Fréttablaðið - 23.11.2010, Page 20

23. nóvember 2010 ÞRIÐJUDAGUR20
timamot@frettabladid.is
18
Kirkjugarðurinn við Suðurgötu, Hólavallagarður,
var vígður og fyrsta greftrun fór þar fram fyrir 172
árum. Hólavallagarður er stærsti íslenski kirkju-
garðurinn frá nítjándu öld og tók við af kirkjugarði
Víkurkirkju, sem stóð þar sem nú er torg á gatna-
mótum Aðalstrætis og Kirkjustrætis. Þegar búið
var að úthluta öllum gröfum í garðinum 1932 tók
Fossvogskirkjugarður við sem aðalkirkjugarður
borgarinnar. Enn er þó stundum grafið í Hólavalla-
garði, í gamla fjölskyldugrafreiti sem hafa verið frá-
teknir lengi.
Í bókinn Minningarmörk í Hólavallagarði, eftir
listfræðinginn Björn Th. Björnsson er Hólavalla-
garður sagður stærsta og elsta minjasafn Reykja-
víkur. Hann er heimild um list- og táknfræði, per-
sónusögu og ættfræði og stefnur í byggingarlist,
minningarmörkum, garðyrkju og handverki, en til
að mynda eru lágmyndir af látnum á þó nokkrum
legsteinum, margar eftir myndhöggvarana Einar
Jónsson og Ríkharð Jónsson.
Garðurinn var tilnefndur til umhverfisverðlauna
Norðurlandaráðs 2005.
ÞETTA GERÐIST: 23. NÓVEMBER 1838
Hólavallakirkjugarður vígður
MILEY RAY CYRUS söng- og leikkona er 18 ára.
„Ég vil ekki vera fullkomin, en samt vera öðrum stúlkum fyrirmynd. Mamma hefur
alltaf sagt að ófullkomleiki jafngildi fegurð og sannarlega erum við öll svo ófullkomin.“
Ástkær faðir okkar, tengdafaðir, afi og
langafi,
Ólafur Hafþór
Guðjónsson
bifreiðarstjóri, Brúnavegi 5,
lést á Landspítalanum við Hringbraut laugardaginn 20.
nóvember síðastliðinn. Jarðarförin auglýst síðar.
Björg Ólafsdóttir Magnús Magnússon
Daníel Ólafsson
Guðjón Hafþór Ólafsson Þuríður Edda Skúladóttir
Barnabörn og barnabarnabörn
Ástkær móðir okkar, tengdamóðir,
amma og langamma,
Guðrún Ólafsdóttir
Norðurbrún 1,
lést á Landspítala Fossvogi 11. nóvember síðastliðinn.
Útförin hefur farið fram í kyrrþey að ósk hinnar látnu.
Auður Hreinsdóttir Kristinn Ögmundsson
Kristján Hreinsson
Svanberg Hreinsson
barnabörn og barnabarnabörn.
Elsku faðir okkar, tengdafaðir,
afi og langafi,
Emil Sigurðsson
vélstjóri,
frá Hafnarnesi við Fáskrúðsfjörð, síðast til heimilis
að Vesturgötu 7, Reykjavík, lést þann 18. nóvember á
Dvalarheimilinu Grund við Hringbraut. Útför hans
fer fram fimmtudaginn 25. nóvember kl. 11.00 frá
Neskirkju, Reykjavík.
Þeim sem vilja minnast hans er bent á Félag
aðstendanda Alzheimersjúklinga,
sími 867 1684, www.alzheimer.is
Gunnhildur Emilsdóttir
Olga Hörn Fenger
Emil Fenger Ásgerður Egilsdóttir
Ásdís Lilja Emilsdóttir Kristján Ingi Einarsson
Rósa Hrund Kristjánsdóttir Haraldur Bergmann Ingvarsson
Hildur Helga Kristjánsdóttir Egill Sigurjónsson
Lilja Kristjánsdóttir
og barnabarnabörn
Hjartans þakkir fyrir auðsýnda
ástúð, vináttu og samúð við andlát
og útför eiginkonu minnar, móður,
tengdamóður, ömmu og langömmu
okkar,
Kristborgar
Benediktsdóttur
Miðleiti 5, Reykjavík.
Megi gæfa og blessun fylgja ykkur öllum.
Kristján Oddsson
Elínborg Þórarinsdóttir
Benedikt Kristjánsson Rósa Kristjánsdóttir
Sigríður Kristín Kristjánsdóttir
Már Kristjánsson Halla Ásgeirsdóttir
Oddur Kristjánsson Hafdís Sigurðardóttir
Barna- og barnabarnabörn.
Ástkær móðir mín,
Edel Einarsson
andaðist í Skælskør í Danmörku fimmtudaginn
18. nóvember. Útför hennar fer fram frá Sankt Nikolais
kirke í Skælskør laugardaginn 27. nóvember kl. 11.00.
Fyrir hönd fjölskyldunnar
Atli Ágústsson
Ástkær eiginmaður, faðir, tengdafaðir,
afi og langafi,
Einar Hafsteinn
Guðmundsson
skipstjóri, Reykjanesvegi 10, Njarðvík,
lést á heimili sínu þann 21. nóvember síðastliðinn.
