Fréttablaðið - 19.07.2010, Blaðsíða 6

6 19. júlí 2010 MÁNUDAGUR
Oddi – umhverfisvottuð prentsmiðja. Höfðabakka 7, 110 Reykjavík, sími 515 5000, www.oddi.is
VIÐSKIPTI Dr. Jón Ágúst Þorsteins-
son, forstjóri Marorku og formað-
ur Samtaka fyrirtækja í orku- og
umhverfistækni, sendi öllum þing-
mönnum bréf þar sem hann biðl-
aði til þingmanna og stjórnvalda
að sýna samstöðu um stöðugleika
til að skapa viðunandi starfsskil-
yrði fyrir hugverkaiðnað í land-
inu. Hann segir Íslendinga vera
að missa trúverðugleika sinn á
erlendum mörkuðum og mikilvægt
sé að framtíðarvöxtur hugverka-
iðnaðarins fari fram á Íslandi.
„Erlendir markaðir finna fyrir
óstöðugleikanum í íslenskum
stjórnmálum,“ segir hann. „Þetta
er farið að skaða okkur gríðarlega
og eftir því sem lengri tími líður,
verður skaðinn meiri.“
Útflutningur á sviði hugverka-
iðnaðar nemur um 20 prósentum
af heildarútflutningi landsins og
segir Jón Ágúst lykilatriði að halda
samningaviðræðum við Evrópu-
sambandið (ESB) áfram.
„Við mætum þeim viðhorfum
erlendis að við göngum til samn-
inga og drögum okkur svo í hlé.
Við viljum ekki borga skuldir
okkar. Við viljum ekki starfa með
þeim sem lána okkur peninga, eins
og AGS. Svona viðhorf stórskaða
viðskipti okkar,“ segir Jón Ágúst.
„Við verðum að sýna fram á að við
munum klára þessi mál. Í viðskipt-
um er trúverðugleiki allt.“
Ársvelta fyrirtækja innan hug-
verkaiðnaðarins nemur um 150
milljörðum hér á landi, en um 200
milljörðum erlendis. Um 10 þús-
und Íslendingar starfa í iðnaðin-
um. Marorka er með nær öll sín
viðskipti á erlendum mörkuðum
og segir Jón Ágúst litlar forsend-
ur fyrir því að vöxtur fyrirtækis-
ins verði á Íslandi eins og ástand-
ið sé í dag.
„Okkur finnst gott að vera á
Íslandi en engar forsendur eru
fyrir frekari vexti fyrirtækisins
á Íslandi nema skilyrðin batni,“
Viðræður við ESB lykilatriði
Íslenskur hugverkaiðnaður veltir um 200 milljörðum á ári erlendis. Íslendingar farnir að missa trúverðug-
leika. Áframhaldandi viðræður við ESB lykilatriði til að fá fjármunina heim, segir forstjóri Marorku.
Hvað er hugverkaiðnaður?
Heilbrigðistækni (Samtök heilsbrigðistæknifyrir-
tækja í burðarliðnum)
Hönnun, fata- og listiðnaður
Leikjaiðnaður (Icelandic Gaming Industry)
Líftækni (Samtök íslenskra líftæknifyrirtækja)
Orku- og umhverfistækni
Tónlist, kvikmyndir og afþreyingariðnaður (Sam-
tónn, BÍL o.fl.)
Vél- og rafeindatækni fyrir matvælavinnslu
Mannvirkjagerð og máltækni (Mannvirki og Málmur)
Samtök sprotafyrir-
tækja (SSP)
Samtök upplýs-
ingatæknifyrir-
tækja (SUT)
SAMGÖNGUR Herjólfur sigldi sína
fyrstu ferð í Landeyjahöfn á laug-
ardagskvöld en ferðin var hugs-
uð sem prufuferð til að ganga úr
skugga um að allt væri eins og
vera bæri. Formleg jómfrúarferð
verður farin á þriðjudag þegar
síðari sigling dagsins er farin til
Landeyjahafnar en fyrri sigling
þriðjudags er til Þorlákshafnar og
er jafnframt sú síðasta þangað.
