Fréttablaðið - 26.07.2010, Blaðsíða 6

6 26. júlí 2010 MÁNUDAGUR
www.s24.isSæktu um...
Sími 533 2424
6,35%
innlánsvextir*
Allt að
Óbundinn og óverðtryggður sparnaðarreikningur
*M.v. vaxtatöflu S24 01.07.2010
SVISS, AP Einn lét lífið og 42 slös-
uðust þegar lest fór út af spor-
inu í Sviss á föstudag. Farþegar
lestarinnar voru flestir japanskir
ferðamenn. Lestin fer um sviss-
nesku Alpana og er vinsæl meðal
ferðamanna. Tveir lestarvagnar
fóru út af sporinu, en ekki er
vitað hvað olli slysinu.
Lestarslys eru mjög sjaldgæf í
Sviss, en þetta slys er hið versta í
landinu frá árinu 2006. Þá létust
þrír menn eftir að bremsur lestar
biluðu með þeim afleiðingum að
hún rakst á aðra lest. - þeb
Rúmlega fjörutíu slösuðust:
Einn lést í lestar-
slysi í Ölpunum
MENNTUN Mikill niðurskurður er yfirvofandi hjá
Háskólanum á Akureyri (HA). Skólinn skar niður um
6,6 prósent á síðasta ári og nauðsynlegt er að auka
niðurskurð um frekari 8 prósent, eða 105 milljónir
króna.
Óvíst verður um áframhald orku- og umhverfis-
fræðideildarinnar, en á næstu önn verður fyrsta árið
kennt með líftækni og sjávarútvegsfræðideildinni.
Svo gæti farið að þeir tólf nemendur sem skráðir eru
í orku- og umhverfisfræði þurfi að flytjast til Reykja-
víkur eftir fyrsta árið, ef til þess kemur að leggja
deildina niður, og klára nám sitt við Háskóla Íslands.
Stefán B. Stefánsson, rektor HA, segir að allir þeir
nemendur sem skráðir voru í deildina hafi sýnt full-
an skilning á stöðunni og engar frekari fyrirspurnir
hafi borist.
„Við vildum hafa upplýsingaflæðið eins gott og
persónulegt og hægt var,“ segir Stefán. „Nemendur
skilja að þeir þurfa bara að bíða og sjá.“
Starfsmenn skólans komu til móts við niðurskurð-
inn með því að taka á sig launalækkun á síðasta ári
og með því tókst að spara 30 milljónir króna.
„Þau tóku þetta á sig til að sinna sinni stofnun. Það
fannst mér alveg frábært og nánast ótrúlegt, að sýna
slíka samstöðu,“ segir Stefán. - sv
Nemendur við HA flytjast mögulega til Reykjavíkur eftir fyrsta árið fyrir norðan:
Niðurskurður kallar kannski á lokanir
HÁSKÓLINN Á AKUREYRI Rektor segir starfsfólk sýna ótrúlega
samstöðu í niðurskurði hjá skólanum. MYND/KRISTJÁN KRISTJÁNSSON
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
SJÁVARÚTVEGUR Mikil þörf ríkir nú
á góðri nýliðun ef sandsílastofninn
á ekki að gefa enn frekar eftir, að
mati Hafrannsóknastofnunar, eftir
fyrstu mælingar á stofninum.
Ellefu daga sandsílaleiðangri
Hafrannsóknastofnunar á skip-
inu Dröfn RE 35 lauk 15. júlí síð-
astliðinn. Farið var á fjögur svæði,
Breiðafjörð, Faxaflóa, Vestmanna-
eyjar að Vík og Ingólfshöfða, en
þetta er fimmta árið í röð sem farið
er í slíkan leiðangur.
Uppistaðan í aflanum var
þriggja ára síli, af árgangi 2007,
en þessi árgangur hefur verið
ríkjandi í stofninum síðastliðin
þrjú ár. „Verulega hefur gengið á
árganginn, eins og eðlilegt má telj-
ast,“ segir í tilkynningu Hafrann-
sóknastofnunar.
Fram kemur að fyrstu niðurstöð-
ur séu háðar óvissu því þær bygg-
ist eingöngu á lengdarmælingum á
síli en ekki á aldurslesningum. Á
næstu mánuðum fer fram aldurs-
greining á sýnum ársins og frekari
úrvinnsla.
