Sólskin - 01.07.1937, Blaðsíða 57
en koma aldrei í dagsljósið. Svo er það til dæm-
is á ertunni. Rótin er kölluð k í m r ó t, með-
an hún er ung, og öll litla jurtin, er út úr fræ-
inu vex, k í m j u r t.
Þór: Er hægt að vita fyrirfram, hvort kím-
blöðin verða eitt eða tvö ?
Finna: Það fer alveg eftir því, af hvaða jurt
fræið er. Sef, fífur, starir og grös, svo sem
puntur og fleira, hafa eitt kímblað og eru
nefnd einkímblöðungar. En sóleyjar,
fíflar og aðrar jurtir með litfögur blóm hafa
tvö kímblöð, og eru kallaðar tvíkímblöð-
ungar. Margt er ólíkt með einkímblöðung-
um og tvíkímblöðungum, og eru tvíkímblöð-
ungarnir á hærra þroskastigi og fullkomnari
að byggingu. Kímblöðin standa ekki lengi, að-
eins meðan stöngullinn er að þroskast, svo að
ný blöð geti myndast.
Ása: Hvað éta jurtirnar, þegar þær eru
búnar með nestið, sem móðir þeirra lét þær
hafa með sér?
Finna: Jurtirnar nærast á vatni og uppleyst-
um efnum, sem í því eru. Vatninu ná þær með
rótinni úr moldinni. Rótin er líka til þess að
halda jurtinni fastri í jörðunni; annars fyki
hún út í veður og vind.