Fréttablaðið - 06.08.2010, Blaðsíða 40

24 6. ágúst 2010 FÖSTUDAGUR
sport@frettabladid.is
FÓTBOLTI „Þegar þú ert hátt í þrjá
metra þá verðurðu að skora eftir
föst leikatriði af og til. Ég er búinn
að panta það í nokkrum leikjum
hjá honum í sumar og það var sætt
að sjá hann skora í kvöld,“ sagði
Guðmundur Benediktsson, þjálfari
Selfyssinga, eftir sigurinn gegn
Haukum.
Miðvörðurinn Agnar Bragi
Magnússon skoraði sigurmark-
ið stundarfjórðungi fyrir leikslok
þegar hann skóflaði boltanum upp
í þaknetið eftir hornspyrnu. Vara-
maðurinn Guessan Bi Herve fékk
sitt annað gula spjald og þar með
rautt þegar um tíu mínútur voru
eftir en Haukar náðu ekki að nýta
sér liðsmuninn.
Leikurinn var frábær skemmt-
un fyrir áhorfendur nema kannski
þá sem unna öflugum varnarleik.
„Mér fannst bæði lið fara í þenn-
an leik með það í huga að reyna
að vinna hann og það skilaði sér
í frábærri skemmtun fyrir áhorf-
endur. Ég er gríðarlega ánægður
og sofna vel á koddanum í kvöld,“
sagði Guðmundur.
„Það er óhætt að segja að þetta
hafi verið kærkomið. Það er ekki
hægt að kvarta yfir því að skora
þrjú mörk og sækja þrjú stig.
Þetta var mjög mikilvægur sigur
eins og reyndar allir sigrar í þess-
ari deild eru. Við vorum að vinna
sigur á öðrum af aðalkeppinautum
okkar í þessari deild, við erum í
þriggja liða keppni gegn Haukum
og Grindavík.“
Haukar byrjuðu leikinn mun
betur og fengu dauðafæri áður
en Spánverjinn Alexandre Garcia
opnaði markareikning sinn fyrir
liðið með laglegu marki. Selfyss-
ingar náðu að jafna eftir horn en
það var fyrsta skot liðsins á mark
í leiknum. Við þetta hrukku þeir
í gírinn.
„Við vorum þunglyndir í upp-
hafi leiks sem er kannski skiljan-
legt því gengið hefur verið þannig.
Þetta leggst auðvitað á hausinn á
mönnum og ósjálfrátt fara menn
að efast um sjálfa sig. Það getur
verið þungt og erfitt en ég er gríð-
arlega ánægður með hvernig menn
brugðust við eftir að hafa lent
undir,“ sagði Guðmundur.
„Við sýndum mikinn karakter
í kvöld að setja hér þrjú mörk og
halda þetta svo út einum færri í
lokin. Það sást í hverju andliti að
menn voru tilbúnir að leggja allt á
sig til að ná í þrjú stig.“
Sigurinn hefði getað lent hvorum
megin sem var í þessum botnslag
en Selfyssingar fögnuðu af ótrú-
legri innlifun í lokin enda er þessi
sigur svo sannarlega líflína fyrir
þá. Haukar eru hins vegar límdir
við botninn, hafa ekki unnið leik
og eftir úrslitin í gær er maður
farinn að efast um að sigurleikur-
inn komi í sumar.