Fjöldi fólks beið í Landeyja-
höfn þegar Herjólfur lagðist að
bryggju en vegna sandfoks gátu
Eyjamenn ekki fylgst með skipinu
sigla frá Heimaey né var Land-
eyjahöfn sýnileg vegna bylsins.
- jma
Herjólfur sigldi í nýja höfn:
Óformleg
prufusigling
HERJÓLFUR Í LANDEYJAHÖFN Herjólfur
sigldi prufuferð í Landeyjahöfn á laugar-
dagskvöld.
Farþegi með fíkniefni
Rúm tuttugu grömm af kannabisefn-
um fundust á farþega í bifreið sem
lögreglan á Sauðárkróki stöðvaði
við Þverárfjall á föstudag. Bifreiðinni
var ekið frá Reykjavík og var eiganda
fíkniefnanna sleppt að yfirheyrslu
lokinni.
SAUÐÁRKRÓKUR
Stofnun Vigdísar þakkar fyrir
Stofnun Vigdísar Finnbogadóttur í
erlendum tungumálum vill koma á
framfæri þakklæti til þeirra fjöl-
mörgu sem lögðu fjársöfnun hennar
lið. Safnað er fyrir nýrri byggingu á
háskólalóðinni. Upplýst verður um
heildarframlög í ágúst.
FJÁRSÖFNUN
Drekkur þú sykurlausa gos-
drykki á borð við Diet Coke?
JÁ 31,5%
NEI 68,5%
SPURNING DAGSINS Í DAG:
Á að reyna að rifta samningi
um hlut Magma í HS orku?
Segðu þína skoðun á vísir.is.
ELDGOS Flug í Evrópu myndi ekki
raskast á sama hátt og það gerði
í maí ef eldgos hæfist nú. Aska úr
Eyjafjallajökli lamaði þá nær alla
flugumferð í Evrópu. Þetta segir
Joe Sultana, yfirmaður hjá Evr-
ópsku flugstjórnarstofnuninni
(Eurocontrol) í viðtali við New
York Times um helgina. Stofn-
unin sá um samræmdar aðgerðir
í Evrópu þegar öskuský ógnuðu
flughelgi.
Sultana segir þekkingu sér-
fræðinga, eldfjallafræðinga og
veðurfræðinga vera mun meiri
í dag en hún var fyrir gosið og
það fari eftir þéttni ösku hvern-
ig samgöngum verði háttað. „Við
höfum nú þrjú mismunandi styrk-
leikastig af ösku. Í fyrsta lagi,
þar sem ekki er öruggt að fljúga,
í öðru lagi, þar sem flugvélar
skulu gæta varúðar og í þriðja
lagi þar sem lág þéttni er í ösku
og ekki þarf að gera varúðarráð-
stafanir.“
Sultana segir að jafnframt
hafi sú öskuþéttni sem orsaki
flugbann hafa verið hækkaða úr
tveimur milligrömmum á rúm-
metra í fjögur og öll verkaskipt-
ing sé nú betur á hreinu. „Við
höfum skýrari línur um hver ber
ábyrgð á því að taka ákvarðan-
ir um lofthelgi og einstaka flug-
vélar.“ Öll ákvarðanataka myndi
jafnframt ganga fljótar fyrir sig
að sögn Sultana. „Við höfum sett
upp samræmda einingu, sem
myndi starfa sem þungamiðja
ákvarðanatöku og bæta öll sam-
skipti.“ - jma
Yfirmaður Evrópsku flugstjórnarstofnunarinnar í viðtali í New York Times:
Sérfræðingar hafa lært af gosinu
ASKA ÚR EYJAFJALLAJÖKLI Joe Sultana
hjá Evrópsku flugstjórnarstofnuninni
segir að allar aðgerðir varðandi lofthelgi
Evrópu muni ganga hraðar fyrir sig gjósi
á ný. FRÉTTABLAÐIÐ/PJETUR
segir hann. „Við erum svo lánsöm
að eiga helming hugverkaiðnaðar-
ins hér á landi og á því verðum við
að byggja.“
Jón Ágúst segir að það vanti
almenna vitund um mikilvægi og
stærð iðnaðarins og fjölmiðlar
spili þar lykilhlutverk.
