Fréttablaðið - 09.02.2011, Side 17

MIÐVIKUDAGUR 9. febrúar 2011 17
Undirrituð er einlægur stuðnings-maður alþjóðlegs samstarfs og telur
að það sé grundvöllur þess að stuðla
megi að friði og auknum mannréttindum
meginþorra mannkyns. Í ljósi
þeirra hugsjóna hef ég horft
jákvæðum augum á aðild
Íslands að ESB sem mér finnst
hafa gegnt lykilhlutverki í að
koma á friði og aukinni velferð
í Evrópu. ESB var sett á lagg-
irnar eftir síðari heimsstyrj-
öldina til að koma á og við-
halda friði. Þegar múrinn féll
var ESB lykilaðili í að nútíma-
væða og endurbyggja Austur-
Evrópulöndin og ef til vill
hefði sá gjörningur ekki geng-
ið jafn vel fyrir sig ef ESB
hefði ekki verið til staðar. ESB átti ríkan
þátt í að binda enda á kalda-stríðið og
koma á stöðugleika og hagsæld í fyrrum
lýðveldum Sovétríkjanna.
Evrópuumræðan á Íslandi snýst
sjaldan um þau atriði sem hér hafa verið
nefnd heldur einblína Evrópusinnar og
Evrópuandstæðingar á hagsmuni Íslands
sem snúa þá yfirleitt að ákveðnum
atvinnugreinum t.d. sjávarútvegi og land-
búnaði. Hagsmunasamtökin sem hræðast
sambandið mest eyða miklum fjármunum
og ekki síður pólitískum ítökum í að koma
í veg fyrir að þjóðin geti rætt eða tekið
ákvörðun um hvernig hún vill þróa sam-
band sitt við ESB. Ég segi sambandið því
það er nákvæmlega það sem við erum
að tala um, við erum búin að vera trú-
lofuð ESB síðan 1994 þegar við tókum
þátt í EES-samningnum. Þátttaka sem
hefur skilað okkur öflugra háskólastarfi
og nútímavæðingu menntakerfisins. Nú
er spurningin, viljum við ganga lengra í
sambandi okkar við Evrópusambandið,
viljum við ganga upp að altarinu?
Ef við segjum já þá erum við ekki ein-
göngu að segja að við treystum því að
hag okkar sé borgið í sambandinu heldur
einnig að við höfum eitthvað fram að
færa, að við séum rödd sem ætlar sér að
taka virkan þátt í þróun sambandsins. Ef
við segjum nei þá erum við að segja að
við teljum hag okkar betur borgið utan
sambandsins og við teljum
að Ísland eigi ekki að vera
þátttakandi í þróun sam-
starfs Evrópuríkja. Það er
undir okkur öllum komið að
taka þessa ákvörðun og til
þess að við getum gert það
af einhverju viti þá þurfum
við að kynna okkur málin
vel.
Í upphafi ræddi ég um
friðarbandalagið ESB. Nýir
tímar kalla á nýjar áherslur
og stærsta vandamál jarðar-
búa í dag snýr að loftslags-
breytingum og umhverfismálum. Glöggt
má sjá þegar rýnt er í áherslur ESB á
sviði rannsókna og nýsköpunar að það
sem sett er á oddinn er vistvæn orka,
orkunýting og rannsóknir á áhrifum
loftslagsbreytinga á gróðurfar og þar
með mannlíf. Nú er ég ekki að segja að
samkomur Sameinuðu þjóðanna og OECD
hafi ekki sín áhrif á þróun þessara mála
en ég tel að virkt samstarf á borð við
ESB þar sem til er fjármagn og ferli til
að stýra þróunarvinnu sé það eina sem
dugar í slíkum málum. Mig grunar að til
þess að mannkynið komi sér saman um
leiðir að markmiðinu þá þurfi hver og
einn að gefa eitthvað eftir af sínu full-
veldi og deila gæðum sínum með öðrum
þjóðum ekki bara til að auka á hagsæld
heldur til að bjarga mannslífum í heimi
sem einkennist af fátækt, misrétti og
mannréttindabrotum.
