Fréttablaðið - 22.02.2011, Blaðsíða 16

22. 2
Íslandsmeistaramót barna og unglinga í kata fór fram á sunnudag og var þátttaka góð.
Breiðablik varð Íslandsmeistari félaga í flokki unglinga og varði þar með titilinn frá því í fyrra, en
Karatefélag Akraness varð Íslandsmeistari félaga í flokki barna.
„Ég hló dátt þegar ég las grein
um hugleiðsluaðferð til að losna
við fíknir, en ákvað að gefa henni
séns. Eftir það gerðust hlutirn-
ir hratt, en mesta breytingin var
að hætta að drekka, sem gerðist
óvænt, áreynslulaust og alveg af
sjálfu sér,“ segir myndlistarmaður-
inn Daði Guðbjörnsson, sem fyrir
fimm árum hóf að hugleiða að hætti
Sahaja-jóga. „Eins og aðrar fylli-
byttur taldi ég áfengi ekkert vanda-
mál og ætlaði aðeins að minnka
það, en sá fljótt hversu miklu betra
var að vera laus við Bakkus. Síðan
hefur mig ekki langað í glas,“ segir
Daði einlægur um ósvikinn mátt
jógans.
„Höfundur Sahaja-jóga er Shri
Mataji Nirmala Devi. Hugleiðslu-
aðferð hennar felur í sér hreinsun-
armátt sem gerir fólk svo öflugt og
hreint að allir agnúar þess hverfa
einn af öðrum, og árangur Sahaja
birtist iðkendum strax í minnk-
andi streitu, meiri ró og vellíðan.
Þá hefur verið vísindalega sannað
að reglulegar hugleiðsluæfingar
Sahaja geti unnið á vissum sjúk-
dómseinkennum og jafnvel læknað
þau að fullu,“ segir Daði og útskýrir
áhrifin þegar kundalini-orkan tekur
til í orkustöðvunum sex.
„Þá fáum við kitl í fingurna og
verðum mjög meðvituð um ósjálf-
ráða taugakerfið. Í orkustöðv-
unum býr sálarlíf okkar. Þegar
slaknar á þeim í hugleiðslu miss-
ir maður áhuga á áfengi, tóbaki,
mat og fleiri fíknum, ásamt því að
losna við hversdagsleg ónot eins og
kvíða og þyngsli fyrir framtíðinni.
Hvíldin verður algjör og margir
finna bót meina sinna í stoðkerf-
inu, eins og gigt, vöðvabólgu og
fleiru,“ segir Daði, sem kennir
Sahaja-jóga í sjálfboðavinnu.
„Jóga er alltaf tengt guðdómi og
trúarbrögðum. Ég hafði enga sér-
staka trú í upphafi og vitaskuld er
það engin nauðsyn, en svo finn-
ur maður árangurinn og þarf að
horfast í augu við að Guð er til.
Kundalini er orka heilags anda
sem liggur í dvala í spjaldhryggs-
beininu sem á grísku nefnist sacr-
um, eða heilagt bein. Jesús notaði
heilagan anda til lækninga og and-
inn læknar okkur ef við virkjum
hann,“ segir Daði og bætir við að
allir sem stundi Sahaja-jóga finni
stóra breytingu á lífi sínu.
„Fyrsta áþreifanlega breyt-
ingin er hvað manni líður betur
á sál og líkama. Ungur er maður
jákvæður og hugrakkur gagn-
vart lífinu en með árunum glat-
ast oft þeir hæfileikar. Nú finn ég
þá fæðast aftur, eins og í starfi
mínu sem listmálari, en á tímabili
fannst mér sköpunargáfan vera
að lokast. Sahaja hefur því breytt
mér þótt ég sé áfram ég sjálfur.
Allir njóta góðs af og jógað hentar
öllum, ekki síst þeim sem langar
til að breyta einhverju hjá sér.“
Opinn byrjendafundur er næst
7. mars. Sjá nánar á heimasíðunni
www.sahajayoga.is.
thordis@frettabladid.is
Kitlaður af heilögum anda
Listmálarinn Daði Guðbjörnsson losnaði óvænt við Bakkus úr lífi sínu þegar hann ákvað að prófa hug-
leiðsluaðferð Sahaja-jóga, en síðan hefur hann endurheimt glataða hæfileika og ríkulegri tilveru.
Daði uppgötvaði dásamleika tilverunnar upp á nýtt þegar hann byrjaði að hugleiða að hætti Sahaja-jóga. FRÉTTABLAÐIÐ/STEFÁN
Shri Mataji Nirmala Devi.
Barnafataverslunin Fiðrildið
Faxafeni 9 opið 11-18 og 12-18 laugardag og sunnudag.
www.fidrildid.is www.facebook.com/fidrildid
Faxafeni 9
Rýmingarsala verslunin lokar
allt á að seljast 40-70% afsláttur
DREKINN
WUSHU FÉLAG REYKJAVÍKUR
HEILSUDREKINN ¦ SKEIFAN 3J ¦ SÍMI: 553 8282 ¦ heilsudrekinn@heilsudrekinn.is ¦ www.heilsudrekinn.is
(KUNG-FU)
Taijiquan fyrir byrjendur
mánudaga, miðvikudaga kl. 18:15
og laugardaga kl. 9:15
WUSHU
QI GONG
TEYGJUR
TAICHI
Changquan fyrir byrjendur
mánudaga og miðvikudaga kl. 19:15
NÝTT!
Sjálfsvarnarnámskeið
fyrir konur
Vegna breytinga
á allt að seljast
í Herra Hafnarfirði
Dýrasta flíkin er á 4.990,-
Nýjar vörur eru ekki á útsölu
Allar nýjar gallabuxur á 8.900,-
Firði, Hafnarfirði • Sími 565 0073