Sólskin - 01.07.1937, Blaðsíða 67

Finna: Já, nokkrar tegundir, og ein af þeim
er umfeðmingsgrasið.
Teitur: Á það ekki erfitt með að f inna eitthvað
til þess að halcla sér í, þegar það vex úti á víða-
vangi?
Finna: Ónei, það finnur oftast grasstrá eða
þá annað umfeðmingsgras, því að þau vaxa
venjulega í stórum, fallegum breiðum. Grip-
þræðirnir eru tilfinninganæmir. Snerti þeir
strá, beygja þeir sig í sömu átt, þangað til þeir
hafa vafið sig marga hringi utan um það.
Ósk: Hvernig eru blóm á umfeðmingsgrasi
lit?
Finna: Þau eru fagurblá.
Ása: Hvernig verða jurtirnar til?
Finna: Veistu hvernig kartöflur verða til?
Ása: Já, þær eru teknar upp úr garðinum á
haustin, og geymdar. í kjallaranum yfir vet-
urinn. Undir vorið er sumt af þeim látið spíra.
Pabbi stingur upp garðinn, þegar jörðin er
orðin klakalaus, og rakar yfir hann með garð-
hrífu. Holur gerir hann í molclina með spýtu
og lætur eina kartöflu í hverja þeirra. Eftir
það megum við krakkarnir ekki stíga út í garð-
inn um langan tíma. Nú líður ekki á löngu, þar
til græn grös vaxa upp úr moldinni, á sömu
stöðum og kartöflurnar voru látnar. Mamma
65