Ása Lúðvíksdóttir
Gísli Hafsteinn Einarsson Kolbrún Sigurðardóttir
Guðrún Einarsdóttir Árni Blandon Einarsson
Sólveig Einarsdóttir Gunnar Már Eðvarðsson
Magnús Einarsson Salvör Jóhannesdóttir
barnabörn og barnabarnabörn.
„Ég legg mikla áherslu á gæði kennslu
og rannsókna og að stutt sé á milli
starfsmanna og nemenda. Því von-
ast ég til að taka þátt í kennslu og
rannsóknum áfram þó ég taki að mér
stjórnina um áramótin,“ segir Guð-
mundur Sigurðsson, nýr forseti laga-
deildar Háskólans í Reykjavík. Hann
hefur verið við deildina frá 2003, fyrst
dósent í tvö ár og prófessor eftir það.
Áður en við fjöllum frekar um lögfræð-
ina og HR er Guðmundur inntur eftir
uppruna og námsferli.
„Ég er fæddur 1960. Er Ólafsfirð-
ingur og fór í Menntaskólann á Akur-
eyri. Kláraði stúdentinn 1981 og var þá
allsendis óviss hvert ég vildi stefna og
endaði með að fara í íþróttafræðinám
til Alabama í sex mánuði. Um tvítugs-
aldurinn byrjaði ég að æfa og keppa í
frjálsum íþróttum, fór í Íþróttakennara-
skólann á Laugarvatni og kenndi síðan
við Árbæjarskóla og þjálfaði frjálsar
íþróttir bæði hjá Breiðabliki og UMSK.
Það var áhugavert en ég sá mig ekki
verða gamlan í því fagi og lögfræðin
blundaði í mér.“
Guðmundur hóf laganám við Háskóla
Íslands 1986 og lauk námi fyrri hluta
árs 1991, gerðist þá fulltrúi sýslumanns
á Ísafirði í hálft ár en flutti til Noregs
haustið 1991, ásamt eiginkonunni. „Ég
fékk rannsóknarstöðu við Norrænu sjó-
réttarstofnunina við háskólann í Ósló
1992 og upp úr því byrjaði ég í doktors-
námi sem ég lauk við á miðju ári 1996.
Þegar ég kom heim fór ég að vinna hjá
Tryggingamiðstöðinni, var þar í átta
ár og kunni stórvel við mig,“ segir
Guðmundur sem fékk hérðasdómslög-
mannsréttindi 1997 og hæstaréttarlög-
mannsréttindi 2004.“
Áhuginn á íþróttum er enn til staðar
hjá Guðmundi. „Ég er gamall keppnis-
maður í frjálsum og síðustu árin hef ég
sett aðeins undir mig hausinn og byrj-
að að hlaupa langhlaup, bæði það sem
kallast fjallahlaup og maraþon. Það
gengur vel enda er ég ekki týpan sem
fer í hlaup bara til að vera með. Mér
finnst ég verða að komast eins framar-
lega og mér er unnt ef ég tek þátt.“
Þá er það lögfræðin. Hvað finnst
Guðmundi um umræðuna upp á síð-
kastið um að kennslan í lögfræði á
Íslandi sé í hálfgerðum molum?
„Umræðan er af hinu góða þó sumt
sem sagt hefur verið sé ekki jafn-
heppilegt. Sú þróun að fjölga skólum
sem kenna lögfræði hefur leitt til þess
að laganám í dag er betra en það var.
Það þori ég að fullyrða með hönd á
hjarta. Laganemar sem útskrifast nú
eru betur í stakk búnir til að takast
á við þau störf sem bíða þeirra en ég
var á sínum tíma. Ég tel heldur ekki
ástæðu til að taka einn skóla út úr og
hygla honum á kostnað annarra. Skól-
inn skiptir vissulega máli en þegar öllu
er á botninn hvolft er það nemandinn
sem þarf að standast þær kröfur sem
gerðar eru, bæði í námi og eftir að
hann lýkur því.“
Næg verkefni virðast vera fyrir alla
sem útskrifast úr lögfræði að sögn
Guðmundar. „Þegar ég ákvað að fara í
lögfræði sagði einn samkennari minn í
Árbæjarskóla. „Lögfræði, bíddu við. Er
pabbi þinn lögmaður?“ „Nei,“ svaraði
ég. „Þá hlýtur afi þinn að vera sýslu-
maður.“ „Ekki heldur.“ „Hvernig dett-
ur þér þá í hug að fara í lögfræði? Þú
færð aldrei vinnu.“ Þessu er sem sagt
búið að halda fram í áratugi. Það sem
hefur breyst er að námið er orðið mun
breiðara en það var og þó allir nemend-
ur sem útskrifast eigi að sjálfsögðu að
ráða við lögmennsku og dómarastörf
þá er þeirra þörf svo miklu víðar við
lausnir á álitaefnum.“ gun@frettabladid.is
GUÐMUNDUR SIGURÐSSON: RÁÐINN FORSETI LAGADEILDAR HR
Er keppnismaður í eðli sínu
NÝR FORSETI LAGADEILDAR HR Námið
er orðið mun breiðara en það var og
þótt allir nemendur sem útskrifast eigi
að sjálfsögðu að ráða við lögmennsku
og dómarastörf er þeirra þörf svo miklu
víðar við lausnir á álitaefnum,“ segir
Guðmundur.
FR
ÉT
TA
B
LA
Ð
IÐ
/S
TE
FÁ
N