Morgunn - 01.12.1947, Síða 7

MORGUNN
85
niður frá hökunni, drjúpa niður líkamann og mynda eins
og hvíta svuntu, eða streyma í formlausum mökkum út frá
vitum miðilsins. Þegar þetta efni er snert, eða þegar óheppi-
legt ljós fellur á það, hrökk það aftur inn í líkama miðilsins,
mjúklega og fljótt, eins og fálmangar á krabba. Ef tekið var
eða klipið í það, rak miðillinn upp hátt hljóð. Það kom í
gegn um fatnað, en skildi þó naumast merki þess á fatn-
aðinum. Með leyfi miðilsins var lítið stykki skorið af þessu
efni. Það leystist upp í dós, sem það var látið í, eins og það
hefði verið snjór, og skildi eftir gufu og sellur líkast og
væri eftir svepp. Smásjáin leiddi einnig í ljós sellur frá slím-
húðinni, sem þetta efni sýndist stafa frá.
Rétt er að geta þess, að við þessar tilraunir var hafður
sá siður spíritistanna, að tjaldaður var klefi í kring um
miðilinn, en sá klefi er kallaður byrgi. Þarna sat miðillinn
á stóli, en ævinlega með framréttum höndum í öryggis
skyni. Tilgangurinn með því að hafa þetta byrgi er sá, að
þar safnast fyrir efni, sem líkist mest þoku eða eim, og er
nauðsynlegt til þess að ectoplasmað komi fram. Á þessu
vantar vísindalegar skýringar, en reynslan sýnir, að þetta
byrgi kring um miðilinn er nauðsynlegt til þess að þétta
efnið og safna því saman. Hinar sérkennilegu, bogadregnu
slæður, sem maður sér á andamyndum, eru ráðstafanir,
sem stjórnandinn hinu megin frá gerir í þessu augnamiði,
og sjálfur hefi ég oft séð, að andaljósin, sem sjást á trans-
fundum, eru hjúpuð einhverju þunnu efni, og er það ber-
sýnilega einnig gert í sama augnamiði.
Uppgötvun þessa einkennilega efnis, ectoplasma, er eitt
nóg til þess að gera þessar tilraunir stórkostlega merkileg-
ar, en hitt er þó miklu merkilegra við þær, að þær svara
spurningunni, sem margir munu bera upp í sambandi við
þetta, spurningunni: ,,en í hverju sambandi stendur allt
þetta við anda?“ Það skaltu vita, hversu ótrúlegt sem þér
kann að finnast það, að þegar þetta dularfulla efni er komið
fram, byrjar það hjá sumum miðlum, og þar á meðal hjá
-Evu, að taka á sig ýmiskonar myndir, og þessar myndir