Morgunn - 01.06.1976, Side 67

BHAGAVAD GITA
65
dómnum ti'l dýrðar, án þess að vera bundin hugsun um þakk-
læti eða umbun; fórn Rajas-eðlis er færð ón trúarlotningar,
í eigingjömum tilgangi, til að sýnast fyrir heiminum, í von
um bæði veraldargengi og laun á hinum. Fórn Tamas-eðlis
er færð í blindni og án skilnings á markmiðum, og gjörsneidd
göfgi og trúarlotningu. Slík fórn á upptök sín í skauti myrk-
ursins. — Gjafir af eðli Sattwa eru gefnar af góðleik og mildi;
af eðli Rajas, til að hagnast og öðlast völd; af eðli Tamas,
á fölskum forsendum til að blekkja og í óhreinum tilgangi.
— Fæða af eðli Sattwa er ljúffeng og bragðgóð, mild, styrkj-
andi og heilnæm; af eðli Rajas, beizk, súr og bragðsterk, og
leiðir af sér vanlíðan og líkamskvöl; af eðli Tamas, spillt og
daunill fæða, sem er ógeðfeld og óholl; slík fæða fellur í
smekk hins myrka eðlis, og hún er óhæf í sambandi við aRa
helgiiðkun.
Hinir trúuðu framkvæma allar sínar atihafnir í anda Brah-
man, svo sem fyrir er mæll í helgiritunum, því frá honum,
fyrir hann og til hans eru allir hlutir og öll verk. Helgiorðin
OM-TAT-SAT tákna Guðdóminn, Brahman, og þannig hefja
hinir trúuðu athafnir sínar allar með þvi að nefna orðið
OM og helga þau Honum; til merkis um að athöfnin sé óeig-
ingjörn fórn til Hans nefna þeir orðið TAT á meðan á at-
höfninni stendur; og að henni lokinni afsala þeir sér og helga
Hinum Hæzta ávöxtu kærleiksverka sinna, með því að nefna
orðið SAT, en orðið merkir hið háleita, góða og sanna, en
einnig einlæga og trúfasta fórnfærslu, Drottni til dýrðar. —
En verk sem unnin eru án trúarþels og guðsótta nefnast
ASAT, og þau eru einskis nýt, bæði í þessum heimi og þeirri
veröld er við tekur.
Segja mætti að inntak þessa kafla í heild sé í stuttu máli,
að engin huglæg trú, sem ekki birtist í verki sé raunhæf, því
engin hugsun, hversu falleg sem hún kann að vera, er neins
virði nema hún eigi sér framkvæmi í nytsemd, þ.e. fæði af
sér gagnsöm, fögur verk. En til þess að þetta megi verða
útheimtist einlægt trúarþel með öllum þeim eiginleikum, sem
lýst er í þessum kafla, en ef trúarþelið vantar verður verkið
5