„Atvinnulífið telur skýrslu
AGS vera bestu úttekt á íslensku
skattkerfi sem gerð hefur verið
og jákvætt innlegg í umræðu
um skattkerfi Íslands. Fjölmiðl-
ar þurfa að tileinka sér faglega
umfjöllun í öllum þessum mikil-
vægu málum. Öll umræða hér á
landi er alþjóðleg umræða.“
Hann segir þingmenn hafa sýnt
mikil og jákvæð viðbrögð við bréf-
inu og almennur skilningur ríki á
því að samvinnu sé þörf til þess að
koma landinu á réttan kjöl.
„Ruðningsáhrif síðustu tíu ára
gerðu það að verkum að vöxtur
fyrirtækjanna varð að miklu leyti
erlendis. Til þess að þessir miklu
fjármunir og hugvit færist aftur
heim til Íslands er breytinga þörf,“
segir Jón Ágúst. „Hugverkaiðnað-
urinn er eins og blaut sápa – ef þú
kreistir hann of mikið þá hverfur
hann úr höndunum á þér.“
sunna@frettabladid.is
ÍRAK, AP Að minnsta kosti 48 manns
létust í tveimur sjálfsmorðsárásum
í Írak í gær.
Fyrri árásin var gerð við eftirlits-
stöð í Bagdad, höfuðborg landsins.
Þar biðu hermenn úr liði súnníta,
sem berst með stjórnvöldum gegn
Al-Kaída, eftir því að fá útborguð
laun. Að sögn sjónarvotta sátu um
150 manns og biðu þegar maður
sprengdi sig í loft upp. Að minnsta
kosti 45 létust þar og 40 særðust.
Árásin var sú mannskæðasta gegn
íröskum her í marga mánuði.
Seinni árásinni var einnig beint
að herliði súnníta, þar sem maður
réðst inn í höfuðstöðvar þeirra og
hóf skothríð. Hermenn skutu á hann
á móti en þá sprengdi hann sig í loft
upp. Þrír létust og sex særðust.
Herdeildir súnníta ákváðu árið
2006 að snúast gegn Al-Kaída og
starfa með stjórnvöldum. Þær
hafa gegnt lykilhlutverki í barátt-
unni gegn Al-Kaída og ofbeldis-
verkum. Árásir Al-Kaída í landinu
hafa í auknum mæli beinst gegn
öryggissveitum nú þegar styttist
í að bandarískar hersveitir fari úr
landinu. - þeb
Mannskæðar sjálfsmorðsárásir á herlið súnníta í Írak í gær:
48 létust í sjálfsmorðsárásum
Actavis
CCP
Cintamani
Marorka
Mind Games
Mobilitus
Marel
Nikita
Össur
66° Norður
Nokkur fyrirtæki
JÓN ÁGÚST ÞORSTEINSSON Forstjóri Marorku segist hafa fengið
jákvæð viðbrögð frá þingmönnum við bréfi sem hann sendi.
LEITAÐ Í BÍLUM Í BAGDAD Lögreglan í Bagdad stöðvaði vegfarendur og leitaði að
sprengjum eftir sjálfsmorðsárásirnar í gær. FRÉTTABLAÐIÐ/AP
FR
ÉT
TA
B
LA
Ð
IÐ
/A
N
TO
N
KJÖRKASSINN