Fram kemur að í fyrra hafi fund-
ist talsvert magn af seiðum, en þau
hafi ekki skilað sér í stofninn nú
sem eins árs síli í þeim mæli sem
væntingar stóðu til. Einnig virðist
árgangur 2008 af sílum vera sla-
kur. Styrkur árgangsins komi end-
anlega í ljós á næsta ári. - kg
Gengið á árgang 2007 af sandsílum sem hefur verið uppistaðan í þrjú ár:
Mikil þörf á góðri nýliðun
SANDSÍLI Á síðasta ári fannst talsvert
magn af seiðum en þau hafa ekki skilað
sér í stofninn. FRÉTTABLAÐIÐ/ÚR SAFNI
ORKUMÁL Sú skoðun þingmanna
Vinstri grænna að sala HS orku
til Magma Energy sé stefnu-
breyting frá stjórnarsáttmálan-
um dugir ekki til þess að hægt sé
að stöðva samninginn samkvæmt
lögum um erlenda fjárfestingu.
Auk þess hefði þurft að grípa
inn í málið innan átta vikna frá
því að samningurinn var gerður.
Þetta segir Björg Thorarensen,
prófessor við lagadeild Háskóla
Íslands.
Vilji ráðherra stöðva erlenda
fjárfestingu, eins og heimilað er
í 12. grein laganna þar um, þurfa
mjög ströng skilyrði að vera fyrir
hendi. Annaðhvort þarf fjárfest-
ingin að ógna öryggi landsins
eða ganga gegn allsherjarreglu,
almannaöryggi eða almannaheil-
brigði eða að upp komi alvarleg-
ir efnahagslegir, þjóðfélagslegir
eða umhverfislegir erfiðleikar í
sérstökum atvinnugreinum eða á
sérstökum svæðum, sem líklegt
sé að verði viðvarandi, eins og
segir í lögunum.
„Ráðherra hefur auðvitað svig-
rúm til að túlka þetta og það er
hans hlutverk. En ef hann getur
beitt þessu á annað borð þá verð-
ur hann að fylgja þeim efnis-
legu skilyrðum sem koma fram
í ákvæðinu,“ segir Björg.
„Nú halda Vinstri græn því
fram að þetta sé fyrst og fremst
stefnubreyting á einhverju sem
var lagt upp með í samstarfi rík-
isstjórnarinnar. Ég mundi ekki
telja að það mundi nægja til að
þessi samningur verði stöðvað-
ur á grundvelli þessa ákvæðis,“
segir Björg.
Þar fyrir utan þurfi samkvæmt
lögunum að grípa inn í innan átta
vikna eftir að tilkynning berst
um fjárfestinguna, og leita fyrst
umsagnar nefndar um erlenda
fjárfestingu. Sá frestur er hins
vegar liðinn, að sögn Unnar G.
Kristjánsdóttur, formanns nefnd-
ar um erlenda fjárfestingu.
Ásgeir Margeirsson, forstjóri
Magma á Íslandi, segist ekki
munu trúa því fyrr en á reyni að
reynt verði að afturkalla kaupin.
„Ef svo fer þá bara skoðum við
okkar stöðu enda teljum við
okkur vera með fullgildan og rétt-
an samning í höndunum,“ segir
Ásgeir. Hann vill hins vegar ekki
leggja mat á það hvort grund-
völlur sé fyrir skaðabótakröfu
eða hversu há hún kynni þá að
verða.
Ásgeir bendir jafnframt á að ef
kaupin yrðu afturkölluð væri HS
orka eftir sem áður í meirihluta
erlendra aðila. „Ef samningur-
inn gengur ekki eftir þá á Geys-
ir Green Energy þetta og Geysir
er undir Íslandsbanka sem aftur
er í eigu kröfuhafa,“ segir hann.
„Þess vegna er ég svolítið hissa
á því að fólk sé á móti því að HS
orka færist úr eigu bankans í
eigu jarðhitafyrirtækis sem sér-
hæfir sig á þessu sviði og fyrir
liggur hverjir eiga og hvað það
ætlar sér.“ stigur@frettabladid.is
Óánægja ekki nóg
til að stöðva kaupin
Óánægja Vinstri grænna með stefnubreytingu ríkisstjórnarinnar í orkumálum
dugir ekki ein og sér til að koma megi í veg fyrir kaup Magma á HS orku, að mati
prófessors. Magma mun skoða rétt sinn verði kaupin stöðvuð, segir forstjórinn.
ÁSGEIR
MARGEIRSSON
BJÖRG
THORARENSEN
Ert þú sátt(ur) við dóm hér-
aðsdóms vegna gengistryggðra
bílalána?
Já 33,6%
Nei 66,4%
SPURNING DAGSINS Í DAG:
Ætlar þú að ferðast um landið
um verslunarmannahelgina?
Segðu skoðun þína á Vísir.is
SVARTSENGI Fyrirhugað er að kaup Magma Energy á hlut Geysis Green í HS orku
gangi í gegn á næstu dögum. FRÉTTABLAÐIÐ/VALLI
KJÖRKASSINN