Fréttablaðið - 18.08.2010, Qupperneq 12

12 18. ágúst 2010 MIÐVIKUDAGUR
SAMGÖNGUR Samkvæmt „opinni
bók“, samkomulagi Eimskips og
ríkisins sem gildir til 1. septemb-
er á næsta ári, greiðir Vegagerðin
mismun gjalda og tekna af sigl-
ingum Herjólfs til Eyja.
Þetta þýðir að ríkið greiðir það
sem Eimskip vantar upp á til að
reksturinn standi á núlli. Eim-
skip fær fasta summu í þóknun
og getur því ekki tapað á fram-
takinu.
Þetta staðfestir Kristín H.
Sigur björnsdóttir, framkvæmda-
stjóri hjá Vegagerðinni.
Áður greiddi Vegagerðin ákveð-
ið verð fyrir hverja ferð, sam-
kvæmt útboði. En siglingar á nýju
leiðinni voru ekki boðnar út.
„Það hefði verið erfitt að bjóða
þetta út, því við höfum ekki
reynslu af nýju leiðinni. Eimskip
var með samning um að sigla til
Þorlákshafnar og það var ákveðið
að semja svona frekar en að fara
að semja í óvissu og fá eitthvert
rugltilboð,“ segir Kristín.
Þar sem farið var að nýta nýju
höfnina áður en gamli samning-
urinn við Eimskip rann út hefði
hugsanlega
þurft að kaupa
skipafélagið út
úr honum með
tilheyrandi
kostnaði.
Kristín segir
þó að með þess-
ari tilhögun sé
ekki verið að
afhenda Eim-
skipafélaginu
opið tékkhefti.
„Við munum auðvitað ekki sam-
þykkja hvað sem er. Það er búið
að setja niður ramma sem við
miðum við og er negldur niður
á fasta liði. Ef sú áætlun fer úr
böndunum þá getum við rakið
hvers vegna það er. En stærsti
óvissuþátturinn er tekjumyndun-
in, það er að segja hversu margir
koma til með að nýta sér þjónust-
una,“ segir hún.
Eins og komið hefur fram í
blaðinu gæti svo farið að ríkið
hagnist á nýja fyrirkomulaginu.
Nú þegar hafa fleiri siglt með
Herjólfi frá Landeyjahöfn en gert
var ráð fyrir. - kóþ
Ríkið borgar það sem út af stendur af siglingum Herjólfs til Vestmannaeyja allt til 1. september 2011:
Eimskip getur ekki tapað á siglingunum
KRISTÍN H. SIGUR-
BJÖRNSDÓTTIR
BJÖRGUN Mikið annríki var hjá
Landhelgisgæslunni aðfaranótt
þriðjudags og fram undir hádegi,
en TF-LÍF, þyrla Landhelgisgæsl-
unnar, var kölluð út fjórum sinn-
um á rúmum hálfum sólarhring.
Fyrst var óskað eftir þyrlunni
klukkan 19 á mánudagskvöld. Var
það vegna sjómanns með bólgur í
munnholi um borð í norskum tog-
ara um 175 sjómílur norðvestur
af Reykjavík. Lenti þyrlan með
sjúklinginn á Reykjavíkurflug-
velli um klukkan 22.30. Rétt um
það leyti hafði Landhelgisgæsl-
unni borist tvær tilkynningar til
viðbótar. Önnur var vegna manns
sem hafði fengið heilablóðfall í
Öræfum og hin síðari vegna sjó-
manns sem slasaðist um borð í
fiskibáti við Grímsey.
Þyrlan fór í loftið 23.45 á mánu-
dagskvöldið til að fara í Öræfin og
lenti með sjúklinginn við Land-
spítalann um hálf þrjú. Tæpri
klukkustund síðar var flogið til
Grímseyjar, þar sem var mikil
þoka og lélegt skyggni. Flugtím-
inn var lengri en áætlað var vegna
ísingar og lent var í eynni um
klukkan fimm. Lent var við Borg-
arspítalann rétt fyrir klukkan sjö
á þriðjudagsmorgun. Um leið og
björgunarsveitarmenn komu úr
þriðja útkallinu fóru þeir í hvíld,
sem gerði það að verkum að þegar
fjórða útkallið kom, klukkan 11.51
á þriðjudag, þurfti að kalla út bak-
vakt og ræsa einn mann úr fríi til
að sinna björgunarstarfi.
Sú tilkynning barst frá Eld-
hrauni þar sem kona hafði hlot-
ið höfuðmeiðsl við hellaskoðun. Í
þessu fjórða útkalli á skömmum
tíma var TF-GNÁ notuð og lagði
hún af stað klukkan 12.26 og flaug
Fjögur útköll
á 15 tímum
Óvenjumikið annríki hjá þyrlu Landhelgisgæslu.
