Fréttablaðið - 12.07.2010, Blaðsíða 13
MÁNUDAGUR 12. júlí 2010 13
ÍS
L
E
N
SK
A
S
IA
.I
S
V
IT
5
08
14
0
7/
10
Kviknaði í húsbíl
Eldur kom upp í húsbíl í Fellahverfinu
í Breiðholti um tvöleytið í fyrrinótt og
er bíllinn töluvert skemmdur. Að sögn
lögreglunnar var par að laga til í bíln-
um þegar slanga losnaði frá gaskút
og eldur kviknaði. Fólkið var flutt á
slysadeild og reyndist með lítilsháttar
brunasár.
LÖGREGLUFRÉTTIR
Eygló ráðin sveitarstjóri
Eygló Kristjánsdóttir á Reykhólum
hefur verið ráðin sveitarstjóri Skaftár-
hrepps og tekur við starfinu um miðj-
an næsta mánuð. Hún hefur gegnt
starfi skrifstofustjóra Reykhólahrepps
í átta ár. Íbúafjöldi í hreppnum var 1.
desember síðastliðinn 450 manns.
SKAFTÁRHREPPUR
KJARAMÁL Kristinn Örn Jóhannesson, formað-
ur VR, vill að almennir félagsmenn taki þátt
í vinnu vegna kröfugerðar VR fyrir kjara-
samningana í haust. Í viðtali við VR blað-
ið segir Kristinn að könnun verði gerð meðal
félagsmanna um þær áherslur sem þeir vilja
sjá og í framhaldinu verði haldið sérstakt
kröfugerðarþing.
Í vor stóð stjórn VR fyrir svokölluðu stefnu-
þingi þar sem félagsmenn voru valdir til þátt-
töku með slembiúrtaki. Var markmið þingsins
að móta framtíðarsýn VR og áherslur í starfi.
Þótti stefnuþingið takast svo vel að stjórn VR
vildi beita sambærilegri aðferð til að undirbúa
kröfugerðarvinnuna.
„Okkur finnst mjög mikilvægt að opna starf-
ið meira en verið hefur. Trúnaðarráð, stjórn-
in og starfsfólk hafa unnið að kröfugerðinni í
gegnum tíðina en það er bráðnauðsynlegt að
opna vettvang fyrir almenna félagsmenn til
að taka þátt,“ segir Kristinn og bætir við að
auk kröfugerðarþingsins verði opnuð vefsíða í
kringum það þannig að fólk geti komið sínum
ábendingum og hugmyndum á framfæri.
Kristinn segist hafa miklar væntingar til
þess að fólk taki sem mestan þátt hvort sem
það er á stefnuþinginu sjálfu eða í gegnum
netið. - mþl
Formaður Verslunarmannafélags Reykjavíkur vill opna vettvang fyrir alla félagsmenn:
Félagsmenn taki þátt í kröfugerðarþingi
KRISTINN ÖRN JÓHANNESSON Formaður VR vill að
almennir félagsmenn taki þátt í vinnu vegna kröfugerð-
ar félagsins fyrir komandi kjarasamninga.
STJÓRNMÁL Forseti Mannrétt-
indaráðs Sameinuðu þjóðanna
hefur rætt við Ingibjörgu Sól-
rúnu Gísladóttur, fyrrverandi
utanríkisráð-
herra, um að
hún taki að sér
formennsku
í nefnd sem
til stendur að
stofna og mun
rannsaka árás
Ísraelsmanna á
skipalest á leið
til Gasa með
hjálpargögn.
Frá þessu var
greint á Vísi.is.
Ingibjörg Sólrún segir ekk-
ert ákveðið varðandi málið en
hún geri ráð fyrir að málin muni
skýrast á næstu dögum. „Ég var
á ráðstefnu í Madríd um mál-
efni Palestínu og var spurð að
því hvort það mætti nefna nafnið
mitt og síðan var haft samband
við mig frá skrifstofu Mannrétt-
indaráðsins,“ segir Ingibjörg um
það hvernig standi á því að málið
hafi verið nefnt við hana.
„Þetta mál kom bara upp fyrir
hálfgerða tilviljun og ég var svo
sem alveg tilbúin til þess að vera
inni í þessu ef til kæmi,“ sagði
Ingibjörg í samtali við Vísi.
- jhh
Rannsókn á árás Ísraela:
Ingibjörg orðuð
við formennsku
INGIBJÖRG SÓL-
RÚN GÍSLADÓTTIR
FRAKKLAND Júmbóþota franska
flugfélagsins Air France þurfti
að nauðlenda á leið sinni frá Ríó
de Janeiro til Parísar eftir að
áhöfninni barst sprengjuhótun.
Atvikið átti sér stað á sunnudag-
inn og vélin, með 450 farþega um
borð, þurfti að lenda á austur-
strönd Brasilíu. Vélin var rýmd
og yfirfarin á staðnum.
Um falska hótun var að ræða
en fyrir rúmlega ári fórst vél Air
France á þessari sömu flugleið og
228 farþegar fórust.
- áp
Nauðlending hjá Air France:
Sprengjuhótun
reyndist gabb
BANDARÍKIN Níu ára drengur
skaut tveggja ára bróður sinn
um helgina með þeim afleiðing-
um að hann lést af sárum sínum
á sjúkrahúsi. Lögreglan í Los
Angeles telur að um voðaskot
hafi verið að ræða en eldri bróð-
irinn mun hafa fundið byssuna
hlaðna ofan á fataskáp á heimili
þeirra.
Pilturinn fór að leika sér með
byssuna, skot reið af og hitti
tveggja ára barnið í brjóstkass-
ann. Lögreglan telur að atvik-
ið sé slys og hefur fjölskylduna
ekki grunaða um neitt saknæmt.
- áp
Lést af völdum voðaskots:
Níu ára skaut
litla bróður