Hagsmunatog eða hugsjónir
Ísland og ESB
Stefanía
Kristinsdóttir
framkvæmdastjóri
ÞNA á Austurlandi
Ný og breytt inntökuskilyrði í Öskju-hlíðarskóla útiloka stóran hóp þroska-
hamlaðra frá skólanum. Með því að meina
börnum með þroskahömlun um skólavist
í sérskóla brjóta fræðsluyfirvöld 17. grein
grunnskólalaga frá 2008 þar sem segir:
„Telji foreldrar barns, skólastjórar, kenn-
arar eða aðrir sérfræð-
ingar að það fái ekki
notið kennslu við sitt
hæfi í almennum grunn-
skóla geta foreldrar sótt
um skólavist fyrir barnið
í sérúrræði innan grunn-
skóla eða í sérskóla.“
Í reglugerð um nem-
endur með sérþarfir frá
2010, 2.grein, 3. máls-
grein segir: „Með sér-
úrræði er átt við skóla-
vist sem kallar á málsmeðferð skv. V og
VI kafla, þ.e. í sérdeildum sem reknar eru
innan tiltekinna grunnskóla, skólavist í
sérskóla þar sem slíkt úrræði er til staðar
og sjúkrakennslu. Almennur stuðningur
við nemendur í kennslustundum telst ekki
til sérúrræða í þessum skilningi.“
Það að foreldrar geti sótt um skólavist í
sérúrræði eða sérskóla felur í sér að sér-
skóli eða sérdeild sé raunverulegur val-
kostur sem standi til boða. Í greininni
stendur ekki: „geta reynt en það þýðir
ekki neitt.“ Sveitarfélögum hlýtur að vera
skylt að sjá til þess að þessi úrræði séu til
staðar
Ef ný og breytt inntökuskilyrði í Öskju-
hlíðarskóla eiga að standa þarf að breyta
lögunum þannig að fram komi að foreldr-
ar sumra barna sem ekki fái notið kennslu
við sitt hæfi í almennum grunnskóla, geti
sótt um skólavist fyrir barnið í sérskóla.
Slíkt stríðir þó gegn stjórnarskrá lýð-
veldisins þar sem segir í annarri máls-
grein 76.greinar: „Öllum skal tryggður í
lögum réttur til almennrar menntunar og
fræðslu við sitt hæfi.“
Þótt í lögunum segi að foreldrar geti
sótt um skólavist í sérúrræði eða sér-
deild innan grunnskóla þá eru það orðin
tóm fyrir foreldra þroskahamlaðra barna
því slíkar deildir eru ekki starfræktar
lengur.
Ef fræðsluyfirvöld vilja fara að lögum
og virða stjórnarskrá lýðveldisins verða
þau að bjóða öllum
börnum sem ekki fá
notið kennslu við sitt
hæfi í almennum grunn-
skóla, uppá skólavist í
sérskóla eða sérúrræði
innan grunnskóla.
Þá er rétt að minna
fræðsluyfirvöld á þriðju
grein barnasáttmála
Sameinuðu þjóðanna
sem Ísland er aðili að,
en þar segir: „Það sem
er börnum er fyrir bestu skal ávallt hafa
forgang þegar teknar er ákvarðanir sem
þau varða.“
Ísland er einnig aðili að samningi Sam-
einuðu þjóðanna um fólk með fötlun en
þar segir í sjöundu grein: „Í öllum aðgerð-
um, sem snerta fötluð börn, skal fyrst og
fremst hafa það að leiðarljósi sem er við-
komandi barni fyrir bestu.“
Ég hvet fræðsluyfirvöld til að fara
að lögum þegar teknar eru ákvarðanir
sem varða þroskahömluð börn, setja í
forgang það sem þeim er fyrir bestu
og virða stjórnarskrá lýðveldisins. Ég
hvet fræðsluyfirvöld til að færa inntöku-
skilyrði Öskjuhlíðarskóla til fyrra horfs
þannig að skólinn standi öllum þroska-
heftum börnum til boða en ekki bara
sumum.
Brotið á fötluðum börnum
fatlaðir
Ásta Kristrún
Ólafsdóttir
sálfræðingur, kennari
og foreldri barns með
þroskahömlun
Þótt í lögunum
segi að foreldrar
geti sótt um skólavist í
sérúrræði eða sérdeild
innan grunnskóla þá
eru það orðin tóm.
Við erum
búin að
vera trúlofuð
ESB síðan 1994
þegar við tókum
þátt í EES-samn-
ingnum.