Fréttablaðið - 20.05.2010, Side 46

34 20. maí 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Ferill breska tónlistarmannsins Jamie Lidell er óvenjulegur. Hann
byrjaði í tilraunakenndri teknó-tónlist undir lok síðustu aldar, en stökk
svo fram sem soul-söngvari á annarri sólóplötunni sinni Multiply sem
kom út árið 2005. Lidell sendi frá sér sín fyrstu lög 1997 og sama ár
stofnaði hann dúóið Super-Collid-
er með Christian Vogel. Þeir sendu
frá sér tvær stórar plötur, sú fyrri,
Head On, kom út 1999. Ári seinna
kom svo fyrsta sólóplata Lidells,
Muddlin Gear, sem var tyrfin og
tilraunakennd og minnti jafnvel á
Aphex Twin og Squarepusher. Það
var hin rómaða raftónlistarútgáfa
Warp Records í Sheffield sem gaf
Muddlin Gear út og hún smellpass-
aði inn í hennar katalóg.
Þegar önnur sólóplata Jamie Lid-
ell kom út hjá sama fyrirtæki fimm
árum seinna urðu margir hissa.
Multiply, sem Lidell gerði með
aðstoð kanadíska tónlistarmanns-
ins Mocky, var soul-plata sem sótti
beint í sígilda sálartónlist sjöunda
og áttunda áratugarins. Næsta
plata, Jim, sem kom út 2008, var í svipuðum stíl en heldur fágaðri og
þótti enn betri. Í vikunni kemur fjórða sólóplata Jamie Lidell í verslan-
ir. Hún heitir Compass og á henni er hann enn í sálargírnum
Compass er samt hrjúfari og harðari en síðustu tvær plötur. Lidell
ákvað að fara nýjar leiðir við gerð hennar. Hann gaf Mocky frí og fékk
nýtt fólk til liðs við sig. Þar á meðal var vinkona hans, kanadíska söng-
konan Feist, Chris Taylor úr Grizzly Bear, trommuleikarinn James
Gadson sem meðal annars starfaði með Marvin Gaye og Beck, en þeir
höfðu haldið sambandi frá því að þeir spiluðu saman á tónleikum árið
2006.
Compass er fjári góð plata. Það má heyra á henni áhrif frá Stax,
Stevie Wonder, Prince, Jamiroquai og Beck, en svo malla líka skítugir
raftónlistarskruðningar sumstaðar í bakgrunninum. Gaman.
Meiri sálartónlist frá Jamie
ÁFRAM VEGINN Jamie Lidell heldur
áfram að þróa sína útgáfu af sálartónlist
á nýju plötunni Compass.
> Í SPILARANUM
Wolf Parade - expo 86
Johnny Stronghands - Good People of Mine
Who Knew - Bits and Pieces of a Major Spectacle
Mannakorn - Gamli góði vinur
Heiðar, Halli og félagar - Meira pollapönk
WOLF PARADE HEIÐAR OG HALLI
■ Hanson-bræðurnir fóru á topp bandaríska
Billboard-listans með lagið MMMbop 24.
maí árið 1997.
■ MMMbop fór í kjölfarið á toppinn í 27
löndum og er eitt vinsælasta fyrsta lag
hljómsveitar allra tíma. Lagið er í 20.
sæti á lista VH1 yfir 20 bestu lög tíunda
áratugarins.
■ MMMbop kom út á plötunni Middle of
Nowhere. Platan hefur selst í meira en 10
milljón eintaka um allan heim.
■ Dust-brothers stjórnuðu upptökum á
plötunni. Þeir eru þekktastir fyrir vinnu
sína með Beck á plötunni Odelay og fyrir
tónlistina í myndinni Fight Club.
■ Í dag þekkja þá flestir sem The Chemical
Brothers.
■ Hanson-bræður eru enn þá starfandi. Þeir
gáfu síðast út plötuna The Walk árið 2007.
Í júní kemur svo út platan Shout it Out.
■ Þeir eru hættir að selja jafn margar plötur
og í gamla daga. Síðasta plata sem náði
gullsölu í Bandaríkjunum var This Time
Around árið 2000.
■ Í mars í ár gekk Ryan Shanaghan til liðs
við hljómsveit bræðranna. Hann er fyrr-
verandi lífvörður og hórkarl, sem seldi sig
á götunni. Án gríns.
■ Í Bandaríkjunum er slúðrað um
kynhneigð Hanson-bræðranna og telja
margir að þeir séu samkynhneigðir þrátt
fyrir að þeir eigi allir kærustur.
■ Slúðursögurnar fengu byr undir báða
vængi þegar Shanaghan gekk í hljóm-
sveitina, en hann er samkynhneigður.