„Þetta var mjög sárt,“ sagði
Guðjón Lýðsson, besti leikmað-
ur Hauka í gær. „Mér fannst við
alls ekkert lélegri í þessum leik
en fáum á okkur tvö mörk úr horn-
spyrnum. Við yfirspiluðum þá á
löngum köflum en menn verða að
halda einbeitingu til að klára svona
leiki. Þetta hlýtur að fara að koma,
menn hljóta að ná einum leik án
þess að gera mistök.“
Guðjón er ekki búinn að leggja
árar í bát. „Við þurfum að vinna
næstu leiki ef við ætlum ekki að
falla, það er ekki flókið.“
elvargeir@frettabladid.is
Fylkisvöllur, áhorf.: 856
Fylkir Keflavík
TÖLFRÆÐIN
Skot (á mark) 11–11 (5–5)
Varin skot Fjalar 3 – Ómar 1
Horn 4–6
Aukaspyrnur fengnar 11–15
Rangstöður x–x
KEFLAV. 4–5–1
Ómar Jóhannsson 5
(21., Lasse Jörgens. 6)
Guðjón Árni Anton. 6
(34., Paul McShane 6)
Bjarni Hólm Aðalst. 5
Haraldur Freyr Guð. 6
Alen Sutej 6
Hólmar Örn Rúnars. 6
Einar Orri Einarsson 5
Jóhann Birnir Guðm. 6
*Guðmundur Stein. 7
Magnús Sverrir Þorst. 4
Magnús Þórir Matth. 5
(90. Hörður Sveinss. -)
*Maður leiksins
FYLKIR 4–3–3
Fjalar Þorgeirsson 6
Andri Þór Jónsson 6
(51., Ásgeir Örn Arnþ. 6)
Þórir Hannesson 6
Valur Fannar Gíslas. 5
Tómas Þorsteinsson 5
Kristján Valdimarss. 5
(82. Davíð Ásbjörnss. -)
Ásgeir Börkur Ásg. 6
Andrés Már Jóhann. 7
Ingimundur Níels 4
(73. Jóhann Þórh. -)
Pape Mamadou Faye 4
Albert Brynjar Ingas. 6
1-0 Albert Brynjar Ingason, víti (21.)
1-1 Guðmundur Steinarsson, víti (82.)
1-2 Jóhann Birnir Guðmundsson (86.)
1-2
Jóhannes Valgeirsson (5)
HAUKAR 2-3 SELFOSS
1-0 Alexandre Garcia Canedo (21.)
1-1 Stefán Ragnar (25.), 1-2 Guessan
Bi Herve (29.), 2-2 Guðjón (65.),
2-3 Agnar Bragi (75.)
Vodafone-völlurinn, áhorf.: 983
Dómari: Magnús Þórisson (6)
TÖLFRÆÐIN
Skot (á mark) 16–11 (7–8)
Varin skot Daði 5 – Jóhann 5
Horn 9–10
Aukaspyrnur fengnar 13–9
Rangstöður 6–2
Haukar 4–4–2 Daði Lárusson 6 - Ásgeir Þór Ingólfs-
son 5, Kristján Björnsson 5, Þórhallur Dan Jóhannsson
3, Hilmar Rafn Emilsson 3 - Hilmar Geir Eiðsson 5, Jamie
McCunnie 5, Guðjón Lýðsson 7, Magnús Björgvinsson
4 (77., Garðar Geirsson -) - Arnar Gunnlaugsson 5 (46..
Daníel Einarsson 6), Alexandro Garcia 6
Selfoss 4–5–1 Jóhann Ólafur Sigurðsson 6 - Martin
Dohlsten 5, Stefán Ragnar Guðlaugsson 6, *Agnar
Bragi Magnússon 7, Andri Freyr Björnsson 4 - Gunnar
Borgþórsson 4, Jean Stephane Yao Yao 7, Arilíus Mart-
einsson 6 (84., Ingi Rafn -), Sævar Þór Gíslason - (15.
Guessan Bi Herve 7), Jón Daði Böðvarsson 6 - Viktor
Unnar Illugason 6 (77. Viðar Örn Kjartanss. -)
STAÐAN
Breiðablik 14 9 2 3 34-16 29
ÍBV 14 9 2 3 23-13 29
FH 14 7 4 3 27-20 25
Keflavík 14 6 5 3 15-15 23
Fram 14 5 5 4 21-21 20
KR 13 5 4 4 23-19 19
Valur 14 4 6 4 21-26 18
Stjarnan 14 4 5 5 24-24 17
Fylkir 13 4 3 6 25-26 15
Grindavík 14 3 3 8 16-23 12
Selfoss 14 3 2 9 18-31 11
Haukar 14 0 7 7 18-31 7
NÆSTU LEIKIR
ÍBV - Haukar sunnudag kl. 16.00
Fram - Fylkir sunnudag kl. 19.15
Valur - Grindavík sunnudag kl. 19.15
FH - Breiðablik sunnudag kl. 19.15
Stjarnan - Selfoss sunnudag kl. 19.15
Keflavík - KR sunnudag kl. 19.15
PEPSI-DEILDIN
> Hrafn þjálfar báða meistaraflokka KR
KR-ingar hafa loksins fundið sér þjálfara fyrir karlaliðið
sitt í körfuboltanum. Hrafn Kristjánsson mun þjálfa báða
meistaraflokka KR en hann hafði áður ráðið sig á kvenna-
liðið. „Það er bara þannig að ef manni er boðið þetta starf
en hafnar því þá er ekkert víst að manni yrði boðið þetta
aftur. Þetta er eitt af þeim störfum sem maður stefnir á
þegar maður byrjar að mennta sig og tekur þá ákvörðun
að verða atvinnuþjálfari,“ segir Hrafn. „Ég treysti mér alveg
í þetta því ég er með gott fólk á bak við mig. Ég verð að
nýta mér daginn vel því þetta þýðir það jafnframt að ég
er ekki í eiginlegri dagvinnu. Það
verða einstaklingsæfingar og
„sideline organizer“ á daginn,“
sagði Hrafn.
