Fréttablaðið - 16.11.2010, Page 18

NN Cosmetics er ný förðunarlína byggð á hinu þekkta vörumerki
No Name Cosmetics. Kristín Stefánsdóttir, snyrti- og förðunarmeistari,
hannaði línuna sem verður meðal annars til sölu í Baðhúsinu. Kristín
verður með reglulegar kynningar á línunni þar. www.badhusid.is
Konur sem eru of feitar eiga frem-
ur á hættu að fá meðgöngueitrun,
meðgöngusykursýki, háþrýsting
og grindarverki á meðgöngunni.
Einnig er algengara að beita þurfi
inngripum í fæðinguna hjá þess-
um konum, setja fæðingu af stað
eða taka barnið með keisara-
skurði.
Þetta eru niðurstöður rann-
sóknar sem þau Ólöf Jóna Elías-
dóttir, deildarlæknir á LSH,
Hildur Harðardóttir, kvensjúk-
dóma- og fæðingarlæknir, og
Þórður Þorkelsson barnalæknir
gerðu á áhrifum þyngdar verð-
andi mæðra á meðgöngu, fæð-
ingu og nýbura. Niðurstöðurn-
ar eru birtar í nýjasta tölublaði
Læknablaðsins.
Mæðrunum tilvonandi, sex
hundruð að tölu, var skipt niður
í þrjá hópa: þær sem voru í kjör-
þyngd, með BMI frá 19 til 24,9,
þær sem voru í ofþyngd, með
BMI á bilinu 25 til 30 og svo þær
sem voru of feitar, með BMI yfir
30. „Niðurstöðurnar komu ekki á
óvart,“ segir Ólöf Jóna „nema að
því leyti að það var ekki mark-
tækur munur á þeim sem voru í
ofþyngd og kjörþyngd. Fyrirfram
áttum við von á því að allar sem
væru yfir kjörþyngd mundu koma
svipað út. Það er engu að síður
mikilvægt að leggja áherslu á
þessar niðurstöður þar sem unga
fólkið er almennt að fitna og þegar
fólk fer að huga að barneignum er
mikilvægt að huga að þyngdinni
og reyna að koma sér í kjörþyngd
fyrir meðgönguna.“
En hvað með nýburana, var
munur á þeim eftir þyngd
mæðranna? „Börn mæðra í offitu-
hópnum voru bæði stærri og með
stærra höfuðmál,“ segir Ólöf. „Ef
höfuðið er mjög stórt getur það
leitt til þess að gera þurfi keis-
araskurð. Nýburar kvenna í off-
ituhópnum þurftu einnig oftar eft-
irlit og innlögn á nýburagjörgæslu
eftir fæðinguna. En þessi rann-
sókn var ekki alveg nógu stór til
þess að fá fram þessa sjaldgæfu
fylgikvilla hjá börnunum, eins
og andvana fæðingar og fæðing-
argalla, sem erlendar rannsókn-
ir hafa sýnt fram á að geta tengst
offitu mæðranna.“
Ólöf Jóna er sjálf heima í fæð-
ingarorlofi og hlær góðlátlega
þegar hún er spurð hvort hún sé
ekki örugglega í kjörþyngd. „Jú,
jú, einmitt, ég er það. Enda er það
eins gott.“ fridrikab@frettabladid.is
Mikilvægt að vera í
kjörþyngd á meðgöngu
Niðurstöður nýrrar rannsóknar benda til að offita auki líkur á meðgöngukvillum, vandkvæðum í fæðingu
og keisaraskurði. Ekki er marktækur munur á meðgöngukvillum kvenna í kjörþyngd og ofþyngd.
Mikilvægt að reyna að koma sér í kjörþyngd fyrir meðgönguna, segir Ólöf Jóna Elíasdóttir, sem sjálf er nýorðin móðir.
Fréttablaðið/anton
Grænn kostur
Skólavörðustíg 8
101 Reykjavík
Sími: 552 2028
www.graennkostur.is
Réttur dagsins
kr.
Nú stórlækkum við verðið á rétti
dagsins í nóvember. Með þessu móti
viljum við koma á móts við þá fjölmörgu
sem vilja borða grænt og hollt fyrir jólin.