Ræsa þurfti út bakvakt til að sinna störfum. Hver
flugtími þyrlunnar kostar um 400 þúsund krónur.
TF-GNÁ Á LEIÐ Í ÚTKALL UM HÁDEGI Í GÆR Ekki er vitað til þess að svo mörg útköll
hafi borist Landhelgisgæslunni á einum degi. FRÉTTABLAÐIÐ/VILHELM
S
tS
t_
10
04
26
-0
05
ÁSTRALÍA, AP Julia Gillard, for-
sætisráðherra Ástralíu, vill slíta
tengslin við breska konungdæm-
ið þegar Elísabet drottning verð-
ur öll.
Gillard er leiðtogi Verkamanna-
flokksins, sem lengi hefur verið
þeirrar skoðunar að Ástralía eigi
að gerast lýðveldi og losa sig við öll
tengsl við breska konungs veldið.
Tony Abbott, leiðtogi Frjáls-
lynda flokksins, sem er í stjórnar-
andstöðu, segist hins vegar ekki
sjá neina ástæðu til að breyta því
fyrirkomulagi.
Gengið verður til þingkosninga
í Ástralíu á laugardaginn kemur.
Samkvæmt skoðanakönnunum
verður mjótt á mununum milli
stóru flokkanna tveggja.
Elísabet drottning er 84 ára og
móðir hennar náði 101 árs aldri.
- gb
Forsætisráðherra Ástralíu vill stofna lýðveldi:
Elísabet verði síðasta
drottning Ástrala
ELÍSABET Í ÁSTRALÍU Kom þangað síðast
2006. NORDICPHOTOS/AFP
HEILBRIGÐISMÁL Stefnt er að því að
útboð vegna bólusetningar allra
ungbarna gegn pneumókokkasýk-
ingum verði auglýst ekki síðar
en 29. ágúst næstkomandi. Heil-
brigðisráðuneytið áformar að
hefja bólusetningarnar 1. apríl á
næsta ári.
Ráðgert er að að öll börn sem
fæðast árið 2011 verði bólusett.
Áætlaður kostnaður vegna
bólusetninganna er á bilinu 100
til 140 milljónir króna á ári.
Álfheiður Ingadóttir heilbrigð-
isráðherra segir að við bólusetn-
ingu af þessu tagi dragi strax úr
eyrnabólgum og notkun sýkla-
lyfja minnki. Helmingur af sýkla-
lyfjanotkun á Íslandi sé af völd-
um eyrnabólgu. - jss
Bólusetning hefst næsta vor:
Útboð vegna
bólusetningar
við eyrnabólgu
TVÍRADDA SÖNGVARI Hudson Pran-
anjaya heitir þessi söngvari sem kom
fram í hæfileikakeppni á Indónesíu,
klæddur í kvenmannsföt öðrum megin
en karlmannsföt hinum megin og
söng bæði sópran og barítón.
NORDICPHOTOS/AFP
19.00 TF-LÍF fer til hjálpar sjómanni með
bólgur í munnholi í norskum
togara um 175 sjómílur norðvestur
af Reykjavík.
23.30 Lendir með sjúklinginn á Reykjavík-
urflugvelli.
23.45 Þyrlan heldur í Öræfin til að ná
í mann sem fengið hafði heila-
blóðfall.
02.30 Lendir með sjúklinginn á Landspít-
alanum.
03.30 Flogið til Grímseyjar til að sækja
mann sem hafði slasast um borð
í fiskibát.
07.00 Lent var á Borgarspítalanum rétt
fyrir 7 á þriðjudagsmorgun.
12.26 TF-GNÁ heldur í Eldhraun til
að ná í konu sem slasaðist við
hellaskoðun.
14.17 Lendir á Borgarspítalanum.
Óvenjumörg útköll
með konuna á Landspítalann.
Hrafnhildur Brynja Stefáns-
dóttir, upplýsingafulltrúi Land-
helgisgæslunnar, segist ekki vita
til þess að svona mörg útköll hafi
borist á svo skömmum tíma. „Það
þurfti aðeins að taka á honum
stóra sínum,“ segir hún.
Hrafnhildur segir að hver flug-
tími þyrlunnar kosti í kringum
400 þúsund krónur. „TF-LÍF er að
fara á staði þar sem enginn annar
kemst. Út á sjó, upp á hálendi, nær
hvernig sem veðrið er,“ segir
Hrafnhildur. „Þetta eru mikilvæg
björgunartæki sem auðvitað kost-
ar gríðarlega mikið að halda við.
Búnaðurinn er viðkvæmur og því
krefst hann mikils og nákvæms
viðhalds. Þetta er hluti af því að
reka björgunarstarfsemi.“
sunna@frettabladid.is