjármálakerfi
sínu. Um leið grefur samkomulagið undan málatilbúnaði þeirra sem
viljað hafa mála samskipti Íslands við önnur ríki svörtum litum og
virðast trúa því að önnur ríki Evrópu vilji fremur leggja stein í götu
Íslands en greiða hana.
Á tímum sem þessum er vert að spyrja sig hverjum gagnist að
grafa undan sambandi Íslands við önnur Evrópuríki. Getur verið
að einhver hafi af því hag að Ísland troði illsakir við Breta og
Hollendinga?
Að minnsta kosti hljóta það að vera ansi sértækir hagsmunir sem
sjá því allt til foráttu að hér verði tekin upp mynt sem fæli í sér
aukinn stöðugleika, lægri vexti og þar með möguleikann á afnámi
verðtryggingar. Er þá ekki horft til áhrifa Evrópusambandsaðildar
til batnaðar á verðlag og samkeppni, fyrir utan aukið aðhald sem
íslenska stjórnmálamenn hefur sárvantað.
Ein kenning er að peningaöfl hér á landi vilji ná vopnum sínum
eftir hrunið og kaupa upp (og skipta á milli sín í takt við valdahlut-
föll fyrri tíma) þær eignir sem nú eru á forræði bankanna. Þessi öfl
kæri sig ekki um að þurfa að keppa við erlenda fjárfestingu. Kenn-
ingin er ekki verri en hver önnur í því að hún kann að skýra annars
furðulega orðræðu einangrunarhyggju og ótta við útlendinga. Víst
hefur einhver hag af því að snúa baki við Evrópusambandinu, en
það er alveg örugglega ekki almenningur.
Evrubanki greiðir götu endurreisnar Íslands.
Velvild frá Lúx
SKOÐUN
Óli Kristján
Ármannsson
olikr@frettabladid.is