TÍMAVÉLIN HANSON-BRÆÐURNIR SLÁ Í GEGN MEÐ LAGINU MMMBOP ÁRIÐ 1997
Götuhóra gengin til liðs við Hanson-bræður
Danspönkhljómsveitin LCD
Soundsystem sendi frá sér
plötuna This Is Happening
í byrjun vikunnar. Platan
er hugsanlega svanasöngur
hljómsveitarinnar eftir að
hafa starfað í aðeins átta ár.
LCD Soundsystem er verkefni
bandaríska upptökustjórans James
Murphy. Gagnrýnendur hafa verið
um borð í LCD-bátnum frá upphafi,
en tvær fyrstu plötur hljómsveit-
arinnar eru með 86 af 100 mögu-
legum í meðaleinkunn á vefsíðunni
Metacritic.com. Nýja platan virðist
ætla að fara sömu leið þar sem hún
er þegar komin með meðaleinkunn
upp á 87. Það er eins og LCD Sound-
system geti hreinlega ekki klikkað.
Murphy hefur látið hafa eftir sér
að This is Happening sé besta plata
LCD Soundsystem. Rachael Madd-
ux, gagnrýnandi tímaritsins Paste,
er sammála. Hún segir að platan sé
full af orku, sem minni einna helst á
fyrstu plötu hljómsveitarinnar. Andy
Beta, gagnrýnandi tónlistartímarits-
ins Spin, tekur í svipaðan streng og
gefur plötunni fjóra af fimm mögu-
legum. Hann talar einnig um að
platan hljómi öðruvísi en fyrri verk
þar sem hún er tekin upp í glæsi-
villu upptökustjórans Ricks Rubin í
stjörnuborginni Los Angeles. Hann
segir að smáskífulagið Drunk Girls
sé það eina á plötunni sem sé snið-
ið eftir formúlu popptónlistarinnar.
Hin lögin koma þar af leiðandi meira
á óvart. Andy segir ástæðuna fyrir
því að Murphy sé eldri, þroskaðari
og jafnvel hrokafyllri en áður.
Þrátt fyrir að platan virðist ætla
að vera enn einn sigurinn fyrir
James Murphy er framtíðin óljós.
Hann segist ekki vera viss um að
hann geri fleiri plötur undir merki
LCD Soundsystem. This Is Happen-
ing gæti því verið svanasöngurinn,
en það má þó búast við að þessi mikli
snillingur haldi áfram að gera tón-
list um ókomna tíð.
atlifannar@frettabladid.is
LCD SOUNDSYSTEM GETUR
EKKI KLIKKAÐ – 7, 9, 13
LCD SOUNDSYSTEM Nýja platan er hugsanlega svanasöngur hljómsveitar James
Murphy.
■ James Murphy, maðurinn á bak við LCD Soundsystem,
varð fertugur í febrúar.
■ Hann notaði plötusnúðanafnið Death From Above á árum
áður. Hann nefndi svo plötuúgáfu sína DFA Records og lenti
í deilum við kanadíska hljómsveit með sama nafn
sem kallar sig Death from Above 1979 í dag.
■ Þegar Murphy var 22 ára gamall bauðst
honum starf sem einn af handritshöfundum
Seinfeld, þegar þátturinn var að hefja göngu
sína. Hann hafði ekki trú á þættinum og
hafnaði starfinu.
ÞÚ VISSIR EKKI AÐ...
Tónlistarmaðurinn Snorri Helga-
son kemur fram á hinum norrænu
Ja Ja Ja-tónleikum á The Lexing-
ton í London í kvöld. Einnig koma
fram danska poppsveitin No And
the Maybes og Mariam „Mamma“
Jäntti frá Finnlandi. Snorri mun
spila lög af fyrstu plötu sinni,
I´m Gonna Put My Name On
Your Door, sem kom út í fyrra við
góðar undirtektir.
„Ég og hljómsveitin erum búin
að vera að æfa eins og brjálæðing-
ar og undirbúa okkur fyrir Lund-
únaferðina okkar. Ef þið verðið í
London þá eða þekkið einhvern
þar megið þið endilega benda
þeim á að koma. Þetta verður
mjög gott,“ segir Snorri. Það var
Stuart Clarke frá bransablaðinu
Music Week sem sá um að velja
flytjendurna þrjá.
Snorri Helgason í Lundúnum
SNORRI HELGASON Tónlistarmaðurinn Snorri Helgason kemur fram á hinum nor-
rænu Ja Ja Ja-tónleikum í London í kvöld.
*Frí heimsending gildir aðeins ef pantaðir eru 4 eða fleiri bakkar.
Pantaðu í síma
565 6000
eða á somi.is
*