Fréttablaðið - 22.02.2011, Blaðsíða 22

22. FEBRÚAR 2011 ÞRIÐJUDAGUR
**
*
*
*
*
*
*
*
*
*
*
* **
Eitt af mikilvægustu
hlutverkum Háskólans á
Akureyri er að bjóða upp
á ákveðið mótvægi við
höfuðborgarsvæðið.
„Sérstaða Háskólans á Akureyri
er persónulegt námsumhverfi.
Háskólinn er ekki mjög stór og
tengslin sem myndast, bæði milli
nemenda og kennara og einnig
innan bekkja, eru persónulegri en
gengur og gerist í stærri skólum,“
segir Dagmar Ýr Stefánsdóttir,
forstöðumaður markaðs- og
kynningarsviðs hjá Háskólanum á
Akureyri.
Háskólinn var stofnaður árið
1987 og í haust var stórum áfanga
í sögu hans náð þegar nýbygging
var tekin í notkun og öll kennsla
fluttist á einn stað í bænum. Þá
var tekið í notkun háskólatorg sem
hlotið hefur nafnið Miðborg og þar
með er öll þjónusta fyrir nemendur
og starfsfólk orðin aðgengilegri
og miðlægari. Dagmar segir að
eitt af mikilvægustu hlutverkum
Háskólans á Akureyri sé að
bjóða upp á ákveðið mótvægi við
höfuðborgarsvæðið. „Það er mjög
mikilvægt að fólk geti stundað
háskólanám á fleiri en einum
stað á landinu, ekki þurfi allir að
flytja til Reykjavíkur og eins að
fólk á höfuðborgarsvæðinu hafi
möguleika á að læra annars staðar.
Yfir tuttugu prósent nemenda okkar
koma frá höfuðborgarsvæðinu,
enda þykir mörgum spennandi að
geta prófað eitthvað nýtt án þess
að þurfa að flytja úr landi. Stærsti
hluti nemenda háskólans kemur þó
af landsbyggðinni og heldur áfram
að búa þar og starfa að námi loknu,“
segir Dagmar.
Háskólinn á Akureyri býður
fjölbreytt námsframboð en
vinsælustu námsleiðirnar eru
viðskiptafræði, lögfræði, sálfræði,
hjúkrunarfræði og kennaranám.
Þá hefur háskólinn talsverða
sérstöðu á sviði rannsókna og
hvað námsframboð varðar. Þar
má nefna nám í iðjuþjálfun á
heilbrigðisvísindasviði og á
hug- og félagsvísindasviði er
boðið upp á nám í nútímafræði,
félagsvísindum og fjölmiðlafræði
til BA-gráðu, sem ekki er í öðrum
skólum. Þá er boðið upp á nám í
sjávarútvegsfræði og líftækni í
auðlindadeild. Einnig er þar boðið
upp á nýja námsleið í náttúru- og
auðlindafræðum í samstarfi við
Háskólann á Hólum.
Nemendum býðst einnig sá
valkostur að stunda fjarnám
við Háskólann á Akureyri óháð
búsetu. „Við höfum verið leiðandi
í því að koma slíku námi á fót
hér á landi og í dag kennum við
til yfir tuttugu staða á landinu.
Námið fer mestmegnis fram í
gegnum myndfundarbúnað og
netið í samstarfi við fræðslusetur
og símenntunarmiðstöðvar.
Fjarnemar mæta einnig í
staðbundnar lotur hér á Akureyri
einu sinni til tvisvar á hverri önn,“
segir Dagmar Ýr Stefánsdóttir.
Fjölbreytt nám í
persónulegum háskóla
„Það er mjög mikilvægt að fólk geti
stundað háskólanám á fleiri en einum
stað á landinu,” segir Dagmar Ýr
Stefánsdóttir. MYND/BJARNI EIRÍKSSON
Í haust var stórum áfanga í sögu Háskólans á Akureyri náð þegar nýbygging var tekin í notkun og öll kennsla fluttist á einn stað í
bænum. Þá var tekið í notkun háskólatorg sem hlotið hefur nafnið Miðborg. MYND/RAGNHILDUR AÐALSTEINSDÓTTIR
„Ég valdi Háskólann á Akureyri
af því að hann býður upp á nýja
nálgun við lögfræðina. Grunn-
námið er mjög alþjóðamiðað,
til dæmis koma erlendir gesta-
kennarar og möguleikarnir til
skiptináms eru töluverðir. Ég
fór í framhaldsnám til Oslóar og
byggði á mjög góðum grunni fyrir
námið sem ég fór í þar.“
Valgerður Húnbogadóttir, þjóðréttarfræðingur og
meistaranemi í lögfræði.
„ S j á v a r ú t v e g s f r æ ð i e r
þverfaglegt nám sem gefur
möguleika á fjölbrey t tu
meistaranámi. Þú færð víðtæka
þekkingu á sviði sjávarútvegs,
raunvísinda og viðskipta.“
Gústaf Línberg Kristjánsson,
nemandi í sjávarútvegsfræði.
Umsagnir nemenda í Háskólanum á Akureyri