Ólafur Þórðarson sendi leikmönnum sínum í Fylki tóninn eftir 2-1 tap
liðsins fyrir Keflavík á heimavelli í gær. Fylkir komst yfir í fyrri hálfleik en
Keflavík tryggði sér sigurinn með tveimur mörkum seint í leiknum.
„Enn einu sinni í sumar geta leikmenn ekki haldið haus í 90 mínútur
og það er bara að kosta okkur of mikið,“ sagði Ólafur eftir leikinn.
„Þetta er bara einbeitingarskortur og ekkert annað. Það vantar
meiri metnað í þessa drengi og þeir verða að velta því fyrir sér af
hverju þeir eru yfir höfuð í fótbolta. Við fengum nóg af færum
í leiknum og það er alveg ótrúlegt að menn geti ekki
einbeitt sér á svona stundum eins og þegar við vorum
að klikka í dag.“
Fylkismenn voru sterkari aðilinn í fyrri hálfleik en Kefl-
víkingar tóku öll völd á leiknum í þeim síðari. Hins
vegar virtist ekkert ganga hjá þeim að skapa sér færi
og Fylkismenn beittu stórhættulegum skyndisóknum
inn á milli. Þrívegis þurftu Keflvíkingar að bjarga á
línu í leiknum. Vendipunktur leiksins var þegar að
Jóhannes Valgeirsson dæmdi umdeilda vítaspyrnu í vítateig heima-
manna sem Guðmundur Steinarsson skoraði úr. Þórir Hannesson, sem
hafði átt fínan leik fyrir Fylki, fékk sitt annað gula spjald fyrir brotið
og þar með rautt. Stuttu síðar lagði Guðmundur upp sigurmark
Keflvíkinga sem Jóhann Birnir Guðmundsson skoraði á laglegan
máta. Keflvíkingar fögnuðu þar með sínum fyrsta sigri síðan í lok
júní.
„Við þurftum að hafa trú á verkefninu og við ræddum um það í
hálfleiknum. Fylkismenn voru reyndar alltaf líklegir en stundum
þarf svona lagað að falla með manni. Þetta hefur verið svolítið
stöngin út hjá okkur að undanförnu og ég hélt að þetta
ætlaði ekki að detta í dag. En sem betur fer gerðist það,“
sagði Willum Þór Þórsson, þjálfari Keflavíkur. Hann segir
sína menn ekki hafa sagt sitt síðasta í toppbaráttu deildar-
innar. „Við ætlum okkur að vera í toppbaráttunni og erum enn
í þeim pakka. Mér er létt eftir þennan sigur en fyrst og fremst
svo ánægður með að leikmenn misstu ekki hausinn hér í dag.“
ÓLAFUR ÞÓRÐARSON: ÞJÁLFARI FYLKIS AFAR ÓSÁTTUR EFTIR TAP FYRIR KEFLAVÍK Á HEIMAVELLI
Fyrst og fremst algjör aulaskapur leikmanna
Selfoss krækti í líflínu á Hlíðarenda
Selfyssingar unnu mikilvægan sigur á Haukum í botnslag deildarinnar í gær, 3-2. Bæði lið voru mætt til að
sækja en varnarturninn Agnar Bragi Magnússon skoraði sigurmarkið.
MIKILVÆGT SIGURMARK Agnar Bragi Magnússon tryggði Selfoss 3-2 sigur á Haukum á Vodafonevellinum í gær en þetta mark
hans gæti skipt öllu fyrir liðið í harðri fallbaráttu sem er fram undan. FRÉTTABLAÐIÐ/VALLI